Sulat Jim 5:16 - Udél Dwata: Gna Kesfasad ne Lomi Kesfasad

¹⁶ Yó gónóm mon, hol ye gel seflifót, ne hol ye gel stóbóng mni bè Dwata yóm kdê ye anì kó Dwata bélê ye ke wen tenduk ye. Yóm tau hyu kmoen, tey mtud yóm knihen bè Dwata.

Sulat Jim 5:16 Referans Kwoze

Kem Udél Hlalak Tehe Selumun 15:29

Hlayuk du Dwata yóm tau gel mò sidek, okóm yóm tau tedeng kmoen hnungolen knihen.

Matyu 21:22

Ke wen kehtahu ye, balù kihu hni ye bè Dwata, guta ye.”

Kun Snulat Jan 9:31

Hónô tngón tekuy là kô hnungol Dwata du yóm tau gemsalà. Són olo hnungolen, són yóm tau madat du ne mimón du yóm kun kóyô.

Kem Lingón 34:15

Tendo gel knudung Dwata yó kem tau tedeng kmò le. Gel hnungolen yóm ktaba le ebéléen.

1 Pitér 2:24

Bè yóm tehe ktutuk le ke Krays bè yóm kros, deng nwiten ne yó kem salà tekuy, ne deng mom du tnafak bè salà tekuy. Yó gónón mò du yóm yó anì tnagak tekuy yó kem sidek gel nmò tekuy, ne anì hol nô bè nawa tekuy mò du yóm hyu. Du se yóm tehe alì glayam, ne yu se yóm fen hyu bè kililen.

Jirimaya 33:3

‘Tmabahi ebéléu ne angat bnalau uu ne wen tulónu kóm yóm alì tennga là deng wen temngón du sut dini elem hulin kdaw.

1 Jan 3:22

Balù kihu hni tekuy béléen, tódô blayen tekuy, abay se gel nimón tekuy yó kem kun hlau, ne gel nmò tekuy yóm gónón hyu nawan bélê tekuy.

Kem Udél Hlalak Tehe Selumun 15:8

Tey keklit Dwata du yóm kedsuen ebéléen yóm tau gel mò sidek, okóm yóm kni yóm tau tedeng kmoen hnigalen.

Kul Nmò 19:18

Bè yó kem tau hemtahu, tey dê bélê le tódô gotu benkas tulón le bè gónón wen yóm kul gel nmò.

1 Tisalunika 5:17

Bê ye senkas mni bè Dwata.

Job 42:8

Yó gónóm mon, mit ye ebè Job hitu safì tudu ne hitu se ubiha logi mò dsù hkekeb ye bè yóm kuy knô. Angat mni bélê ye Job yóm tau tóbóng lówóhu ne angat bnalau yóm hnihen yó ne là kô tafaku du kuy yóm tafak mò bang bayad yóm salà nmò ye. Yó tô gónóhu tmafak kuy abay se là tódóen yóm deng tulón ye lemwót gu béléu lómón yóm deng kun nmò Job yóm tau tóbóng lówóhu.”

Tekang Kbuten 20:17

Omin Abraham mni bè Dwata, ne hkó Dwata yóm des Abimélék ne yehenen dalang se yó kem libun tóbóng lówóhen anì bud le mngà.

Kem Udél Hlalak Tehe Selumun 28:9

Tey kenlit Dwata yóm tau kmogol yó kem hlauhen ne là kô hnungolen du yóm knihen.

2 Tutul Israél 30:20

Ne hnungol Dwata yóm kni Hisikaya yó, ne hnifóten yó kem tau.

Lista 11:2

Lemwót bè yóm tey ofi yó, gotu le lemangat mni tóbóng bè Musis yó kem tau. Tahu se, mni bélê le bè Dwata Musis, tódô mnà se yóm ofi.

Hibru 12:13

Hol henketeng ye kógów ye mò kenteng mata yó kem tolo megewu nawa le huli kuy. Ke lómón yó kmò ye, laen kô dù fen gesyat huli kuy, tódô mekteng se yóm kul kógów.

1 Tisalunika 5:25

Ó kem dumu me setwoli, hol gel tendo utóm ye mi snéen bè Dwata.

Matyu 3:6

Ni kem tau ni, gotu benkas tulón le ke Jan yó kem salà le, ne bnabtays Jan lu bè yóm él Jurdan.

Hibru 13:18

Hol gel utóm ye mi bè Dwata. Tódô tngón Dwata se ke deng wen blóng me ebéléen. Tey gel kesgalu me du anì laen dù tlek belenen yóm gel nmò me.

Hibru 11:7

Senged se ke tehe Nuwa ekni. Lemwót bè kehtahuhen gónón tódô mimón du yóm eles hetgama Dwata du bè yóm sut bélê le, balù yóm là deng ktonen du. Tódô nimónen Dwata, duhen yóm kmoen kafal bong mò gónó le nô yó kem fes lówóhen anì là matay le. Yó uléken yóm kimónen yó, gotu le megtuled yó kem dumu tau là hemtahu le. Bong ke Nuwa, tedeng kton Dwata du lemwót bè yóm kehtahuhen béléen.

Sulat Pol Ebè Yó Kem Tau Hemtahu Bè Rom 5:19

Lemwót bè yóm là kimón Adam gónón baling gemsalà kdéen tau. Ne lemwót bè kimón Jisas, yó gónón tedeng kton Dwata kul.

Sulat Pol Ebè Yó Kem Tau Hemtahu Bè Rom 3:10

Lómón yóm deng monen bè Sulat Dwata, monen, “Laen kô dù tau tódô tedeng kmoen, balù sotu.

Juswa 10:12

Bè yóm kdaw kehegmò Dwata yó kem tau Israél bè yó kem tau Amurayt, tódô mdà bè solu yóm kdéen tau Israél Juswa, yó udélen ebè Dwata, monen, “Ó kdaw, nahi htengen ta Gibyun, Ó bulón, hetnui ta Datal Adyalon.”

Hibru 11:4

Bè yóm tehe Abél ekni, lemwót bè yóm kehtahuhen bè Dwata gónón mò du yóm dsù kun kóyô Dwata, fen là yó dum twoguhen Kain. Lemwót bè yóm kehtahu Abél, yó gónón tedeng kton Dwata du, ne bud bè yó gónó Dwata hemmóyô du yóm dsuen. Balù yóm deng katayen, tolo wen dnalang tekuy béléen lemwót bè yóm kehtahuhen bè Dwata.

Kul Nmò 10:38

Deng tngón ye se Jisas, tau lemwót bè Nasarit. Tódô sù Dwata béléen yóm kun Tulus, ne tey kfasang blayen du. Tódô keten benwu bélê me gónón e solu, ne hono hyu yóm gel nmoen. Gotu kóhen bè yó kem tau yóm kfasang Seitan malak kul. Yó gónón gembek mò du yóm nmoen yó, abay se tendo nô béléen Dwata.

Tekang Kbuten 19:29

Okóm bè yóm keglà Dwata yó kem syudad nô bè yóm datal gónón menwu Lat, là homongen ke Lat abay se là klifóten du yóm hni Abraham béléen.

Jirimaya 15:1

Omin Dwata bud mudél ebè Jirimaya, monen, “Baluen he ke mdà bè ni Musis lewu le Samwél tô na a hkodu béléu bè ni kem tau bè Juda ni, là kô naw e knodu kul. Lohem lu mayuk. Hdóhem lu bè soluhu.

1 Bok Kem Tau Hol Geta 13:6

Yó mon yóm tau hol geta bè yóm tau Dwata, “Ni hkoduhe béléem, mnihi do bè yóm sana kóm Dwata hol gónó mogot anì bud mulék hyu nim sigelu.” Tahu se, mni bè Dwata yóm tau Dwata yó, ne mulék hyu se yóm sigel yóm tau hol geta yó.

Tekang Kbuten 32:28

Ne yó bud mon yóm tau yó, “Lemwót bè yóm deng khotuhem gelem ebè Dwata ne bè tau, yó gónóm matù. Là bud Jakub du ne boluyem. Yó tles boluyem, Israél.”

Tekang Kbuten 20:7

Ne ni, hulékem ebè yehenen yóm libun yó, yakà tugodu yóm yehenen, ne du fen mni béléu béléem anì là matayi. Okóm ke là hulékem du, hol tahu se angati matay dalang se yóm kdê tau nô lem gónóem.”

1 Samwél 12:18

Tahu se, mni bè Dwata Samwél ne tódô heték Dwata gu bè longit bè yóm kdaw yó ne tey kehkulónen du. Tódô kdê yó kem tau mdà bè yó ya tey sidek klikò le ke Dwata ne bè Samwél.

Kehewà 17:11

Yóm igò Musis hdà du eta sigelen mung du kogoten du yóm tugeden botong le gemmò yó kem tau Israél. Okóm ke hloyolen elaan sigelen fen gemmò yó kem tau Amélék.

Kehewà 9:33

Omin Musis tmagak ke Faro ne hewà bè yóm syudad yó. Hdaen eta sigelen mni bè Dwata. Ne tódô teflok se yóm leték ne yóm tey bulók kulón ne yóm tey kulón.

1 Tisalunika 5:23

Yó hem Dwata gónón lemwót yóm kenek nawa tekuy. Du se hol hólós kuy anì laen dù belenen sidek yóm knawa ye ne yóm kehedem ye ne yóm klówó ye bè yóm kdaw kkól Jisas Krays yóm gónó tekuy mogot.

Kulasi 1:9

Yó gónóm mon, lemwót bè yóm kungol me du yóm kehtahu ye, là kóen skó yóm tendo gel kni me bélê ye bè Dwata. Yó gel hni me béléen anì hol hetngónen kuy yóm kun kóyô, hlanen bè yóm khulung hedem ne yóm khulung milô gel blayen tekuy yóm kun Tulus.

Kun Snulat Luk 9:6

Tahu se, lemwót le yó kem gel lemolò ke Jisas, ne tódô ket le tu kem benwu tmulón du bè kem tau yóm Tulón Hyu lemwót bè Dwata, ne hlós lan le gel hkó des snéen.

2 Samwél 19:19

Yó udélen ebè yóm tau hol geta, monen, “Hol hnifótem ou bè yó kem sidek tehe nmou béléem bè yóm kdaw kewótem gu bè Jirusalim. Hol béem bud sù bè nawahem yóm yó.

1 Samwél 12:17

Tngón ye kóó ni se yóm bulón muta alì kinì kdaw. Okóm ni mnihe bè Dwata anì lemték ne kmulón kemdaw ni. Bè yó he gónó ye temngón du yóm tey kegsalà ye bè Dwata bè yóm kni ye béléen tau hol geta mò malak kuy.”

Jirimaya 42:2

Jirimaya yóm tau tugod Dwata. Yó mon le mò du, “Holi mni kum bè yóm sana kut Dwata hol gónó mogot. Tonem ni là kô tekuy hol bud wen. Là mkélen bè yóm gnan, tehe tey kwen tekuy.

Mark 1:5

Tey tau wen tendo gel mógów ebéléen na a hmungol du lemwót bè prubinsya Judiya ne lemwót bè syudad Jirusalim. Tódô gotu benkas tulón le du salà le, ne bnabtays Jan lu bè yóm él Jurdan.

Kul Nmò 8:24

Omin Simun mon du mò kul le Pitér ne Jan, “Hol hni ye se o bè Dwata anì là suten béléu yóm monem yó.”

1 Samwél 1:12

Yóm igò Hana mni bè Dwata, tenngel Ili sumóngen.