Sulat Jud 1:1 - Udél Dwata: Gna Kesfasad ne Lomi Kesfasad

¹ Ou se Jud gónón lemwót nim sulat ni. Ou se yóm sotu tau mò tóbóng lówó Jisas Krays, ne ou se yóm twoli Jim. Smulate ebélê ye yu kem tau deng tehe tnaba Dwata. Tey kbong nawahen kuy Dwata, yóm Mà tekuy bè longit, ne tey gel kofinen kuy Jisas Krays.

Sulat Jud 1:1 Referans Kwoze

1 Pitér 1:5

Hono kuy se funen yóm hyu yó. Ne lemwót bè yóm kehtahu ye, tódô senflós Dwata mofin kuy mlan bè yóm tey kegbeken. Yó gónón mofin kuy, abay se deng eles wen ne yóm klowil laen du sónen angat blayen tekuy, yóm hegfanen bélê tekuy bè yóm hol són kdaw.

1 Tisalunika 5:23

Yó hem Dwata gónón lemwót yóm kenek nawa tekuy. Du se hol hólós kuy anì laen dù belenen sidek yóm knawa ye ne yóm kehedem ye ne yóm klówó ye bè yóm kdaw kkól Jisas Krays yóm gónó tekuy mogot.

2 Timuti 1:9

Deng lenwà Dwata tu gu lem hatay, ne tnabahen tu anì baling te kun tau. Sundu ke bè yóm hyu deng nmò te gónón lemwà kut, kaem tódô lemwót bè yóm kun kóyô tmóbóng kut. Yóm któbóngen kut yó, hlanen bè Krays Jisas gu laanen là deng dmimun du nim benwu ni.

Kun Snulat Jan 14:22

Mudél se Judas (sundu yó dum Judas ngà Iskariyut), monen mò ke Jisas, “Moen de, Sér, ke són bélê me gónóhem angat hegfan, fen là bè yó kem tau là hemtahuhen?”

1 Pitér 2:9

Okóm yu kem tau deng hemtahu béléen, deng nélék Dwata yu mò hol kun tau. Yu se yóm henged demsù ebéléen. Yu se kem tau hol kun nogot, kem tau hol nfunen. Deng néléken yu anì hol heglalag ye bè klamangen yóm tey hyu deng nmoen bélê ye. Deng tnabahen yu igò ye tolo nô lem gónón kmifu anì mili ye ebéléen bè tum gónón alì lemayag.

Sulat Pol Ebè Yó Kem Tau Hemtahu Bè Rom 1:1

Ou se Pol yóm smulat ebélê ye ni, yóm sotu tau gel tóbóng lówó Krays Jisas. Deng nélék Dwata ou, ne deng tnabahen o mò gel hógówen mit yóm Tulón Hyu lemwót gu béléen.

Kun Snulat Jan 17:15

Là hnihu du béléem, Mà, ke kóhem lu lem benwu. Okóm yó hol hnihu béléem anì kenlungem lu bè Seitan.

2 Pitér 1:1

Bud ou se Simun Pitér gónón lemwót nim sulat ni, yóm sotu gel tóbóng lówó Jisas Krays, yóm gel hógówen. Bude smulat ebélê ye yu kem tau deng hemtahu bè Jisas Krays, yóm Dwata tekuy, yóm deng lemwà tekuy gu lem hatay. Lemwót bè yóm ktedeng nawahen, yó gónón hembaling kuy tau hemtahu béléen hol lómón yóm tehe kehbalingen kum tau hemtahu béléen.

1 Pitér 5:10

Okóm ke deng legen udì yóm keglayam ye, tey któbóng Dwata kuy. Du se hol hbegel kuy ne tendo ten-gelen yu efet là buden sliwo yóm kehtahu ye. Yó gónón tehe tmaba kuy anì gbót ye bè yóm tey kegetahen ditu bè longit hlanen bè yóm deng kessotu ye bè Krays. Ne yóm kegetahen yó, laen kô dù nan e són.

Hibru 3:1

Ó kem dumuhu setwoli, yóm deng tnaba Dwata mò kem tauhen. Hol hendem tekuy dé Jisas. Du se yóm deng hógów Dwata elem blóng tekuy mò fen blóng tekuy ebè Dwata bè yóm kehtahu tekuy.

Sulat Pol Ebè Yó Kem Tau Hemtahu Bè Rom 8:30

Duhen yó, yó kem tau deng hetfing Dwata, lu se yó kem tau tehe tnabahen ne gotu henbalingen lu tau tedeng ktonen kul, ne angat hmungen lu bè yóm tey kegetahen ditu bè longit hulin kdaw.

Sulat Pol Ebè Yó Kem Tau Hemtahu Bè Rom 6:22

Okóm ni, deng ye gewà bè yóm óyô mò sidek, baling ye ghesek bè Dwata. Yó uléken, baling ye tedeng bè ktonen kuy, ne angat blayen kuy yóm klowil laen dù sónen.

1 Pitér 1:2

Deng tehe eles tngónen kuy Dwata, yóm Mà tekuy bè longit. Ne deng néléken yu ne nmoen yu hol kun tau mlan bè yóm kun Tulus. Yó gónón mò du yóm yó anì hol nimón ye Jisas Krays ne anì gotu hnifóten yó kem salà ye mlan bè yóm deng khamà Jisas litóen. Dwata he hol tendo tmóbóng kuy ne hol tendo henek nawa ye.

Sulat Jim 1:1

Ou se Jim gónón gu lemwót nim sulat ni. Ou se sotu tóbóng lówó Dwata ne yóm gónó tekuy mogot Jisas Krays. Smulate ebè yóm kdéen tau Dwata deng sekla bè klamangen benwu.

2 Timuti 4:18

Ne angat bud lenwaen ou he yóm gónó tekuy mogot ke wen bud tô dumu gfau, ne hlós nwiten o ebè tum kun benwu nogot bè longit. Bê te abay lensón yóm kut kdóyón du.

1 Tisalunika 2:12

Tey gel kegduf me kuy, ne tey gel kehyu me nawa ye, lel me tendo gemduf kuy anì gmò ye yóm gónón hligal Dwata. Du se tehe tmaba kuy anì gomong ye bè yó kem tau nogoten ne bè yóm tey kegetahen.

Ifisus 5:26

Yó gónón matay anì wen lanen hembaling tekuy tau Dwata. Hólósen tekuy hlanen bè udélen ne bè yóm kehbabtays tekuy,

1 Kurin 6:11

Tehe wen se bélê ye mò du ekni ni kem monu ni koni. Okóm ni, deng ye baling mólós lan ye hkó yó kem salà ye. Deng ye baling kun tau Dwata, ne deng tedeng ne ktonen kuy hlanen bè Jisas Krays, yóm gónó tekuy mogot ne bè yóm Tulus yóm Dwata tekuy.

1 Kurin 1:2

Smulate ebélê ye, yu kem tau deng hemtahu bè Dwata bè syudad Kurin. Deng tnaba Dwata yu mò baling hol kun tau laen dù belenen. Deng nfunen yu hlanen bè yóm deng kessotu ye bè Krays Jisas. Deng ye gotu gomong ne bè yó kem kdéen tau bè dumu benwu deng gel tmaba bè yóm gónó tekuy mogot Jisas Krays.

Sulat Pol Ebè Yó Kem Tau Hemtahu Bè Rom 16:18

Abay se là kô lolò le ke Krays yóm gónó tekuy mogot yó kem tau yó. Són kul knóyô lolò le. Lemwót bè yóm alì khulung le mudél, gel gsukat bélê le yó kem tau là deng tngón le du yóm ktahuhen.

Sulat Pol Ebè Yó Kem Tau Hemtahu Bè Rom 9:24

Duhen tekuy se yó kem tau deng tnabahen. Là sónen du kem Ju tnabahen, okóm gomong le snéen kul yó kem tau là Ju le.

Kul Nmò 27:23

Yó gónóhu mon du yóm monu ni, abay se ebuteng wen hógówen ebéléu gu bè longit yóm Dwata mfun dou, yóm tendo nimónu.

Kun Snulat Luk 6:16

ne Judas (ngà yóm sotu Jim), ne bud yóm Judas Iskariyut (yóm fen bemlay sumóng ke Jisas).

Kul Nmò 20:32

Ni ne,” monen, “tódô hogotu yu bè Dwata, du he hol semgyok kuy. Hogotu kuy yóm Udél Dwata mò gónó ye temngón du yóm tey nawahen kuy, yó se hembegel kehtahu ye. Ne bè yóm udélen yó gónó ye gmuta du yó kem tóbóng angat blay Dwata bè kdê yó kem kun tau.

Kul Nmò 1:13

Timbow le kól bè Jirusalim, tódô le hlós ebè yóm dfél tofi ta bè yóm gónô gónó le gel mefet. Yó kwen le, Pitér, Jan, Jim, Andru, Filip, Tumas, Bartulumyu ne Matyu. Mung Jim ngà Alfiyus, ne yóm Simun tehe gel mung mofin yóm kul benwu, ne yóm Judas, ngà yóm sotu Jim.

Kun Snulat Jan 17:19

Hogotu kóm yóm do klowil mò lanu tmóbóng kul, anì hogot le kóm se yóm kul klowil.

Kun Snulat Jan 17:17

Hol hólósem lu mlan bè yóm ktahuhen. Yóm udélem se yóm hol ktahuhen.

Kun Snulat Jan 15:16

Là kô yu du mélék do, ou se fen mélék kuy. Yó gónóhu mélék kuy mò hógówu anì hol ye mungu, yóm kbungu laen kô dù tul sónen. Ke ni se nmò ye, balù kihu hni ye bè Mà mlan bè dou boluy, tódô blayen kuy.

Kun Snulat Jan 12:26

Yóm tau móyô mimón do,” mon Jisas, “là kô gbeken du ke là loloen do. Balù kihu gónóhu nô, yó se bud kun gónó nô. Angat tey kadat Mà du yóm tau ke nimónen o.”

Kun Snulat Jan 6:39

Yó hol kun kóyô yóm hógów dou yó, ke balù sotu laen dù lanahu du yóm kdê hogoten dou. Kóyóen ke angat gotu hlowilu lu sok kól yóm hol són kdaw.

Mark 3:18

Ne Andru ne Filip ne Bartulumyu ne Matyu ne Tumas ne yóm sotu Jim ngà Alfiyus ne Tadiyus ne yóm sotu Simun, yóm tau tehe mung mofin yóm kul benwu

Matyu 10:3

Omin le Filip ne Bartulumyu, ne Tumas, ne Matyu yóm tau gel mtuk bwis. Ne yóm sotu Jim ngà Elfiyus, ne Tediyus,

Matyu 13:55

Igoen se du ngà yóm tau gel mò gónô. Ne igò sem Midi du yóm yéen. Ne du se twogu le Jim ne Jusif ne Simun ne Judas.

Mark 6:3

Igoen du yóm tau gel mò gónô, ne Midi yéen, ne du se twogu le Jim ne Jusif ne Judas ne Simun, ne wen se kem libunen nô gu bè ni.” Yó se gónó le kembê du.

Sulat Pol Ebè Yó Kem Tau Hemtahu Bè Rom 1:6

Gomong ye snéen kuy, yu kem tau menwu bè syudad Rom. Deng tnaba Dwata yu anì baling ye hol kun tau Jisas Krays.

Sulat Jud 1:3

Ó kem weu do dumu sogot nawa, deng tey kehedemu du ne yóm tô ksulatu ebélê ye gbak bè yóm deng kegewà tekuy gu lem hatay. Okóm là. Tódô gnómu yóm bong muhen bélê ye ke géhél gendufu yu hol mfi du yóm tahu tolok deng tehe blay Dwata bè yó kem tauhen, yóm tolok là hyu temles du.

Sulat Jud 1:21

Tódô henlel ye mimón ke Dwata anì hol ye menek bè yóm kbong nawahen kuy igò ye mangat du yóm klowil laen dù sónen guta tekuy mlan bè yóm tey kkoduhen tekuy yóm gónó tekuy mogot Jisas Krays.