Sulat Jim 5:11 - Udél Dwata: Gna Kesfasad ne Lomi Kesfasad

¹¹ Tódô tngón tekuy wen tey kligal le lemwót bè yóm kegbek le hbala. Deng gungol ye ne yóm tey kegbek Job hbala ekni, ne tngón ye se yóm tey któbóng Dwata du kogolen, abay se yóm gónó tekuy mogot, tey bong kkoduhen tau.

Sulat Jim 5:11 Referans Kwoze

Sulat Jim 1:12

Hligal kun yóm tau ke hulung hembala yó kem tilów mgel gel sut béléen. Yó ofolen yóm khulungen hbala yó, duhen yóm klowil laen dù sónen, yóm deng fasad Dwata bè yó kem tau kembong nawa du.

Kehewà 34:6

Omin Dwata miwes bè soluhen, ne hgelen udélen, monen, “Ou se yóm Dwata hol gónó mogot, yóm alì kmodu tau, yóm là mahilen lembut. Gel hegfanu yóm kbong nawahu yó kem tau ne là kóen monol yóm nawahu ebélê le.Là kô kóhu du yóm kbong nawahu tau efet kól bè yó kem hilu bud lugod le. Yó kmò kehegfanu du bélê le yóm nawahu yó, gel hnifótu yó kem sidek gel nmò le ne yóm là kimón le do. Okóm yóm tau ke là kóhen du yó kem sidek gel nmoen là gbeku du ke là tnafaku du, gomong megtafak yó kem ngà le ne témê le lenwóten bè tanay lugod le efet kól bè gfat lugod le.

Matyu 10:22

Angat tey dê tau kmutó nawa kuy lemwót bè yóm klolò ye do. Okóm yóm tau ke gbeken hembala du yó kem gónóhen glayam efet kól bè hol sónen, du se gmuta du yóm klowil laen dù tul sónen.

2 Pitér 2:9

Bè ni kem tulónu kuy ni koni gónó tekuy mton du yóm tey khulung Dwata lemwà yó kem tau gel mimón du ke wen gel gfà le. Ne tnafaken yó kem tau gel mò sidek, bede yó he hol kehdengen du kesok kól bè yóm angat kkukumen tau.

Kem Lingón 86:15

Okóm yóm uu, Dwata, teyi kmodu, ne tey minggel nawahem, là mahili lembut. Yóm kbong nawahem kum, là kóen monol, ne teyi teneb bélê me.

Job 2:10

Bnalà Job se, monen, “Kudél libun nungel. Bè yóm klawihen wen hyu blay Dwata kut tey kehmóyô te du. Moen se ke tô te tmalaw ke henwiten tu sidek?” Balù yóm deng tey kwen hlayam Job, ewenem laen kô dù udél sidek btang bè sumóngen.

1 Pitér 1:13

Duhen yó, hol sù ye bè nawa ye sen yóm kimón ye ke Dwata. Bê ye hningay. Hol ken-gel ye nawa yóm hyu angat blay Dwata kuy bè yóm kdaw kesfulék Jisas Krays edini.

Kun Snulat Luk 6:36

Hol knodu ye kem dumu ye tau lómón yóm kun kkodu kem tau yóm Mà tekuy bè longit.”

Lanu Jirimaya 3:22

duhen yóm kbong nawa Dwata tekuy laen kô dù nan e són. Lemwót bè kkoduhen tau là sulék le matay bè yóm tey kwen glumfak le.

Kem Lingón 103:8

Tey kmodu yóm Dwata, ne tey bong nawahen tau. Là kóen mahil lembut, ne là monolen yóm kbong nawahen tekuy.

Lista 14:18

‘Ou se yóm Dwata hol gónó mogot. Là kóe mahil lembut ne sal gel hegfanu yóm tey kbong nawahu tau. Ne gotu hnifótu yó kem salà le ne yóm alì katù le do. Okóm là kô gbeku là tmafak kul bè yó kem salà le. Lemwót bè salà yó kem tuha le, là kô gbeku du ke là se tnafaku yó kem ngà le ne témê le efet kól bè getluhen ne bè gfat yóm lugod le.’ Yó se, Dwata, yóm tehe udélem ebélê me.

Hibru 10:39

Okóm tólóng yóm bélê tekuy, là mkél tekuy bè yó kem tau knogol le yóm kehtahu le, ne hlós le lana. Okóm henlel tekuy yóm kehtahu tekuy anì angat tekuy gewà gu lem hatay.

Hibru 3:14

Són gónó kuy hlós mò kun dumu Krays ke là kó tekuy du yóm tehe kegtud nawa te du.

Ifisus 2:4

Okóm yóm Dwata, tey kkoduhen tekuy, ne tey kbong nawahen tekuy.

Mika 7:18

Laen kô dù dumu Dwata mkél kóm. Uu se yóm Dwata hmifót salà yó kem dù tauhem mowil. Sal gel wen sónen yóm kebutem tau, abay se yó hol nô bè nawahem yóm kkoduhem kul.

1 Tutul Israél 21:13

Omin Dabid mon du mò ke Gad, “Tey sidek kgelen béléu se nim ni. Mom hyu he ke Dwata tmafak dou, abay se hulung kmodu. Bée dou ke tau tmafak dou.”

Hibru 3:6

Okóm ke Krays kun, du se hol kun Ngà Dwata, ne gotu hfogot Dwata du yóm gónóen yó, ne tey teneb kogoten du. Tekuy se kun gónô Dwata, syan ke là likò tekuy lemolò du, ne ke hol gentud nawa tekuy yóm hendón nefet nawa tekuy.

Ifisus 1:6

Hol dóyón tekuy dé Dwata lemwót bè yóm tey któbóngen tekuy hlanen bè Krays, yóm hol kun Ngà kenbong nawa. Yóm tóbóng yó, là kô benli du.

Sulat Pol Ebè Yó Kem Tau Hemtahu Bè Rom 2:4

Déke yó hendemem là kô tnafaken kóm, abay se tey hyu nawa Dwata, là mahilen tmakas, ne tey manay nawahen. Là kô yó du. Igò yó gónó Dwata hemyu kmoen ebéléem anì wen lanen mit kóm hegsel.

Kun Snulat Luk 1:50

Tey kkodu Dwata kul yó kem tau hol madat du kewóten bè yóm tau tanay féken kkólen bè yóm tau hol són utulen.

Juna 4:2

Ne yó gónón mni bè Dwata, monen, “Ó Dwata, tahu se yóm tehe monu gu laanu là deng lemwót bè yóm tehe kdókem do. Yó tehe monu, là kô genbaem du Ninibi. Yó se tehe tô gónóhu mógów ebè Spén. Deng eles tngónu yóm tey kbong nawahem tau ne yóm tey kkoduhem kul. Deng tngónu snéen yóm tey khanayem nawahem ne yóm tey kehyuhem bè tau. Mahil béléem gel hmifót kul senta ke tnafakem lu.

Juwél 2:13

Hol hton ye yóm klangag ye, bede béen mlan bè keksê ye nes ye. Yake bè kebà nawa ye gónó ye hton du.” Bud ye semfulék ebè yóm sana kuy Dwata hol gónó mogot abay se wen nawahen tmóbóng kuy ne tey hulung kmodu. Là kóen mahil lembut ne tey bong nawahen tau. Móyô hmifót, abay se là nóen bè nawahen ke tô tnafaken tekuy.

Isaya 63:9

bè yóm kdê gónó le glayam. Sundu hógów Dwata gu bè longit du yóm lemwà kul, kaem tódô Dwata. Yó gónón mò du, lemwót bè yóm kbong nawahen kul ne yóm kkoduhen kul. Tey tendo gel kesegyoken kul lemwót bè kbuten,

Isaya 63:7

Angat tulónu yóm là kilihen yóm kbong nawa Dwata tekuy. Tey kdóyónu du lemwót bè yóm deng nmoen bélê tekuy. Tey któbóng Dwata yó kem tau Israél lemwót bè yóm alì kkoduhen kul ne yóm là kilihen yóm kbong nawahen kul.

Kem Lingón 119:132

Bninguyem ou, Dwata, ne hol knoduhem o, hol lómón yóm kkoduhem yó kem tau kembong nawa kóm.

Kem Lingón 116:5

Tey kmodu yóm gónó tekuy mogot, ne tey kehyuhen. Tey kkoduhen tau yóm Dwata tekuy

Kem Lingón 103:13

Lómón yóm kbong nawahen kem ngaen yóm mà le, lómón yó se kbong nawa Dwata yó kem tau wen klikò le du.

Kem Lingón 94:12

Ó Dwata, hligal le kul yó kem tau deng wen gónóm semtódô kul, dalang se yó kem tau wen gel tolokem kul lemwót bè kóm hlau.

Kem Lingón 86:5

Tey kehyuhem, Dwata, ne mahil béléem hmifót salà, ne tey kbong nawam kul yó kem tau htóbóng béléem.

Kem Lingón 78:38

Okóm balù yó he, tey kkodu Dwata kul, hnifóten salà le, ne là kô genlaen kul. Tey dê duléken ne mafas du yóm kebuten kul, là hesuten du yóm alì sidek kebuten kul.

Kem Lingón 37:37

Okóm hol hennagiem yóm tau hyu kmoen, yóm tau tedeng kmoen, yóm tau menek kehedemen. Tey wen semfu gu béléen.

Job 1:2

Wen hitu ngaen logi ne tlu ngaen libun.

Nihimaya 9:17

Là móyô le hmungol, gotu klifót le yó kem dê hentaw ton deng tehe nmoem lem blóng le. Deng kenbê le uu, deng le mom mélék tau mò malak kul mulék ghesek bè Idyip. Okóm uu se yóm Dwata hulung hmifót, tey minggel nawam ne tey bong nawam yó kem tauhem, là kói mahil lembut. Tey kkoduhem kul yó kem tauhem, là kô nam e tódô bayà kul.

2 Tutul Israél 30:9

Abay se ke semfulék ye ebè Dwata, yó kem dumu ye ne yó kem ngà ye deng negef le, baling hyu kmò le ebélê le yó kem tau megef kul, ne angat le bud semfulék edini bè nim benwu ni. Abay se yóm sana kuy Dwata hol gónó mogot, tey hyu kmoen, ne hulung kmodu. Ke semfulék ye ebéléen, là kô bud knogolen kuy.”

Danyél 9:9

Okóm uu se yóm sana kum Dwata hol gónó mogot, teyi kmodu ne mahili hmifót balù yóm deng gel katù me kóm.

Kem Lingón 145:8

Yóm Dwata gónó tekuy mogot, tey kbong nawahen tau, ne tey knoduhen lu. Là kóen mahil lembut, ne là kóen monol yóm kbong nawahen tau.

Kem Lingón 51:1

Ó Dwata, lemwót bè yóm là konol nawahem ebéléu, hol knoduhem ou. Lemwót bè yóm alì kkoduhem dou, hol kóhem béléu yó kem salau.

Nihimaya 9:31

Okóm lemwót bè yóm alì kkoduhem kul, là kô dog bayaem kul ne là se dog genlaem kul. Tey minggel nawam yóm uu, Dwata, ne tey kkoduhem tau.

Job 1:1

Tehe yu ekni bè yóm benwu Us, wen sotu tau menwu bè yó boluyen Job. Nim tau ni, laen dù gónó le gemsanil du yó kem dumu tau. Tey tau gulit knawahen, mung du yóm klikoen ke Dwata ne tendo gel hetsik bè yóm sidek.

Sulat Jim 1:2

Ó kem dumuhu setwoli, ke sok sut yó kem mgel bè klowil ye, tódô ye kem hligal du ne.

1 Pitér 3:14

Okóm baluen se ke wen hemsidek kuy lemwót bè yóm hyu gel nmò ye, wen kligal ye du myó. Bê ye hlikò, ne bê ye htafa nawa ye.

Kun Snulat Luk 11:10

Ket tau ke wen hnihen gel gutahen. Ke wen hnebelen, tonen. Ke mbal gu bak sut, wen hemta du.