Sulat Jim 4:3 - Udél Dwata: Gna Kesfasad ne Lomi Kesfasad

³ Wen se gel hni ye bè Dwata ne là guta ye du, abay se là hyuhen yóm tô mu ye du yóm hni ye. Són bè yóm kuy kenbeyen nawa yóm tô mu ye du.

Sulat Jim 4:3 Referans Kwoze

1 Jan 5:14

Ne tey kegléd nawa te du yóm gel kni tekuy bè Dwata, abay se tendo hnungolen yóm kni te ke segtón ebè yóm kun kóyô bélê tekuy.

1 Jan 3:22

Balù kihu hni tekuy béléen, tódô blayen tekuy, abay se gel nimón tekuy yó kem kun hlau, ne gel nmò tekuy yóm gónón hyu nawan bélê tekuy.

Sulat Jim 4:1

Tedu se buten yóm gel kesfatay ye bè kem dumu ye, ne yóm gel keseglius ye? Yó se hol buten, duhen yó kem dê kenbeyen nawa ye. Ni se hol sembeweg kuy.

Mika 3:4

Angat kól yóm kdaw ye hkodu mkik ebè Dwata, okóm là kô nan e bnalà kuy. Mom henbnosen yu lemwót bè yó kem sidek deng gel nmò ye.

Kem Udél Hlalak Tehe Selumun 15:8

Tey keklit Dwata du yóm kedsuen ebéléen yóm tau gel mò sidek, okóm yóm kni yóm tau tedeng kmoen hnigalen.

Kem Udél Hlalak Tehe Selumun 21:13

Yóm tau là kenmónen du kehkoduhen béléen yóm tau élél, là se wen kemmón du yóm kun kehkodu.

Sikaraya 7:13

Yó udél yóm Dwata laen dù là gbeken du, monen, “Lemwót bè yóm là kóyô le hmungol du yóm ktabahu kul, là se kô hnungolu kul ke tmaba le ebéléu.

Kun Snulat Luk 15:13

Kogolen bè yó, fen gotu hbalù yóm ngà són twoli yóm kun kimu, ne ominen lemwót htabag, ne gotu niten yó kem filaken. Tey mayuk yóm benwu gónóhen e solu, ne tódô hotuhen óyóen mamà du bè yó kem laen muhen yóm filaken.

Mark 10:38

Mon Jisas se mò kul, “Là kô tngón ye du yóm hni ye yó. Gbek ye hembala du kô ke yu gemfà du yóm angat hlayamu, ne yóm angat hatayu?”

Matyu 20:22

Bnalà Jisas se, bede mudél ebè yó kem lewu ngaen, monen, “Là kô tngón ye du yóm hni ye yó. Gbek ye hembala du kô ke yu gemfà du yóm angat glumfaku?” Mon le se, “Gbek me.”

Kem Udél Hlalak Tehe Selumun 21:27

Tey kenlit Dwata yóm dsuen ebéléen yóm tau gel mò sidek, hol néen ke yó gónón tô demsù anì mkó tahen yóm salaen.

Kem Udél Hlalak Tehe Selumun 1:28

Mom yó he ktaba ye do okóm là kô tnimulu kuy. Balù kihu gónó ye hol mebel do là kô ne ye e ton dou.

Jirimaya 14:12

Baluen ke fasting le, là kô naw e kenmón kul. Ne baluen ke dsù le ebéléu yóm dsù gel hkekeb le ne ke wen blay le dou bè yóm halay le, là kô naw e henmóyô kul. Mom yó nmou bélê le, matay le bè gida ne matay le lemnus ne matay le bè des.”

Kem Lingón 18:41

Tey ktaba le anì wen tmóbóng kul, okóm laen dù tau sut mò lemwà kul. Tmaba le ebè Dwata, okóm là kô bnalaen kul.

Kun Snulat Luk 15:30

Mom ni he fen gónóhem hmatay yóm ngà safì mabù bè kkól nim ngaem alì hegwós kimuhem bè kem libun hdóyón.’

1 Bok Kem Tau Hol Geta 3:11

Ne yó gónó Dwata mon du mò du, “Lemwót bè yóm knihem du yóm khulung hedem mit kul yó kem dou tau, ne là se hnihem du yóm ktahà klowilem ne kwen kendengenem ne katay yó kem hohonem,

Kun Snulat Luk 11:10

Ket tau ke wen hnihen gel gutahen. Ke wen hnebelen, tonen. Ke mbal gu bak sut, wen hemta du.