Sulat Jim 5:5 - Udél Dwata: Gna Kesfasad ne Lomi Kesfasad

⁵ Yóm kuy klowil te tonok ni, tey mdengen, ne tey dê kenbeyen nawa ye. Deng ye mom mkél bè yóm ngà safì eles habù mò tnétê.

Sulat Jim 5:5 Referans Kwoze

1 Timuti 5:6

Bong yóm libun bolu ke tek són yó hendeenen yóm kenbeyen nawan, lómón ke deng matay, balù yóm igoen tolo mowil.

Kun Snulat Luk 16:25

Okóm bnalà Abraham, monen, ‘Hentulónem nawa, Fù, yóm tehe kóm klowil. Deng gotu gutahem ne kehyuhen, kóen kun nim Lasarus, fen gutahen ksideken. Okóm ni, deng gsengel ne kun kegnóm du bè ni, ne feni meflayam kóm.

Kun Snulat Luk 16:19

Bud wen tulón Jisas kul, monen, “Wen sotu tau alì wen kendengenen. Són gel leseken yó kem nes alì mebtes, ne tey mdengen klowilen ket kdaw.

Amus 6:1

Hatay ye kuy, kem tau mahil klowilen bè Sayun. Hatay ye se kuy, kem tau bè Samarya. Ofo kuy ke menek kbenwu ye, okóm là. Hatay ye se kuy, kem tau gónó le gel galak yó kem tau Israél, yu kem tau gónó le gel mni tóbóng yó kem dumu tau Israél.

Jirimaya 12:3

Okóm béléu dou, Dwata, deng tngónem yóm nô lem but blututu. Tonem ou ne tngónem se yóm nô lem hendemu. Ni kem tau mò sidek ni, dyolem lu hlayuk lómón kedyol le yóm ubiha ebè yóm gónó e tmétê du. Htólóngem lu efet kól bè yóm kdaw khatayem kul.

Deng Hegfan 18:7

Tey gedlug kehegetahen knóen, ne tey gedlug kehdengenen snéen. Yó hol tles ye du, hegedlug ye keglayamen ne hegedlug ye klangagen. Yakà gel monen du, ‘Ni ou ni, libune boi. Là kóe libun bolu, laen kô dou knangag.’

1 Samwél 25:36

Tikóng kól bè gónô Abigil tódô glohen Nabal, wen tey ken bong nmoen, hol lómón ke du yóm sotu tau hol geta. Tey klengelen, yó gónó Abigil là tagad tmulón du du yóm deng keston le Dabid efet hlafus haya.

Sulat Jud 1:12

Bè yóm gel kestifun ye mken yu kem tau hemtahu, tey là hyuhen yóm tódô kesegbót le mken bélê ye yó kem tau tmolok sekban yó. Laen dù yak le mò du lem blóng ye yóm ungel le. Són hendem le kul knô. Mkél le bè yóm lobun mung bè lenos, balù setlek él ke hetsiken, ne mkél le bè koyu mungu, balù udì ke wen bungu le igoen sem deng gel kól bè yóm bulón le gel mungu. Yó duónen, deng gotu kdut yóm dolil le, ne deng le gotu mlef.

2 Pitér 2:13

Angat gotu hulék Dwata eta le yóm sidek deng gel nmò le bè dumu tau. Ni kem tau ni, balù kemdaw sana kbeyen le mò du yóm kul knóyô lówó. Tey mungu ke segbót le mken bélê ye bè yóm gel kestifun ye, yó se gónó ye myak bè dumu tau. Lel le mken bélê ye he, lel le smukat kuy.

2 Timuti 3:4

Gel natul le kem dumu le, tódô fà le knawa le, tey le alì hegmón. Són nô bè nawa le yóm kenbeyen le, là buden nô bè nawa le Dwata.

Sulat Pol Ebè Yó Kem Tau Hemtahu Bè Rom 13:13

Nmò tekuy dé yóm nmò segtón bè yóm kul kmò yó kem tau nô lem layag. Hol bê tekuy abay gel segduf hlengel, kô wen gónó tekuy hemyak knô tekuy. Hol bê tekuy abay mò samuk ne yóm dumu nmò gónó le semdekà tekuy. Bê tekuy sfatay. Bê tekuy nmò yóm sélés nawa.

Kehedem Tau Tmolok 11:9

Ó ngà logi lomi lemnok, holi hligal bè yóm igoem hanà tolo lomi tau. Hol hnigalem yóm klowilem ket kdaw. Nmoem yóm kóm kóyô, ne hotuhem gelem mò du yóm kdéen. Okóm hol béem abay klifót, angat snolò Dwata béléem kdê yó kem deng nmoem.

Kem Udél Hlalak Tehe Selumun 17:1

Mom hyu he mken yóm ken deng kefel ke mung du yóm kenek nawa senta yóm mung bè yóm mò ken bong wen sbólów du.

Kem Udél Hlalak Tehe Selumun 7:14

“Kemdaw eginu yóm kedsuu bè yóm fasadu ke Dwata ne deng wen ken nmou bè gónô.

Kem Lingón 17:14

Hol lenwaem ou, Dwata, mlan bè yóm alì kegbek sigelem. Lenwaem ou bè yó kem tau són hendeen le ke wen gel guta le yóm igò le mowil. Hol tnafakem lu, Dwata. Ne yóm ktafakem kul yó, yake hol gefet bè yó kem ngà le efet bud kól bè yó kem lugod le.

1 Samwél 25:6

Mon ye mò du, ‘Dwata he henek nawahem dalang se yó kem fes lówóhem ne heneken snéen yóm kdê nfunem.

Kem Lingón 73:7

Hono sidek yóm gel btang bè sumóng le, ne sónmò le hemdem matul mò sidek.