Sulat Jim 5:4 - Udél Dwata: Gna Kesfasad ne Lomi Kesfasad

⁴ Ngem yó kem sukéy tehe là hsut ye du bè yó kem tau mò nmò bélê ye, yó se yóm fen kmamo kuy bè Dwata. Hnungol ye dé yóm keslón le kuy yó kem tau mò nmò bélê ye. Deng gefet bè Dwata, yóm gónó mogot hol mfasang bè kdéen yóm ktaba le ebéléen.

Sulat Jim 5:4 Referans Kwoze

Hlolò 19:13

Bê ye abay leningko kem dumu ye ne béen abay wen hennagaw ye bélê le. Bê ye abay nanggà efet kól haya sukéy yóm tau mò nmò bélê ye.

Jirimaya 22:13

Yó udél Dwata, monen, “Megtafak kun ke Jihuyakim. Hdaen yóm kun gónô bong mlan bè alì kdanda kdóken yó kem tau. Balù udì se ke snukéyen lu. Balù yóm tey ktilob yó kem dfél hmoen, okóm sal lemwót bè là ktedengen lanen gmaga mdók yó kem tau hmoen du.

Sulat Pol Ebè Yó Kem Tau Hemtahu Bè Rom 9:29

Hol lómón yóm sotu tehe tulón Isaya ekni, yóm monen, “Bè yóm tehe ktafaken tekuy yóm Dwata laen dù là gbeken du, ke tehe là wen dù tebelen bè yó kem ból tekuy, deng tekuy mkél bè yóm tehe kegbaen yó kem syudad Sodom ne Gomora. Bà udì ke wen dù tebel bélê le.”

Malakay 3:5

Yó udél yóm Dwata laen dù là gbeken du, monen, “Angate sut elem blóng ye naw e knukum yu. Ne henmung tenksiu yó kem tau demwata ne yó kem tau mdà yehen ne yó kem tau tmifù kéng ne yó kem tau là tedeng ksukéy le yó kem tau mò nmò bélê le, ne yó kem tau hen-gnok le yó kem libun bolu ne yó kem ngà hikit ne yó kem tólóng tau menwu lem blóng ye. Tenksiu yó kem tau mò du yóm yó abay se hono tau laen dù klikò le dou,” udél yóm Dwata laen dù là gbeken du.

Kun Snulat Luk 18:7

Milud he kofin Dwata yó kem kun tau tendo gel mni tóbóng béléen ket kdaw ne ket kifu. Là kô feng gnanggaen kul.

Kem Lingón 9:12

Yakà gel bnelesen du litô yó kem tau laen dù gmò le. Là kô nan e tódô bayà kul mkik yó kem tau wen gónó le glayam.

Kehewà 3:9

Gungolu yóm alì ktaba le ebéléu yó kem dou tau ne tonu se yóm tendo kehdes le kul yó kem tau Idyip.

Tekang Kbuten 4:10

Omin Dwata bud mon du, “Tey, Kain, moen ni du ke nmoem nim tey sidek ni? Deng tonu litô twolihem dmanag bè tonok, lómón ke dawaten ou anì bnelesu.

Kulasi 4:1

Ne yu kem tau wen klifenen, hol nmò ye yóm hyu ne yóm tedeng bè yó kem klifen ye. Bê ye klifót wen se yóm kuy gónó mogot bè longit.

Hbakuk 2:11

Balù yó hem botu bè beng gónô ye sana kduón le kuy, dalang se yóm sfóyón gónô ye bud nuliten se kun yóm kduón le kuy yó.

Isaya 5:7

Yó kem tau Israél lómón ke tonok gónó Dwata mò hulu, yóm Dwata laen dù là gbeken du. Ne yó kem tau semfu gu bè tehe Juda lómón ke lu yóm grép huluhen. Yó hendónen bélê le ke hyu nmò le okóm là. Mom yó nmò le deng le mom monok. Hendónen bélê le ke tedeng yóm kwit le kukum okóm là. Deng mom yó gungolen taba yó kem tau là tedeng kwit le kul. Là gomongen bè nili yóm bérs 8 kól bè 30. Lem ni kem bérs ni yó tulón Isaya yóm khilu dulék Dwata mon du, “Là megewu nawan gemlà kul.” Deng gotu listahen salà yó kem tau. Bérs 8-10 Yóm udélen ebè yó kem tau tendo hlamang tonok anì laen dù gónó le nô kem dumu. Bérs 11-17 Udélen ebè yó kem tau alì móyô mken ne minum okóm balù udì ke hendem le yó kem nmò Dwata. Bérs 18-19 Udélen ebè yó kem gel mò kéng ne hemlò ke Dwata yóm gel mon du, “Géhél htonem kum kun ke wen gbekem. Móyô me mton du ke wen atulem.” Bérs 20 Udélen ebè yó kem tau mon du, “sidek yóm hyu ne hyu yóm sidek.” Bérs 21 Udélen ebè yó kem tau hemdem du, tey le temngón. Bérs 22-23 Udélen ebè yó kem tau gel ma mò wa nawa, fen hewà le yó kem tau wen salaen ne fen tnafak le yó kem tau laen dù salà le. Lemwót bè yóm kdê salà le ni, gotu htaba Dwata yó kem dumu benwu mò na a gembà yóm benwuhen ne yó kem tauhen.

Isaya 1:9

Ke là lemwóten bè Dwata yóm Dwata laen dù là gbeken du, deng gotu genbà le ne Jirusalim, balù udì ke wen dù tebel du hol lómón yóm tehe kegbà yó kem syudad Sodom ne Gomora.

Matyu 9:37

Yó gónón mudél ebè yó kem gel lemolò du, bede hningónen, monen, “Tey nuta, okóm là holen wen tau muta.