Taytus 1:8 - Udél Dwata: Gna Kesfasad ne Lomi Kesfasad

⁸ Yó dé nélékem yóm tau hulung hmódó, yóm tau són nalu nmoen, són yóm hyu. Hol nélékem yóm tau hulung mafas nawahen, yóm tau btol, yóm tau laen dù belenen yóm gel nmoen, ne megtolok.

Taytus 1:8 Referans Kwoze

1 Timuti 3:2

Yóm tau malak bè simbahan, hyu ke laen dù gónó le gemsanil du kem dumuhen, là demweyen, hulung hedem, hulung mafas nawan, hulung mit ktauhen, hulung hmódó, hulung tmolok,

Taytus 2:7

Yake béléem dé, Taytus, mò gónó le dmalang du yóm kehyu kmò. Hol hewótem lem but blututem yóm ktolokem kul, béem mom hningay.

1 Bok Kem Tau Hol Geta 5:7

Timbow gefet bè Hiram yóm udél hwit Selumun yó, tey kehligalen, botong monen, “Tey megdóyón Dwata kemdaw ni, abay se deng blayen ke Dabid yóm ngà logi alì hulung hedem mò temles mogot yó kem tey tau Israél wen.”

1 Jan 5:1

Yóm tau ke hentahuhen Jisas yóm Misaya, yóm deng nélék Dwata, du se yóm tau deng baling ngà Dwata. Yóm tau ke bong nawahen ke Dwata, yóm Mà tekuy, kenbongen nawa snéen yó kem dumu tau deng baling ngà Dwata.

1 Jan 3:14

Deng tngón tekuy se yóm deng kegewà tekuy gu lem hatay, ne yóm deng kili tekuy ebè yóm klowil laen dù sónen. Yó gónó ye temngón du, abay se bong nawa ye yó kem dumu ye. Okóm yóm tau ke là kenbong nawahen kem dumun, yó se yóm tau tolo golu elem hatay.

1 Timuti 6:11

Okóm kóm, Timuti, uu se tau Dwata, holi hlayuk du kóm ni kem ni. Hol sen-galuhem yóm nawa btol, yóm nawa gulit, nawa hulung hbala, nawa ganag. Hol naluhem ketnù yóm kehtahuhem bè Dwata ne yóm kbong nawahem kem dumuhem.

1 Timuti 4:12

Hol gel tenngelem kdaem, Timuti, kô wen gónó le gemsanil kóm. Balù yóm hanà tolo klomihem lemnok, uu se mò senflénég kem dumum hemtahu bè kestulónem, bè kekdolem, bè kbong nawam kem dumuhem, bè kehtahuhem, bè kólós nawam.

1 Tisalunika 2:10

Deng ton ye se kuy, ne deng ton Dwata snéen kun yóm klaen dù belenen yóm gel kmò me bè yóm tehe knô me bélê ye ekni. Hono tedeng. Balù udì ke wen gónó ye gemsanil kum.

Kem Lingón 16:3

Tey gulit nmò le yó kem tau teneb le bè kehtahu le. Tey hyu nawahu ke nóe lem blóng le.

1 Bok Kem Tau Hol Geta 5:1

Yóm Hiram yóm tau hol geta bè Tayal, du se yóm tau hol kun dumu swè tehe Dabid. Timbow gungolen yóm deng ketles Selumun ke maen Dabid, yó gónón wen kem tau hógówen ebè Selumun mò mit yóm udélen dmóyón du.

1 Samwél 18:1

Timbow deng kestulón le Dabid Sol, omin le ston Junatan, yóm ngà Sol logi ne tódô le kendel sfulung yóm lewu le ne tey tilob keswè le.

2 Timuti 3:3

Yó alì mò kul, laen dù nawa le ebè kem dumu le, balù udì ke wen keskodu le, gel sentulón le kem dumu le, tey kosut nawa le, mahil le hlóbô, mom kenbê le yóm hyu.

2 Timuti 2:22

Holi hlayuk bè yóm dô tngónem gónóm gemsalà, yakà hanai lomi lemnok. Hol sen-galuhem yóm nawa btol, ne yóm ketnù yóm kehtahuhem bè Dwata, ne yóm kbong nawam kem dumuhem. Hol nmoem yóm gónón menek nawahem bè kem dumum tau, yakà ni du kul kmò yó kem tau gel htóbóng bè yóm gónó tekuy mogot, yó kem tau laen dù belenen yóm kehedem le.

Amus 5:15

Hol kenbê ye yóm sidek, ne hol henlom ye nawa yóm tedeng. Ne hol hentedeng ye kukum bè gónô skukum. Ngem, déke bud mulék kodu Dwata yó kem dù tauhen tolo mowil bè nim benwu ni, yóm Dwata laen dù là gbeken du.

Kun Snulat Luk 2:25

Bè yóm kdaw yó, wen sotu tuha logi nô bè Jirusalim boluyen Simyun. Nim tau ni, tedeng knawahen, ne tey klikoen ke Dwata. Sal gel nangaten yóm kehewà Dwata kul yó kem tau Israél. Tendo nô béléen yóm Tulus Dwata,

Kul Nmò 24:25

Bè yóm igò Pol mudél, wen gtóngen bè yóm kebtol nawa, ne bè yóm khulung mafas nawa, ne yóm angat kehdà Dwata kdéen tau bè soluhen. Botong likò Filik bè yóm kungolen du, tódô tenfloken kudél Pol, monen, “Nan geblà yó he. Tódô bud tinoku uu he ke wen urasu.”