Taytus 2:6 - Udél Dwata: Gna Kesfasad ne Lomi Kesfasad

⁶ Dalang se bè yó kem sawang logi, hol le hfulung mafas nawa le.

Taytus 2:6 Referans Kwoze

Kehedem Tau Tmolok 12:1

Duhen yó, hol hentulónem nawa yóm Dwata tehe mifil kóm yóm igoem tolo lomi tau. Hol nadatem gu laanem là deng tuha. Abay se ke dengi tuha laen kô dù bud kligalem bè klowilem.

1 Pitér 5:5

Ne yu kem tau lomi lemnok, hol nimón ye yó kem tau tuha senta ye. Ni hlauhu kuy yóm kdê ye, hol dnalang ye yóm keheglaan bè kem dumu ye. Abay se wen monen bè Sulat Dwata, yóm monen, “Tey kekbê Dwata kul yó kem tau hegmón, bede tnóbóngen yó kem tau hulung heglaan.”

1 Jan 2:13

Ne smulate ebélê ye snéen yu kem mà, abay se deng tngón ye Krays se kuy, yóm sana mowil tenbut bè kbuten. Ne smulate ebélê ye snéen kuy, yu kem hanà lomi lemnok, abay se deng ye matù ne bè Seitan.

Kehedem Tau Tmolok 11:9

Ó ngà logi lomi lemnok, holi hligal bè yóm igoem hanà tolo lomi tau. Hol hnigalem yóm klowilem ket kdaw. Nmoem yóm kóm kóyô, ne hotuhem gelem mò du yóm kdéen. Okóm hol béem abay klifót, angat snolò Dwata béléem kdê yó kem deng nmoem.

Juwél 2:28

Yó bud udél Dwata, monen, “Kogolen bè yó, gotu suu bè kdéen tau yóm dou Tulus. Yó kem ngà ye logi ne kem ngà ye libun, angat le baling tugodu. Yó kem tuha bélê ye, angat wen heknahu kul. Yó kem logi lomi lemnok, angat wen htonu bélê le.

1 Timuti 5:1

Ke wen tonem gónón teklé yóm logi deng tmuha sentahem, béem kento mólów du. Henyuhem hmau du, lómón kadatem du ke mudéli ebè maem. Dalang se ebè yó kem logi lomi lemnok, lómón kmoem kul, lómón ke hol twolihem.

Kem Lingón 148:12

kem lomi libun, ne kem lomi logi, kem tuha, ne kem ngà, hol gel dóyón ye Dwata se kuy.

1 Tisalunika 5:6

Duhen yó, bê tekuy dnalang yóm kul kehlingay yó kem dumu tau, lómón tô le lemnga tungô. Eles tekuy hol mingat dé, ne hol tekuy hfulung hedem.