Taytus 1:15 - Udél Dwata: Gna Kesfasad ne Lomi Kesfasad

¹⁵ Yó kem tau deng mólós kehedem le, sal gel mólós se kehedem le du yóm kdéen ton le. Bede kul yó kem tau là mólós kehedem le, tau là mimón ke Dwata, là kóen mólós bélê le kul yóm kdéen ton le, abay se là buden tedeng ne kehedem le, ne laen dù bud bemekel nawa le.

Taytus 1:15 Referans Kwoze

Sulat Pol Ebè Yó Kem Tau Hemtahu Bè Rom 14:14

Lemwót bè yóm deng kegfihu bè Jisas hol gónóhu temngón du laen dù mtukul ken sidek bè Dwata. Són yó dé gónón sidek, són bè kehedem tau du.

Sulat Pol Ebè Yó Kem Tau Hemtahu Bè Rom 14:20

Bê tekuy abay hensidek kehtahu kem dumu tekuy mlan bè yóm gel ken tekuy. Laen kô dù ken nali Dwata bè kem tau, okóm yó gónón sidek ke fen btang bè salà kem dumu tekuy hemtahu lemwót bè kken tekuy.

1 Kurin 10:23

Gel mon yó kem dumu tau, mon le, “Gbek tekuy mò du kun balù kihu nóyô nmò tekuy.” Ya mo ktahuhen du yóm yó, okóm là kô kdéen du hyu bélê tekuy, duhen ke gónó tekuy gemtóbóng kem dumu tekuy bè kehtahu le.

Matyu 15:18

Okóm yóm sidek kebkó gel btang bè sumóng yóm tau, hono lemwót lem hendemen, ne yó se mit du là mólós bè Dwata.

Sulat Pol Ebè Yó Kem Tau Hemtahu Bè Rom 14:23

Okóm ke tolo megewu nawahen du yóm tô kenen, salaen bè Dwata ke kenen, abay se là loloen du yóm hentahuhen. Balù kihu nmò tekuy, ke là lolò tekuy du yóm deng hentahu tekuy, salà tekuy bè Dwata ke nmò tekuy.

1 Kurin 10:31

Yó balau du yóm yó, nô kihu nmò tekuy, senged se bè kken tekuy duhen ke bè kinum tekuy, hol gel hlan tekuy bè yóm gónón megdóyón Dwata.

Kul Nmò 10:15

Bud monen se mò du yóm mudél ebéléen yó koni, “Béem fen tô mon là mólósen yóm deng mon Dwata hyu mken du.”

1 Kurin 8:7

Okóm nim ktahuhen ni, là kô kdéen du tau temngón du. Tey mgel bè kem dumu tau ke tô kó le yóm sana kul adat bè kehtahu le yóm dwata kéng. Ne ke gbót le mken yóm ken deng dsù le ebéléen, ofo kul hemdem du ke deng wen tahu funen. Lemwót bè yóm tolo kegewu kehedem le du, là mólós kegnóm le du ke ken le.

Hibru 10:22

Yó gónóm mon, hol tekuy hloni ebè Dwata dé. Hol hewót tekuy lem but blutut tekuy yóm kehloni tekuy yó, mung du yóm hol kehtahu tekuy béléen. Yakà deng hólósen tekuy Jisas, yó gónón deng mkó ta tekuy ne yó kem salà tehe gel hemblat tekuy. Hol lómón ke deng denyohen tu lem yóm tey él tikaw.

1 Kurin 10:25

Là kóen sidek ke ken ye yóm utón gel hbalù le lem fedyan. Okóm ke bemli ye, omin he ke dê snólók ye, anì là megewu kehedem ye du yóm utón gel benli ye.

1 Timuti 6:5

Tendo mit skaf stulón bè yó kem tau là buden btol kehedem le, là bud lolò le du ne kul yóm ktahuhen. Bè kul kehlan du, yóm kul kehtahu mò lan baling kwasa.

Kem Udél Hlalak Tehe Selumun 21:4

Bè yóm kehtonen salù ne keheklabaken gónón galak yóm tau gel mò sidek ne yó se mit du gemsalà.

Hagay 2:13

Sotu bud sólók Hagay kul, monen, “Mò kmoen se yóm tau deng gholu lemwót bè kogoten lówó yóm tau deng matay, ke wen gogoten bè yó kem ken yó koni, gomong gholu kô yóm ken deng gogoten yó?” Ne yó balà le du yó kem tau gel demsù ebè Dwata, mon le, “El, gomong gholu.”

Hibru 9:14

Ke tehe wen ktueden yóm kul litô yó kem ógóf, milud he ktueden yóm kun litô Krays. Mlan bè kun tóbóng yóm Tulus Dwata laen dù tul katayen, yó gónó Krays tódô hamà du yóm kun klowil mò dsuen ebè Dwata, yóm dsù tódô ket du. Yóm litô dsuen yó, gbeken mkó du bélê tekuy yóm sidek gel hemblat tekuy lemwót bè yóm là kegtóbóngen tekuy yó kem dê tehe gel lolò tekuy. Ne ni kmoen ni, gbek tekuy mò du yóm hmò Dwata tekuy, yóm Dwata laen dù tul katayen.

Kem Udél Hlalak Tehe Selumun 30:12

Wen se kem tau ofo kul hemdem du ke deng hono duhen yóm kul kmò, okóm là dengen mkó ta le he salà le.

Hibru 12:15

Hol ten-gama ye anì là wen bélê ye bè yó kmogol du yóm tey nawa Dwata ebéléen. Hol ten-gama ye yóm nawa là hmifót. Ke hlingónu du yóm nawa yó, hol lómón ke yóm kluon wen alasen, gbeken alì hmayam du yóm tau glo du.