Biblia Todo Logo
Bib sou entènèt

- Piblisite -




Taytus 1:6 - Udél Dwata: Gna Kesfasad ne Lomi Kesfasad

6 Yó nélékem yóm tau laen dù gónó le gemsanil du yó kem dumuhen, yóm tau tek sotu yehenen, yóm tau deng gotu hemtahu kem ngaen anì là wen bélê le gel hbusaw lem blóng kem dumu le, ne là bong gel le.

Gade chapit la Kopi




Taytus 1:6
18 Referans Kwoze  

Yóm tau tô tmóbóng bè simbahan, là demweyen, ne hulung mit yó kem ngaen ne yó kem dumu fes lówóhen.


Yakà dengen dê ne yóm tau là himónen ni kmoen ni. Hol nê yó kem dou dumu Ju deng hemtahu. Laen dù lemen yóm ktolok le, olo le smukat tau.


Hol bê ye abay nmò yóm hlengel minum, yó se hemsidek klowil ye. Yó dé tles nmò ye, halak ye bè yóm Tulus Dwata.


Bud sotu hesgalu me kuy, kem dumu me setwoli. Hol eles bnólów ye lu yó kem tau mduk. Hol ten-gel ye nawa yó kem tau gel hlóng likò. Tnóbóng ye yó kem tau là dengen ngelem kehtahu le, ne hol hanay ye nawa ye ebè kdê le.


Tehe hanà kegenen du Hirod ekni, yóm tau hol geta bè Judiya, wen sotu tau gel demsù ebè Dwata boluyen Sekariya. Nim tau ni, semfu gu bè yóm sotu tau tehe gel demsù ebè Dwata boluyen Abidya. Yó boluy yehenen, Ilisabét, libun semfu gu bè yó kem tau gel demsù ebè Dwata snéen kun.


Yóm logi nimónen yó kem hlau Dwata du se yóm logi hulung hedem, okóm yóm logi dnumuhen yó kem tau gel mò sidek henyaken maen.


Okóm ke Ili kun, deng tey tuha ne, ne deng gel gungolen yóm kdê nmò yó kem ngaen logi bè yó kem tau Israél. Deng tngónen snéen yóm kekleyek le yó kem libun mò nmò bè bak dól yóm Gónô Dwata.


Omin le mulék ebè benwu le bè Rama le Ilkana ne Hana. Okóm fen tebel bè yó kun ke Samwél mò tóbóng lówó Dwata mlan bè yóm gel któbóngen ke Ili yóm tau gel blóng ebè Dwata.


Deng néléku mò gel hmau yó kem ngaen ne yó kem fuen anì nimón le ou ne nmò le yóm tedeng. Ke mimón le, angat dnohou yóm deng fasadu ke Abraham.”


Dwata se deng tehe semsotu kuy yóm libun yehen ye. Yóm lówó ye ne lóyóf ye ke Dwata funen. Yó mu Dwata du yóm kesyehen ye anì wen kem ngà ye mò bud lemolò yó kem hloloen kuy. Yó gónóm mon, hol ye eles temgama, tódô ye hol hteneb bè yóm kuy tahu yehen lemwót bè klomi ye tau.


Bè ktahuhen, sundu yó du tendoken ke yó kem tau gel mimón du, okóm yó dé tendoken, yó kem tau gel mulé du ne yó kem tau gel mò sidek, yó kem tau kembê ke Dwata ne yó kem gemsalà, yó kem tau là hemtahuhen ne là madat ke Dwata, yó kem tau glef le hmatay kem tuha le, yó kem tau monok,


Swiv nou:

Piblisite


Piblisite