Taytus 1:11 - Udél Dwata: Gna Kesfasad ne Lomi Kesfasad

¹¹ Tenflokem lu, abay se tey deng dê gmónô senbeweg le lan le gel tmolok yóm sekban. Yóm ktolok le yó, samut lan le mebel filak.

Taytus 1:11 Referans Kwoze

2 Timuti 3:6

Wen se bélê le gel motun bè yó kem gmónô anì wen libun hemklingu kul mò mimón yóm tolok le. Yó kem gel hemklingu kul yó, són yó kem libun gel mahil gmung. Yó mò kul, tendo blat kegnóm le du lemwót bè yó kem sidek tehe gel nmò le, kem libun mahil gmung bè yó kem knóyô lówó le.

1 Timuti 6:5

Tendo mit skaf stulón bè yó kem tau là buden btol kehedem le, là bud lolò le du ne kul yóm ktahuhen. Bè kul kehlan du, yóm kul kehtahu mò lan baling kwasa.

Sulat Pol Ebè Yó Kem Tau Hemtahu Bè Rom 3:19

Nim udél Dwata ni koni, deng tngón tekuy se yóm kegbaken ebélê tekuy kem Ju, kem tau gónó Dwata hemsù yóm hlauhen. Angat gotu hdaen bè soluhen yóm kdéen tau bè klamangen benwu. Yó gónóm mon, laen dù lan tekuy kembê du ke tnafak Dwata tekuy bè yóm kulé tekuy yóm kun hlau.

Taytus 3:10

Ke wen tau gel hesgólólen nawa kem dumuhen tau, bnólówem. Ke là himónen, bud budem mólów du. Okóm ke là hdonen, béen bud hegbool bélê ye.

Kem Lingón 63:11

Okóm béléu dou, yóm tau hol geta deng nélékem, tey kligalu lemwót bè yóm kehegmoem dou. Yó kem tau gel dnohò le yóm fasad le hlan le bè boluy Dwata, angat tey kdóyón le ke Dwata. Okóm yó kem tau gel mò kéng, angat hegfan Dwata yóm kéng le, là kô le bud gudél.

Taytus 1:9

Hol nélékem yóm tau mgemel kogoten du yóm deng tulón me kuy gbak ebè Jisas Krays, yóm tolok alì gsalig. Ke ni se kmoen, gbeken gemduf yó kem dumu tau hlanen bè yóm tahu tolok, ne gbeken se hdilô du bè yó kem tau tô hemkéng du yóm kul gónó là segtud.

Taytus 1:7

Yakà kun nmò du Dwata yóm nkemen nim tau malak bè simbahan ni, yó gónón là hyu ke wen gónó le gemsanil du. Là hyuhen ke nélékem yóm tau hton salù, yóm kosut knawahen, yóm gel hlengel, yóm tau sunget, yóm tau seglom bè filak.

Mika 3:5

Yó udél Dwata ebè yó kem tugod dwata kéng, monen, “Yu se deng mit kul tlas yó kem dou tau. Ke wen ken blay le kuy, fnasad ye lu kenek kbenwu, okóm bè yó kem tau laen dù blay le kuy, deng mom sidek kesbeweg ye kul.

Kem Lingón 107:42

Ni kem nmò Dwata ni, gotu ton yó kem tau tedeng kmò le, ya tey kligal le. Okóm yó kem tau sidek nmò le, là kô le gudél kul.

2 Kurin 11:10

Hol lómón ktahuhen yóm kun udél Krays yóm ktahu nim monu ni, ne là kóen bud mulék elem baku snéen. Là kóe angat hlowil bélê ye, yu kem tau bè klamangen prubinsya Akiya.

Kun Snulat Luk 20:40

Kogolen bè yó, là bud le mlos smólók ke Jisas yó kem tau yó koni.

Mika 3:11

Yu kem tau gel malak, là kô ye kmukum ke là wen mò wa nawa ye. Yu kem tau gel blóng ebè Dwata, là kô ye tmolok udél Dwata ke là wen bayad le kuy. Yu kem tugod Dwata, laen dù tulón ye ke là bnayad le kuy, igò ye sem gel mon du són bè Dwata yóm gónó ye smalig. Gel mon ye, “Kaem nô bélê tekuy Dwata. Laen dù sidek sut bélê tekuy.”

Kun Snulat Jan 10:12

Okóm yóm tau olon semgyok ubiha lemwót bè yóm gel ksukéy le du, ke sok sut yóm ógóf lóbô gu lem bnes, tódô mlóy yóm tau yó, gtagaken yó kem ubiha sen-gyoken, abay se sundu kun ubiha du, ne là du du yóm tau hol semgyok kul. Yó nmò yóm ógóf lóbô sut yó, wen ubiha kenfóen, ne gotu senklahen lu yó kem dumu.

Matyu 23:13

Bud mudél Jisas, monen, “Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Lómón ke deng mom kendadu ye yóm bak dól bè yóm kogot Dwata tau. Là se kô ye dog gusek kuy, ne deng mom henseng ye yó kem tau móyô mung.

1 Timuti 5:4

Bede ke wen ngà le duhen ke bé le, yó se mò temdof kul, mò towok liteg yê le kul ne bé le. Ni se sotu hol hlolò Dwata yó kem tau deng hemtahu béléen. Ke ni se gel nmò le, tey bong hyu kegnóm Dwata du.

1 Timuti 5:13

Déke knalam le sembad lem blóng gónô, hlós le lemfu. Là olon yó du, okóm hlós baling libun lemnek ksumóngen, dê snoloen, hbólen yó kem là hyu bud hból du.

2 Timuti 2:18

Deng mom senyat le yóm ktahuhen, ne senbeweg le yóm kul kehtahu yó kem dumu tau lan le gel mon du deng deng ne yóm klowil tau gu lem hatay.