Sulat Jim 5:1 - Udél Dwata: Gna Kesfasad ne Lomi Kesfasad

¹ Na, yu kem tau wen kendengenen, hol hnungol ye o. Olò dnumu nkik ye dé yó kem tey hlayam sut bélê ye.

Sulat Jim 5:1 Referans Kwoze

Kem Udél Hlalak Tehe Selumun 11:28

Mulék gdanà yóm tau tódô doen yóm kun kendengen lómón yó kem doun koyu gel tbó, okóm yóm tau tedeng kmoen, tey hyu klowilen lómón ke yóm doun koyu alì lembud.

Jirimaya 9:23

Yó bud udél Dwata, monen, “Yóm tau hulung hedem, hol béen abay salù yóm khulungen hedem yó. Dalang se yóm tau alì kemgis, hol béen abay salù yóm kekgisen. Yóm tau wen kendengenen, hol béen abay salù yóm kwen kendengenen.

Kem Udél Hlalak Tehe Selumun 11:4

Laen kô muhen bè tau yóm kendengenen bè yóm kdaw katayen, okóm yóm ktedeng kmoen htahaen ktauhen.

Sulat Jim 1:11

Ke mékét etahen nóng kdaw, deng sana menes, ne tódô tbó bulóken, là bud tonem du ne ktiloben. Lómón se yó ne kmò yó kem tau wen kendengen le, kendel le matay igò le tolo tô mebel mò tnuen yóm kendengen le.

Sifanaya 1:18

Bè yóm kdaw alì kebut Dwata kul yó, laen kô dù lanen lemwà kul yó kem blówón bukay le ne yó kem tahu blówón le. Yóm kebut Dwata kul yó hol lómón ke ofi, angat gotu kenen yóm klamang tonok. Angat kendel nmoen són le yóm kdéen tau talak tonok.

Sulat Jim 4:13

Ni hol hnungol ye yu kem tau gel mon du, “Wen syudad gónó me e mógów kemdaw ni duhen ke haya. Na me nô ditu sfalay mò me udél swa anì wen filak me.”

Sulat Jim 2:6

Okóm kuy, là kô nadat ye kul. Fen hegeta ye yóm tau wen kendengenen. Okóm tau du se fen gel hemgnok kuy? Tau du se gel mit kuy ebè yó kem dyad? Hono yó kem tau wen kendengen le.

Dwata 32:15

Yó kem tau Dwata, deng le gotu baling tau mdengen. Okóm deng mom kenbê le Dwata. Gotu le mabù, mo le mom hemnobò lan le alì mken. Deng knogol le Dwata, yóm tehe mifil kul. Kenbê le Dwata, yóm hol gembek lemwà kul.

Juwél 1:11

Yóm kdê ye kem tau mò hulu, laen dù bud ken-gel nawa ye ne. Hol ye hlangag, yóm kdê ye kem tau mulu grép. Hlangag ye abay se deng gotu sidek yó kem halay ye ne yóm kdê dumu hulu ye.

Juwél 1:5

Ó kem tau gel hlengel, btik ye ne hol ye mkik. Hlangag ye, yu kem tau gel minum tifas grép abay se deng gotu sidek yó kem bungu grép ye, laen dù bud gónó ye ma ke tô ye bud mò tifas.

Sulat Jim 4:9

Hegsel ye ne bè yó kem salà ye, hol ye mkik. Yóm kkuli ye, olò hulék ye bè klangag nawa ye. Yóm kehligal ye, olò hulék ye bè kebang nawa ye.

Juwél 1:13

Yu kem tau gel blóng ebè Dwata, mnes ye sakù. Hlangag ye, yu kem gel mò nmò bè gónó demsù. Géhél ye ne, yu kem tau gel mò nmò bè Dwata, suloy ye buteng mnes sakù. Laen kô dù bud halay ne tifas grép blay ye ebè Gónô yóm kuy Dwata.

Kem Lingón 17:14

Hol lenwaem ou, Dwata, mlan bè yóm alì kegbek sigelem. Lenwaem ou bè yó kem tau són hendeen le ke wen gel guta le yóm igò le mowil. Hol tnafakem lu, Dwata. Ne yóm ktafakem kul yó, yake hol gefet bè yó kem ngà le efet bud kól bè yó kem lugod le.