Taytus 1:10 - Udél Dwata: Gna Kesfasad ne Lomi Kesfasad

¹⁰ Yakà dengen dê ne yóm tau là himónen ni kmoen ni. Hol nê yó kem dou dumu Ju deng hemtahu. Laen dù lemen yóm ktolok le, olo le smukat tau.

Taytus 1:10 Referans Kwoze

1 Timuti 1:6

Deng wen se kem tau bè yó kmogol du nim monu ni, ne deng le hetlas elem yó kem sentulón laen dù mtukul nefeten.

1 Jan 4:1

Ó kem weu do dumu sogot nawa, bê ye kendel tódô hentahu ke wen tau mon du nô béléen kun yóm Tulus Dwata. Ke yó se gel mon le, na ye na hol nilô bè ktolok le ke tahu lemwót bè Tulus Dwata duhen ke là. Yakà dengen tey dê tau tódô lembù tmugod ke Dwata nim kmoen ni.

Glasya 2:4

Okóm wen se móyô mò du. Lu se yó kem tau sut hlingu le tau hemtahu anì hnungol le yóm mò kmò me du ke wen tau là Ju le hemtahu bè Krays Jisas. Yó kóyô le ke hlolò me yó kem tau là Ju le yóm kum hlau kem tau Ju.

Ifisus 4:14

Ke deng tekuy gulit, là bud tekuy mkél bè knawa ngà ne, gel le mahil gmung. Lemwót bè kgulit tekuy, là mahil tekuy gmung bè yó kem tau tmolok sekban. Gel nit le hetlas yó kem tau lemwót bè yóm khulung le smukat.

Sulat Jim 1:26

Ke wen tau hemdem du deng tey bong kun kehtahu bè Dwata, okóm ke là gafasen du ksumóngen, laen dù muhen yóm tô kehtahuhen yó, olon tmondo knóen.

2 Timuti 3:13

Yó kem tau deng solò kmò le sidek ne yó kem dumu tau sekban ktolok le, tódô hlós temnù ksidek nmò le. Snukat le kem dumu le, ne bud le gsukat se kul.

Kul Nmò 11:2

Bè yóm deng kkól Pitér bè Jirusalim, tey kudél le du yó kem dumuhen hemtahu tolo alì mlom klolò le yóm hlau Musis.

Deng Hegfan 2:14

Bede wen se kenbéu bélê ye. Yó kenbéu, deng mom wen bélê ye gemolò du yóm kéng tehe kun tolok Balaam. Nim Balaam ni, tehe wen hlauhen yóm sotu tau hol geta ekni boluyen Balak. Yó hlauhen du, duhen yóm kgoyen yó kem tau Israél anì ken le yóm ken deng dsù le ebè yó kem dwata kéng, ne mung du yóm kmò le samuk.

Deng Hegfan 2:6

Okóm ni se yóm hyu deng tonu bélê ye. Yóm kekbê ye yó kem sidek gel nmò yó kem tau Nikulasya, lómón se yóm dou kekbê du.

1 Jan 2:18

Ó kem ngà, deng móyónen gesón ne nim benwu ni. Deng eles gungol ye ne yóm ksut yóm hmohon ke Jisas. Balù nim kmoen ni, deng dê ne yóm sut hmohon du. Yó se mò ilô tekuy du yóm móyón kegesón nim benwu ni.

2 Timuti 4:4

Là kô hnungol le du yóm ktahuhen, mom knogol le. Mom tu alì henklingu le yó kem tulón lenbù nmò yó kem tau gnan.

1 Timuti 1:4

Hol tulónem kul bê le abay bud tulón yó kem tutul lenbù nmò yó kem tau gnan, ne yó kem tey dê boluy yó kem tehe fù le gónó le gu semfu. Yóm nmò le yó, olo mom dalil gónó le skaf mon. Là kô hetngónen du kut yóm kun kóyô bélê tekuy Dwata. Són bè kehtahu te gónó te temngón du yóm yó.

Glasya 3:1

Tey ye bakà, kem tau bè Glasya. Tau du de yóm deng gónó ye tawan? Igò me deng tehe hegtukul du bélê ye muhen yóm katay Jisas Krays bè kros.

Kul Nmò 20:29

Tódô eles tngónu se,” mon Pol, “ke là bude nô bélê ye, angat wen sut lem blóng ye kem tau tmolok sekban. Yó kem tau yó, hol lómón ke ógóf lem bnes alì lóbô, gotu senkla le yu.

Kul Nmò 15:1

Sotu kdaw bè yó, wen kem Ju lemwót bè prubinsya Judiya na le e tmolok bè yó kem tau hemtahu bè syudad Antyok. Yó sotu gel tolok le, mon le, “Ke là lolò ye du yóm sana hlau Musis bè kehtulì, là kô ye na a gewà gu lem hatay.”

Kul Nmò 15:24

Gungol me yóm tey kesbeweg ye bè yó lanen wen tau tmolok bélê ye lemwót dini bélê me, okóm là kô tngón me du yóm kul nmò yó.

1 Timuti 1:9

Bè ktahuhen, sundu yó du tendoken ke yó kem tau gel mimón du, okóm yó dé tendoken, yó kem tau gel mulé du ne yó kem tau gel mò sidek, yó kem tau kembê ke Dwata ne yó kem gemsalà, yó kem tau là hemtahuhen ne là madat ke Dwata, yó kem tau glef le hmatay kem tuha le, yó kem tau monok,

Taytus 1:6

Yó nélékem yóm tau laen dù gónó le gemsanil du yó kem dumuhen, yóm tau tek sotu yehenen, yóm tau deng gotu hemtahu kem ngaen anì là wen bélê le gel hbusaw lem blóng kem dumu le, ne là bong gel le.

1 Jan 2:4

Ke wen tau mon du, “Deng tngónu Dwata se dou,” okóm ke là dog nimónen du yóm hlau Dwata, odoyen yóm monen yó. Là kóen nô bè nawahen yóm ktahuhen.

Matyu 23:14

Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Yu se kem tau fen gel smukat yó kem libun bolu anì gfun ye gónô le, lel ye alì gel htahà kni ye bè Dwata. Yó se gónó Dwata alì hemsidek du yóm angat ktafaken kuy.