Sulat Jim 5:7 - Udél Dwata: Gna Kesfasad ne Lomi Kesfasad

⁷ Duhen yó, kem dumuhu setwoli, hol hanay ye nawa ye efet kkól yóm gónó tekuy mogot. Lómón yóm tau tmiba, sal hanayen nawan efet gutahen bungu yóm huluhen. Hanayen se nawan hmatan kulón mò htowok ne hbungu yó kem huluhen.

Sulat Jim 5:7 Referans Kwoze

Juwél 2:23

Ó kem tau bè Jirusalim, hol ye hligal se kuy. Hnigal ye yóm sana kuy Dwata hol gónó mogot. Yóm kulón hwiten ebélê ye mò gónón hegfan du yóm nawahen kuy. Angat bud hwiten ebélê ye yóm kulón geblà bè yóm kdaw ye mulu ne yóm kulón geblà bè yóm kdaw ye muta, lómón yóm gnan.

Glasya 6:9

Duhen yó, bê tekuy abay htakas mò du yóm hyu, abay se angat wen tey guta tekuy du ke là htakas tekuy.

Kulasi 1:11

Dwata he hol temgel nawa ye lemwót bè yóm tey kegbeken bélê ye anì gbek ye hembala du balù kihu sut bélê ye, mlan bè yóm khanay nawa ye. Lemwót bè kligal ye tódô senflós ye dmóyón ke Dwata. Yakà deng henbalingen yu kem kun tau anì wen kuy du tu kem deng tgamahen bè kun tau ditu bè longit bè yóm tey benwu lemayag nogoten.

Hibru 6:15

Ne tahu se, là kóen tmakas Abraham mangat du efet gutahen yóm deng fasad Dwata du yó.

Sulat Pol Ebè Yó Kem Tau Hemtahu Bè Rom 2:7

Klowil laen dù sónen angat blayen bè yó kem tau tódô henlel le mò du yóm hyu lemwót bè hol kesgalu le yóm kdóyón Dwata kul ne yóm kadaten kul, ne yóm keblayen kul yóm klowil laen dù tul katay le du.

Glasya 5:5

Okóm bélê tekuy du, són ken-gel nawa tekuy yóm nmò Dwata bélê tekuy mò gónón tedeng ktonen tekuy. Kun kfasang yóm Tulus Dwata mò du nim ni, hlanen bè yóm kehtahu tekuy. Ne yó se yóm tendo nangat tekuy.

1 Tisalunika 2:19

Bè ktahuhen, bè yóm kdaw angat kesfuléken edini yóm gónó tekuy mogot, bélê ye se gónón lemwót yóm kwen hendón nefet nawa me bè yóm kdaw yó, ne yóm kwen kligal me, ne yóm kwen gónó me megsalù bè soluhen.

Matyu 24:44

Duhen yó, eles tendo ningat ye yóm bud kkólen elem blóng ye yóm Ngà Tau, abay se kulel angat kkólen bè yóm uras là gingat ye du.”

Husiya 6:3

Tey hyu dé ke hol tngón tekuy Dwata. Henlel tekuy hloni ebéléen anì hol tngón tekuy. Ke yó nmò tekuy, angat dohò yóm kehegfanen bélê tekuy lómón kdohò kebtù mata kdaw ke hlafus ne lómón kdohò yóm kulón bè bulón mò hulu.”

1 Tisalunika 3:13

Ni se mò lanen hol temgel kuy anì hol ye gulit ne mólós ke mdà ye bè solu Dwata yóm Mà tekuy, bè yóm kdaw angat kesfuléken edini yóm gónó tekuy mogot, mung du yóm kdê kun tau.

Matyu 24:27

Bè yóm angat bud kkól yóm Ngà Tau, hol lómón mkal silà, tódô lemayag klamang longit lemwót dmata kdaw kól desdef. Tódô kdéen tau gotu mton du.

Sulat Pol Ebè Yó Kem Tau Hemtahu Bè Rom 15:4

Ket yóm udél deng tehe hsulat Dwata, sal gel wen hdalangen tekuy lemen. Lemwót bè yóm udél Dwata gónón là mili nawa tekuy baluen ke wen mgel sut bélê tekuy. Ne bè yó gónón lemwót yóm kegduf nawa tekuy igò tekuy mangat du yóm hendón nefet nawa tekuy.

Sikaraya 10:1

Bè yóm kdaw ye mò hulu, mni ye bè Dwata kulón. Dwata se mò du yó kem lobun mit kulón ne gel hkulónen ebè yó kem hulu ye.

2 Pitér 3:4

mon le, “Nô se yóm Jisas Krays du, igoen sem deng fmasad du kuy yóm bud kesfuléken? Là knahem du ne katay le yó kem tehe fù tekuy ekni. Bede efet nim kmoen ni laen kô dù ilihen yóm kebenwu lemwót bè hol kbuten tehe kedlimun Dwata du.”

1 Tisalunika 1:3

Bè yóm gel kni me bè Dwata yóm Mà tekuy, là kô na me e klifót du se yóm hyu gel nmò ye lemwót bè yóm kehtahu ye, ne yóm tey kmò ye nmò lemwót bè yóm kbong nawa ye kem dumu ye, ne yóm tey kbegelen yóm hendón nefet nawa ye bè yóm gónó tekuy mogot Jisas Krays.

1 Kurin 1:7

deng tódô ket du ne yóm kenhulung blay Dwata kuy bè yóm igò ye tolo semsangat du kkólen yóm gónó tekuy mogot Jisas Krays.

Kun Snulat Luk 21:27

Ominen yó he hegfan yóm Ngà Tau htuntun gu tta mung bè lobun. Angat ton le se yóm tey kfasangen ne yóm tey kegetahen.Ke sok nbuten sut ni kem tulónu kuy ni hol ye hbegel ne temngel ye ebè Dwata, yakà dengen móyón moni yóm kegewà yu.

Kun Snulat Luk 18:8

Yó tulónu kuy,” mon Jisas, “tódô kendel gel nfihen lu. Okóm bè yóm kdaw angat bud kesfuléken edini yóm Ngà Tau,” monen, “ngunte ke wen tau angat tonen hemtahu béléen.”

Kun Snulat Luk 8:15

Yóm tonok hyu gónón e gdek yóm dumu bnék sohulen, duhen yó se kem tau hmungol du yóm Udél Dwata, ne tendo hnô le lem hendem le ne tódô henlel le se hemtahu du efet tey kbungu le.”

Matyu 16:27

Yakà angaten bud semfulék edini yóm Ngà Tau,” mon Jisas. “Bè yóm kesfuléken yó, gfan béléen yóm tey kegeta Maen, ne gotu le mung du yó kem gel hógów Dwata gu bè longit. Bè yóm kdaw yó, tódô gotu blayen yó kem tau yóm balà yóm tehe deng gel nmò le.

Matyu 16:28

Tódô tulónu kuy ktahuhen, angat wen he bélê ye bè ni gmafit mton du yóm bud kesfuléken edini yóm Ngà Tau mò kmamal yóm klamangen.”

Kun Snulat Jan 21:22

Bnalà Jisas se, monen, “Ke dou kóyô nan mowil kun efet bud kesfuléku, laen dù bud kóm du ne yó. Okóm yó dum kóm, loloem ou.”

Kun Snulat Jan 21:23

Yóm kmon Jisas du yóm yó koni, tódô gotu mból ebè kdê yó kem lemolò ke Jisas yóm là katay yóm sotu tau lemolò du yó. Okóm là mon Jisas du dé là matayen, olon mon du, “Ke dou kóyô nan mowil efet bud kesfuléku, laen dù bud kóm du ne yó.”

Sulat Jim 4:11

Ó kem dumuhu setwoli, bê ye abay gel sentulón kem dumu ye. Ke gel sentulón ye kem dumu ye hemtahu, duhen ke tódô gel hendeng ye kul kmò, hol lómón ke senlón ye ne hen-gnok ye yóm hlau Dwata. Ke ni se nmò ye, sélét mom tô lolò ye ne yóm hlau Dwata. Kéng tô yu mom baling geta senta Dwata.

Sulat Jim 5:3

Ne yó kem filak henyu ye gotu nkê fak. Yóm deng kkéen fak yó mò ilô yóm keseglom ye, ne tey kegtafak ye du. Deng tey bong ne yóm deng sentifun ye bè nim hol són kdaw ni.

Sulat Jim 5:10

Yake hol hendem ye, kem dumuhu setwoli, yóm tey kul kanay nawa yó kem tehe tugod Dwata ekni. Hkél tekuy bélê le bè yóm kul kegbek hbala bè yó kem gónó le glayam.