Taytus 2:2 - Udél Dwata: Gna Kesfasad ne Lomi Kesfasad

² Yó hol hloloem kul yó kem logi deng malay knawa le, bê le abay hlengel, yake hfulung le mit ktau le, ne hfulung le mafas nawa le. Yake hgemel le kehtahu le, ne hfulung le kembong nawa kem dumu le, ne hfulung le hbala ke wen gónó le glayam.

Taytus 2:2 Referans Kwoze

Glasya 5:23

ne yóm khulung heglaan, ne khulung mafas nawa. Ke deng gotu glolò tekuy ni kem ni, laen kô dù gulé tekuy du yó kem hlau Musis.

1 Pitér 4:7

Móyón sut ne yóm hol són kdaw. Duhen yó, hol ye gel hfulung mafas nawa, bê ye gel hlingay anì laen dù gónón gseng yóm gel kni ye bè Dwata.

1 Timuti 3:11

Kólen bè yó kem yehen le, hol sneb kul snéen ke libun hyu kmò le, ne ke là gel sentulón le kem dumu le, ne ke là hlengel le, ne ke laen dù kéng nmò le.

1 Pitér 5:8

Bê kuy abay gel hlingay, hol ye eles htigel. Abay se wen Seitan yóm hohon ye, sónmoen mebel yóm tau mò hensideken, lómón yóm liyun, sónmoen mebel kenfóen mò nséken.

Taytus 1:13

Ni se gónóm hol mólów kul anì là wen tlek belenen yóm kehtahu le,

1 Timuti 3:2

Yóm tau malak bè simbahan, hyu ke laen dù gónó le gemsanil du kem dumuhen, là demweyen, hulung hedem, hulung mafas nawan, hulung mit ktauhen, hulung hmódó, hulung tmolok,

Kem Udél Hlalak Tehe Selumun 16:31

Tey megdóyón yóm tau ke gutahen kubónen lemwót bè ktedeng kmoen.

1 Tisalunika 5:8

Okóm tekuy du, deng te tau lem layag, yake hol tekuy hfulung hedem. Eles te tendo kmulóng klung. Ne yó henged klung tekuy, duhen yóm kehtahu te, ne yóm kesbong nawa. Ne yó henged sloung tók sudù tekuy, duhen yóm kgel nawa te yóm angat kegewà tekuy gu lem hatay.

Sulat Pol Ebè Yó Kem Tau Hemtahu Bè Rom 12:3

Yóm deng kélék Dwata do gónón wen kwalisu mon du mò kuy yóm kdê ye, bê ye abay nmò uléhen yóm kwit ye du yóm kenhulung ye abay se Dwata yóm bemlay du kuy.

Hlolò 19:32

Hol nadat ye yó kem tuha bélê ye. Hol nimón ye o mlan bè yóm klikò ye dou. Ou se yóm hol gónó mogot.

1 Pitér 1:13

Duhen yó, hol sù ye bè nawa ye sen yóm kimón ye ke Dwata. Bê ye hningay. Hol ken-gel ye nawa yóm hyu angat blay Dwata kuy bè yóm kdaw kesfulék Jisas Krays edini.

1 Kurin 15:34

Hol nulék nawa ye dé yóm hyu deng dnalang ye, ne hol tenflok ye yóm kmò ye sidek. Tódô tulónu kuy, tolo wen he bélê ye yóm là deng temngón ke Dwata. Là kenyak ye du kô yó?

Kem Lingón 92:14

Balù yóm deng ktuha le, sana kbungu le. Là kóen monol kgis le bè yóm kmò le nmò.

2 Pitér 1:6

Bud bè yóm khulung ye hedem, hol hmung ye du yóm khulung ye mafas nawa. Ne bè yóm khulung ye mafas nawa, hol hmung ye du yóm khulung ye hbala. Ne bè yóm khulung ye hbala, hol hmung ye du yóm hol kgulit klolò ye ke Dwata.

Taytus 2:7

Yake béléem dé, Taytus, mò gónó le dmalang du yóm kehyu kmò. Hol hewótem lem but blututem yóm ktolokem kul, béem mom hningay.

Taytus 1:8

Yó dé nélékem yóm tau hulung hmódó, yóm tau són nalu nmoen, són yóm hyu. Hol nélékem yóm tau hulung mafas nawahen, yóm tau btol, yóm tau laen dù belenen yóm gel nmoen, ne megtolok.

1 Timuti 3:4

Hyu ke hulung mit yó kem fes lówóhen, ne ke himón yó kem ngaen, mung du yóm kadat le du.

1 Timuti 1:5

Yó hol muhen nim hlolou kóm ni anì wen yóm kesbong le nawa lemwót bè yóm klaen dù belenen yóm nawa le, ne yóm klaen dù blóng le ebè Dwata, ne hol tahu duhen yóm kehtahu le.

1 Tisalunika 5:6

Duhen yó, bê tekuy dnalang yóm kul kehlingay yó kem dumu tau, lómón tô le lemnga tungô. Eles tekuy hol mingat dé, ne hol tekuy hfulung hedem.

Flipay 4:8

Ni mò sónu du bélê ye, kem dumuhu setwoli. Yake hol sù ye lem hendem ye dé yóm hyu, ne yóm knóón bang dóyón. Tey hyu ke són gel hendem ye yóm tahu ne yóm tedeng ne yóm mólós, ne yóm minggel ne yóm knóón nadat.

2 Kurin 5:13

Gel wen se bélê ye mon du kun, “Kaem deng hlós lengel mata le yóm le Pol.” Kunen dé, syan ke megdóyón Dwata bè yóm gel nmò me. Okóm bè ktahuhen, là kóen lengel mata me. Yó gónó me mò du nim nmò me ni mò lan me tmóbóng kuy.

1 Kurin 9:25

Yóm tau mung bè yóm skuya mlóy, tey khotuhen gelen mò du yóm gónón kemgis lem lówóhen anì angat matù. Ewenem yó, yóm ofolen bè yóm katuen, là kóen dog legen, sana sidek. Okóm yó dum ofol guta tekuy kem tau hemtahu, laen kô mtukul ksideken.

Kul Nmò 24:25

Bè yóm igò Pol mudél, wen gtóngen bè yóm kebtol nawa, ne bè yóm khulung mafas nawa, ne yóm angat kehdà Dwata kdéen tau bè soluhen. Botong likò Filik bè yóm kungolen du, tódô tenfloken kudél Pol, monen, “Nan geblà yó he. Tódô bud tinoku uu he ke wen urasu.”

Kun Snulat Luk 8:35

Mung kungol kem tau du nim tulón ni, tódô le gotu seguku gu ditu na le e hnénég yó kem deng tulón le kul. Timbow le gdofì bè Jisas, tódô ton le se yóm tau tehe nalak busaw myón klohoken. Deng bud lemsek nes, ne deng bud hyu kehedemen. Ya tey klikò le yó kem tau sguku ebè yó yó.

Mark 5:15

Timbow le gdofì bè Jisas, tódô ton le se yóm tau tehe genged busaw malak du myón klohok Jisas. Deng bud lemsek nes, ne deng bud hyu kehedemen. Ya tey sidek klikò le yó kem tau sguku ebè yó yó.

Isaya 65:20

Laen dù bud matay bè yó kem ngà hanà hulô. Ne yó kem tuha, là kóen ukol ktau le. Ke deng lematu halayen yóm tau bè yóm benwu yó, hanà tolo lomi lemnok he. Ke kendel le matay gu laanen, yó se ilô yóm ktafaku kul.

1 Timuti 3:8

Ne yó kem tau tô gel tmóbóng bè simbahan, sneb kul ke tau hyu kmò le, ne ke tau laen dù lafinen yóm kehtahu le. Là hyuhen ke hlengel le, ne ke seglom le bè filak.

1 Timuti 1:2

Smulate ebéléem, Timuti. Lómón ke deng hol ngau uu lemwót bè yóm kehtahu te. Yó hem Dwata, yóm Mà tekuy, dalang se yóm gónó tekuy mogot Jisas Krays tendo tmóbóng kóm, ne tendo kmodu kóm, ne tendo henek nawahem.

1 Timuti 1:10

ne yó kem tau smamuk, yó kem logi sefdóyón honon lu, dalang se kem libun sefdóyón honon lu, yó kem tau kemfô dumuhen tau, yó kem tau mò kéng, ne yó kem tau tmifù kéng, ne yó kem tau mò du yóm dumu nmò là segtónen ebè yóm tahu tolok.

1 Timuti 1:14

Okóm tey któbóngen dou yóm gónó tekuy mogot, tódô henbalingen ou tau hemtahu, ne blayen do yóm kbong nawahu kem dumuhu. Yó se nefeten yóm deng kessotu tekuy bè Krays Jisas.

1 Timuti 5:1

Ke wen tonem gónón teklé yóm logi deng tmuha sentahem, béem kento mólów du. Henyuhem hmau du, lómón kadatem du ke mudéli ebè maem. Dalang se ebè yó kem logi lomi lemnok, lómón kmoem kul, lómón ke hol twolihem.

Filimun 1:9

Okóm lemwót bè yóm kbong nawahu kóm, là kô dóku kóm, olohen wen hnihu béléem dé. Baluen se ke ou Pol, yóm deng hógów Krays Jisas, ne ni kmoen ni, tauhe geblanggù lemwót bè yóm klolou du.