Sulat Jim 4:9 - Udél Dwata: Gna Kesfasad ne Lomi Kesfasad

⁹ Hegsel ye ne bè yó kem salà ye, hol ye mkik. Yóm kkuli ye, olò hulék ye bè klangag nawa ye. Yóm kehligal ye, olò hulék ye bè kebang nawa ye.

Sulat Jim 4:9 Referans Kwoze

Matyu 5:4

Tey kehyuhen bélê le kul yó kem tau ke wen lenangag le, abay se Dwata angat mifa kul.

Kem Udél Hlalak Tehe Selumun 14:13

Ke blat nawahen yóm tau baluen ke kmuli, là kóen mkó béléen yóm keblat nawahen ne kogol yóm kkulihen bud senged se yóm keblat nawahen.

Kun Snulat Luk 6:25

Tey kodu ye kuy kem tau gel hebsow ni kmoen ni, abay se angat ye mulék bitil. Tey kodu ye kuy kem tau tendo gel hligal kmuli ni kmoen ni, abay se angat ye mulék langag.

Kem Lingón 119:67

Gu laanem là deng semtódô do, denge tlas, okóm ni, hol nimónu yóm kóm udél.

Kun Snulat Luk 16:25

Okóm bnalà Abraham, monen, ‘Hentulónem nawa, Fù, yóm tehe kóm klowil. Deng gotu gutahem ne kehyuhen, kóen kun nim Lasarus, fen gutahen ksideken. Okóm ni, deng gsengel ne kun kegnóm du bè ni, ne feni meflayam kóm.

Kun Snulat Luk 6:21

Tey kehyuhen bélê ye kuy, yu kem tau bitil nim kmoen ni, abay se angat ye gemtu. Tey kehyuhen bélê ye kuy, yu kem tau gel mkik nim kmoen ni, abay se angat ye kmuli.

Jirimaya 31:13

Omin le yó gotu madal yó kem sawang libun, tey kligal le. Dalang se yó kem logi, kem ngà logi kólen bè kem tuha gotu le hligal se kul. Wen kligal blayu kul mò tles yóm klangag le ne wen klaan nawa blayu kul mò tles yóm keblat nawa le.

Jirimaya 31:9

Botong le gotu mkik lemwót bè kligal le. Ne tey tilob kesgifau kul bè yóm bud kwitu kul semfulék. Nalaku lu hilol yóm él mlel bè yóm lan hyu gónó le là tlokob. Yakà ou du se mà yó kem tau Israél ne Ifraim se yóm hol ngau twogu.

Kem Lingón 119:71

Tey hyu béléu yóm kehlayamem do anì dnalangu yó kem hlauhem.

Kem Lingón 119:136

Ke gel hendemu yó kem tau là mimón du yó kem hlauhem, tey sidek kkiku.

Nihimaya 8:9

Timbow gungol yó kem tau yóm tehe hlau Dwata kul tódô le gotu mkik. Okóm mudél ebélê le Nihimaya yóm gubérnor, anì là bud le mkik. Bud mudél ebélê le Isra yóm tau gel blóng ebè Dwata, yóm alì temngón du yó kem hlau Dwata, dalang se yó kem sfu Libay gel hemlan du bélê le yóm hlau Dwata, bud le mudél ebélê le se kul, mon le, “Yóm kdaw ni, kdaw deng hetfing tekuy ebè Dwata yóm sana kut Dwata hol gónó mogot. Hol bê tekuy abay bud mkik.

Matyu 21:41

Bnalà le se, mon le, “Angat gotu hnatayen lu yó kem tau sidek nmò le yó, ne bud hogoten tu kem dumu tau hyu keblay le bad bè ket kgefeten.”