Sulat Jim 5:6 - Udél Dwata: Gna Kesfasad ne Lomi Kesfasad

⁶ Deng dnuón ye yó kem tau laen dù salaen bélê ye, ngangen efet ghatay ye lu. Tódô le kem hegbayà bélê ye.

Sulat Jim 5:6 Referans Kwoze

Sulat Jim 4:2

Ke wen nóyóem ne ke là gutahem du, yó se gónóm tô hmatay kem dumuhem. Ne ke wen niwolem bè kem dumuhem, ne ke là gutahem du, yó se but gónóm gel mit segled ne sfatay. Okóm yó gónóm là gmuta du yó kem nóyóem yó, abay se là hnihem du bè Dwata.

Kul Nmò 8:32

Tahu se, motun Filip. Ni sii yóm senfalahen bè yóm udél Dwata, monen, “Yóm tau hnatay le yó, lómón ke yóm ubiha nalak le bè yóm gónó le sembalì du, là kóen dog kmédéw. Duhen yóm ngà ubiha ke nóngós le béléen yóm bulen, là kóen dog kmédéw, tódô hbayà. Lómón yó se kmoen yóm tau hnayam le yó, là kô nan e bnalà kul, tódô hbayà bélê le.

Matyu 5:39

Okóm ni bud dou tulón kuy, bê te abay bneles ke wen hemsidek tekuy. Mom yó nmò tekuy, ke wen temfê kut bè hifi te, bud bayà te du dolihen.

Isaya 53:7

Tey sidek kmò le du, okóm tódô hen-ganagen nawahen hembala du. Hol lómón yóm ngà ubiha móyón senbalì là kóen mudél, duhen ke yóm ubiha móyón nóngós le béléen bulen là kóen mudél.

Hibru 10:38

Yó kem dou tau deng baling tedeng kmò le, lemwót bè yóm kehtahu le béléu gónó le hlós mowil. Okóm ke knogol le yóm kehtahu le béléu, là kô wen bud nawahu ebélê le ne.”

Kul Nmò 22:14

Bud monen mò do, ‘Deng néléken uu yóm sana kul Dwata yó kem tehe fù tekuy anì tngónem yóm hol kun kóyô, ne anì tonem Jisas, yóm alì tedeng kmoen deng hógówen, ne anì gungolem udélen ebéléem.

Sulat Jim 2:6

Okóm kuy, là kô nadat ye kul. Fen hegeta ye yóm tau wen kendengenen. Okóm tau du se fen gel hemgnok kuy? Tau du se gel mit kuy ebè yó kem dyad? Hono yó kem tau wen kendengen le.

Kul Nmò 7:52

Tulón ye do kun,” mon Stéfén, “ke wen sotu tehe tugod Dwata là deng tehe hensidek kem tehe fù tekuy du ekni. Sal tehe gel hnatay le yó kem tau hógów Dwata, yó kem tau tehe gel tmulón yóm angat ksut yóm tau tedeng hógów Dwata. Ne deng sut se yóm hógów Dwata yó, duhen tu sem le eted ye elem tdok yó kem tau mogot kukum. Yu se yóm fen le hbonok du.

Matyu 27:20

Okóm yó nmò yó kem geta bè yó kem gel demsù ebè Dwata ne yó kem tuha gónó le gel galak, nofong le yó kem tau sbung bè yó anì yó hni le Barabas, ne fen hfatay le Jisas.

Matyu 21:38

Okóm timbow ton yó kem tau mogot hulu yóm ngaen yó, mom mon le, ‘Yó nii yóm ngà yóm tau fun hulu. Lemwót kuy ne, na tekuy e hnatay anì gfun tekuy yóm tonok angat nfunen.’

1 Pitér 4:18

Hol lómón yóm monen bè Sulat Dwata, yóm monen, “Yóm kegewà yó kem tau hyu kmò le, là kóen na a mahil. Sélét mom tô yó kem tau hemkéng ke Dwata ne yó kem tau gel mò sidek ne gewà.”