Taytus 2:15 - Udél Dwata: Gna Kesfasad ne Lomi Kesfasad

¹⁵ Hol tolokem kul ni kem ni. Hol gendufem lu mimón, ne bnólówem lu ke wen gónó le teklé, yakà wen kóm kwalis mò du. Ne béem nmò yóm gónó le kemfê kóm.

Taytus 2:15 Referans Kwoze

2 Timuti 4:2

Hol béem tenflok tmulón du yóm Udél Dwata. Tnanahem hból du nim kmoen ni, kihu ke hnungol le duhen ke là. Hol heglilebem kul yóm là tedengen. Bnólówem ke wen gónó le tlas, ne hol gendufem lu bè kehtahu le. Hol hanayem nawahem tmolok kul.

Taytus 1:13

Ni se gónóm hol mólów kul anì là wen tlek belenen yóm kehtahu le,

1 Timuti 5:20

Olo kóm ke tahu wen se gónón teklé yóm tau yó, tódô benkas bnólówem lem blóng yó kem dumuhen hemtahu anì eles wen klikò yó kem dumun hemtahu.

Matyu 7:29

abay se là mkélen bè yóm kul ktolok yó kem tau gel tmolok hlau bélê le. Alì mfasang yóm kun ktolok Jisas.

Mark 1:22

Tey keseftaw le du yó kem tau hmungol du, abay se là mkélen bè yóm kul ktolok yó kem tau gel tmolok hlau bélê le. Alì mfasang yóm kun ktolok Jisas.

Kun Snulat Luk 4:36

Ya tey ketnga le du yóm nmò Jisas yó, tey kestulón le du, mon le, “Udél du mni du? Tey mlan. Ne tey mfasang. Botong dóken yó kem busaw ne tódô nimón le.”

Mark 1:27

Ya tey ketnga le du yó kem tau nô bè yó, són mò le semtulón du, mon le, “Tedu mni? Tey tólóng kun ktolok tau ni. Wen kwalisen hdó yó kem busaw, ne tódô nimón le.”

1 Kurin 16:11

Hol nadat ye se kun. Sok mulék gu dyó bélê ye, hol hninggel ye sen hewót du anì bud gefet béléu dini. Yakà tendo nangatu du, mung du yó kem dumu tau hemtahu.

1 Pitér 4:11

Ke uu yóm sotu tau wen khulungen tmolok, tódô tolokem sen yóm Udél Dwata. Ke uu sotu tau wen khulungen tmóbóng, hol hlanem bè yóm kgis deng blay Dwata kóm yóm któbóngem kem dumuhem. Ke hyu kwit ye du yóm kenhulung blayen kuy, tey megdóyón Dwata mlan bè yóm któbóngen kuy Jisas Krays. Dwata se yóm hol knóón megdóyón, ne sónen du se yóm hol mfasang. Hol bê ye abay nmò sónen yóm kdóyón kuy du.