Sulat Jim 4:7 - Udél Dwata: Gna Kesfasad ne Lomi Kesfasad

⁷ Yó gónóm mon, heglaan ye bè Dwata dé. Hol natù ye Seitan, anì mlóy hlayuk bélê ye.

Sulat Jim 4:7 Referans Kwoze

Ifisus 4:27

déke yó sotu lan Seitan ebélê ye.

1 Pitér 5:6

Duhen yó, hol ye heglaan bè tum Dwata alì mfasang bè kdéen. Ke ni se nmò ye, tey kehegetahen kuy sok hto yóm kun buteng mò du.

Hibru 12:9

Bè yó kem mà tekuy te tonok, tey gel kadat tekuy kul baluen ke wen gónó le gel tmedeng tekuy. Mom milud he kadat tekuy du yóm Mà tekuy bè longit anì blayen tekuy yóm klowil laen dù sónen.

Sulat Pol Ebè Yó Kem Tau Hemtahu Bè Rom 10:3

Là kô tngón le du yóm lan nmò Dwata mò gónón tedeng ktonen kul. Mom yó tô nmò le, tódô lolò le yóm kul kehlan du. Là kô lolò le du yóm lan nmò Dwata mò gónó le tedeng.

Kem Lingón 66:3

Mon ye mò ke Dwata, “Tey hentaw me yó kem deng nmoem. Lemwót yó kem hohonem, gotu le likò bè yóm tey kegbekem.

Job 1:21

Yó monen, “Bè yóm tehe ksutu gu bè yê, tódóe hlówó ne bè yóm angat katayu bude tódô hlówó snéen. Deng gotu blay Dwata do yóm kdéen deng nfunu ne ni deng gotu bud nwahen. Yake hol megdóyón yóm kun boluy.”

2 Tutul Israél 30:8

Bê ye hgel kulu ye, lómón yóm tehe kul kgel kulu, okóm nimón ye Dwata. Mógów ye ebè kun Gónô yóm deng hetfingen, ne deng hólósen laen kô dù tul sónen. Tmaba ye ebè yóm sana kuy Dwata hol gónó mogot anì mkó ta ye yóm tey kebuten kuy.

Matyu 11:29

Tles nbô ye dé yóm dou nbô, ne hol ye dmalang béléu, abay se ganag nawahu, ne là kóe hegeta knô. Ke yó se kuy nmò, là kô ye na e bud miteg.

Ifisus 5:21

Hol tekuy hfulung heglaan bè kem dumu tekuy lemwót bè kadat tekuy ke Krays.

1 Pitér 2:13

Lemwót bè yóm deng klolò ye yóm gónó tekuy mogot, bê ye nulé yó kem udin lem benwu ye. Hol nimón ye yóm tau hol geta bélê ye.

2 Samwél 15:26

Okóm ke mon Dwata mò do, ‘Laen dù gónóhu hligal béléem.’ Ke yó udélen, ni se ou, tódô nmoen béléu yóm hyu béléen.”

Danyél 4:25

Angat lo le u anì là budi nô lem blóng tau, tódói nô lem bnes slomong bè yó kem ógóf lem bnes. Segbóti mótób bélê le mkél kótób safì ne sónmoem tendo wos bè amù. Hitu halay kegenem gembunù du nim ni efet nam gtukul són Dwata yóm hol geta kmamal yóm kul nogot yó kem tau ne hfogoten benwu yó kem tau deng kun nélék.

Kem Lingón 68:30

Nudélem yó kem benwu hohonem. Hol lómó kmò le, lómón yó kem ógóf lóbô nô lem teblow, ne hol lómón kmò le yó kem safì tudu mung bè yó kem ngà safì. Hol heglaanem yó kem tau bè dumu benwu wen gel hbayad le kum. Gotu senklahem lu yó kem tau bè yó kem benwu alì móyô mò gida.

1 Samwél 3:18

Tahu se, gotu tulón Samwél ke Ili yóm kdéen, laen dù bnosen du. Yó mon Ili mò du, “Dwata se yó, nmoen yóm hyu béléen.”

Sulat Pol Ebè Yó Kem Tau Hemtahu Bè Rom 14:11

Deng wen tehe udél Jisas deng snulat le, monen, “Ou se yóm Dwata là kóen na a matay ne ni se hol udélu. Angat le gotu mtud bukol bè soluhu yóm kdéen tau, ne kdê le se angat mon du, ‘Uu se yóm tahu Dwata.’”

Kul Nmò 26:19

Bud mon Pol, “Yóm deng hegfan Dwata béléu ni, Datù Agripa, hol là gbeku du ke là nimónu du.

Kul Nmò 9:6

Mdai ne, ne hlósi elem yóm syudad. Wen he tmulón du kóm ditu yóm angat nmoem.”

Danyél 4:32

Wen tódô mlo kóm anì là budi nô lem blóng tau. Tódói nô lem bnes slomong bè yó kem ógóf lem bnes, mungi mótób bnes mkél bè safì. Hitu halayem he gembunù du yóm ni efet nam gtukul Dwata yóm hol geta bè kdéen kmamal du yóm kdê benwu nogot tau ne tles hfogoten benwu yó kem tau deng kun nélék.”

Ifisus 6:13

Yó gónóm mon, géhél dikót ye ne yó kem ngom sfatay deng blay Dwata kuy anì laen dù gmò Seitan bélê ye ke bangen muluk kuy. Bà nô kegen Seitan tô ma kuy, là kô ye na a ghudul.