Sulat Jim 5:3 - Udél Dwata: Gna Kesfasad ne Lomi Kesfasad

³ Ne yó kem filak henyu ye gotu nkê fak. Yóm deng kkéen fak yó mò ilô yóm keseglom ye, ne tey kegtafak ye du. Deng tey bong ne yóm deng sentifun ye bè nim hol són kdaw ni.

Sulat Jim 5:3 Referans Kwoze

Sulat Pol Ebè Yó Kem Tau Hemtahu Bè Rom 2:5

Okóm balù udì ke dogi hegsel, deng mom hgelem kuluhem. Yóm nmoem yó, deng mom eles hlinokem yóm gónó Dwata angat tmafak kóm bè yóm kdaw kehegfanen yóm kukum tedeng nogoten, ne yóm tey kebuten yó kem sidek gel nmò tau.

Deng Hegfan 21:8

Okóm yó kem tau likò lemolò do, ne yó kem tau là hemtahu le béléu, yó kem tau ssamuk honon lu, ne yó kem tau monok, ne yó kem tau mò samuk, ne yó kem tau smalig bè imò, ne yó kem tau hemtahu bè dwata kéng, ne kdéen tau mò kéng, angat le gógów elem lanaw ofi yóm kdê le, yóm ofi wen kbudahen tendo seflós dmilóf. Yóm lanaw ofi yó, yó se yóm mon le gewuhen dulék matay tau.”

Deng Hegfan 20:15

Yóm tau ke là nóen bè yóm bok lowil yóm kun boluy, tódô tudà le elem lanaw ofi.

Isaya 2:2

Bè hulin kdaw, yóm bulul gónón mdà yóm dou Gónô alì bong muhen bè kdéen ne hol gónón kmulu yóm kdéen. Ne angat le gotu solo edu yó kem tau bè klamangen benwu.

2 Pitér 3:3

Ni hol tanay hegtulónu bè nawa ye. Ke móyón moni yóm hol són kdaw, wen tau sut lem blóng ye són lolò le kul knóyô lówó. Hnowon le yu,

2 Timuti 2:17

Yóm gel tolok le yó, lómón kegnóm te du, lómón des bkukang, són moen minut lembét efet smabak. Lómón ni se yóm kul gel ktolok le Himinyus ne Filitus.

Mika 4:1

Bè yó kem hol són kdaw, angat tey tótól bè klamangen benwu yóm bulul gónón nô yóm Gónô Dwata. Bè yó gónó le tmaba Dwata yó kem tau bè klamangen benwu.

Mika 3:3

Hol lómón ke deng gotu ken ye unged le yó kem dou tau. Gotu nukét ye kulit le ne tenfok ye tiol le ne gotu ntól ye lu lómón utón tnógó lem kuleng.

Jirimaya 19:9

Angat heslibutu yó kem hohon ye yóm syudad yó efet laen dù bud ken le yó kem tau nô lemen. Lemwót bè yóm tey sidek kbitil yó kem tau nô lemen, botong ken le yó kem kul dumu ne yó kem ngà le, bà mon yóm tey sidek keslibut le kul yó kem hohon le.’

Juswa 24:27

Yó udélen ebè yóm kdéen tau, monen, “Deng gotu gungol nim botu ni yóm kdê udél Dwata ebélê tekuy kemdaw ni, yóm sana Dwata hol gónó tekuy mogot. Ni se fen temksì du ke nulé ye yóm deng mon ye yó.”

Tekang Kbuten 49:1

Timbow deng kudél Jakub ebè Jusif, ominen gotu htaba yó kem ngaen logi, monen mò kul, “Sbung ye e klohoku, eles tulónu kuy yóm angat kmò ye elem hulin kdaw.

Tekang Kbuten 31:52

Ni kem deng nmò te ni mò tendo gel hentulón nawa te. Là kô gbeku mius du ni kem botu ni ke tô nundugu uu. Dalang se kóm, là kô gbekem mius du ke tô nundugem ou.

Deng Hegfan 17:16

Lemwót yóm lóbô yó ne yó kem sfolò hangahen, angat knutó nawa le yóm libun hdóyón. Tódô nwa le béléen kdê ngomen dalang se kdê nesen, tódô tebel le laen dù nes. Angat tódô gotu ken le ungeden, ne gotu bot le elem ofi tiolen.

Tekang Kbuten 31:48

Yó mon Laban mò ke Jakub, “Nim botu luduk te ni mò tendo hlós heftulón du bè nawa te yóm deng kesfasad te.” Ne yó gónó le moluy du Galid yóm benwu yó.

Kul Nmò 2:17

‘Sok móyónen kól yóm hol són kdaw, mon Dwata, ni se angat nmou. Angat suu bè kdéen tau yóm dou Tulus. Yó kem ngà ye logi ne kem ngà ye libun, angat tugod le yóm dou udél. Ne yó kem logi lomi lemnok, angat wen gel htonu kul. Ne yó kem tuha logi, angat wen gel heknahu kul.