Sulat Jim 5:9 - Udél Dwata: Gna Kesfasad ne Lomi Kesfasad

⁹ Sotuhen, kem dumuhu setwoli, bê ye abay gel sduón anì là angat tnafak Dwata kuy. Ngem deng mdà snolu aut ne yóm angat kmukum tekuy, són kotunen duen.

Sulat Jim 5:9 Referans Kwoze

Hlolò 19:18

Bê ye bneles yóm tau mò sidek bélê ye duhen ke henlós ye kmutó du nawa. Yó dé nmò ye, kenbong nawa ye kem dumu ye lómón kbong nawa ye yóm kuy knô. Ou se yóm hol gónó mogot.

1 Kurin 4:5

Yó gónóm mon, bê tekuy abay kendel hendeng kun kmò sotu tau gu laanen là deng kól yóm hol bantang kdaw. Tódô nangat tekuy bè kun kmò du yóm gónó tekuy mogot sok semfulék edini. Bè yóm kdaw yó, angat gotu hegfanen yóm kdéen gebnos nmò tau. Dalang se yóm kdéen gbuni nô lem hendem tau, gotu hegfanen. Ne yó he kguta kdéen tau du yóm kdóyón Dwata kul duhen ke là.

Sulat Jim 4:11

Ó kem dumuhu setwoli, bê ye abay gel sentulón kem dumu ye. Ke gel sentulón ye kem dumu ye hemtahu, duhen ke tódô gel hendeng ye kul kmò, hol lómón ke senlón ye ne hen-gnok ye yóm hlau Dwata. Ke ni se nmò ye, sélét mom tô lolò ye ne yóm hlau Dwata. Kéng tô yu mom baling geta senta Dwata.

Matyu 24:33

Senged snéen sok deng gotu gfan yóm kdê deng tulónu kuy ni koni, yó se ayawen yóm deng klonihen yóm ksutu, hol lómón ke denge mdà snolu aut ye.

1 Pitér 4:9

Hol gel hnódó ye dumu ye ne bê ye abay gel tmalaw.

Tekang Kbuten 4:7

Ke yóm hyu yóm dsuem, tedu duónu là hemmóyô du? Okóm lemwót bè yóm là kehyuhen, hol lómón ke wen salà mangat kóm bè bak autem anì nwiten uu. Tódô kenbéem dé anì là gmungi.”

Glasya 5:26

Hol béen tlek wen hton salù, ne bê tekuy abay gel heklit kem dumu tekuy, ne hol bê tekuy abay sélés nawa.

1 Pitér 4:5

Okóm hulin kdaw, gotu hdà Dwata lu bè soluhen, ne snólóken bélê le yóm deng nmò le. Ni se yóm Dwata deng eles htifes mò angat kmukum kul yó kem tau tolo mowil, senged se yó kem deng mlef.

Glasya 5:14

Abay se yóm kdê hlau Musis yó, kaem gotu glolò tekuy lu ke lolò tekuy yóm sotuhen, yóm monen, “Hol kenbong nawahem kem dumuhem tau lómón kbong nawahem yóm kóm knô.”Okóm ke lómón knawa ógóf lem bnes yóm tendo nô bélê ye, ke sónmò ye sfatay ne sefdes, hol ten-gama ye, déke gotu ye seglà.

1 Kurin 10:11

Yóm gbunù le yó mò gónó tekuy dmalang. Yó gónó Dwata hsulat du yóm yó mò gónó tekuy eles hol temgama, abay se móyónen hto ne yóm hol són kdaw.

Mark 13:29

Senged snéen sok deng gotu gfan yóm kdê deng tulónu kuy ni koni, yó se ayawen yóm deng klonihen yóm ksutu.

2 Kurin 9:7

Duhen yó, yake ket tau eles hemdem du kbongen yóm angat blayen. Là kóen hyu yóm bemlay ke là nóen bè nawan, duhen ke song bemlay ke tek nubug le. Abay se ke Dwata kun, tey kbong nawahen du yóm tau hol nô bè nawahen bemlay.

Mark 6:19

Lemwót bè yóm udél Jan yó, deng mom sidek kebut Hirudiyas du, kóyóen ke hfatayen, okóm là hlus Hirod du.

Kem Lingón 59:15

Mebel le ken, ne gel le mngel ke là bsow le.

Deng Hegfan 3:20

Ngem denge eles mdà ne mbal snolu aut ye. Ke wen tau hmungol du yóm udélu yó, ne ke hotunen o eta, motune se, ne segbóte mken béléen.

Sulat Jim 4:12

Tek sotu gónón lemwót yóm hlau són bè Dwata. Tek són du yóm wen kwalisen kmukum tau. Gbeken lemwà tau gu lem hatay, ne gbeken se tmafak kul. Bélê tekuy kut, laen dù kwalis tekuy hemdeng kmò kem dumu tekuy tau.

Sulat Jim 5:7

Duhen yó, kem dumuhu setwoli, hol hanay ye nawa ye efet kkól yóm gónó tekuy mogot. Lómón yóm tau tmiba, sal hanayen nawan efet gutahen bungu yóm huluhen. Hanayen se nawan hmatan kulón mò htowok ne hbungu yó kem huluhen.

Sulat Jim 5:10

Yake hol hendem ye, kem dumuhu setwoli, yóm tey kul kanay nawa yó kem tehe tugod Dwata ekni. Hkél tekuy bélê le bè yóm kul kegbek hbala bè yó kem gónó le glayam.