Sulat Jim 4:12 - Udél Dwata: Gna Kesfasad ne Lomi Kesfasad

¹² Tek sotu gónón lemwót yóm hlau són bè Dwata. Tek són du yóm wen kwalisen kmukum tau. Gbeken lemwà tau gu lem hatay, ne gbeken se tmafak kul. Bélê tekuy kut, laen dù kwalis tekuy hemdeng kmò kem dumu tekuy tau.

Sulat Jim 4:12 Referans Kwoze

Sulat Pol Ebè Yó Kem Tau Hemtahu Bè Rom 14:4

Là kóen hyu ke tódô tendok tekuy kun kmò yóm tau tóbóng lówó bè dumu tau. Tek són yóm hol kun gónó mogot gembek hemdeng du yóm kun kmò, ke hyu duhen ke là. Kaem angat wen gónóhen e kól he kun yóm tau tendokem yó, abay se yóm gónó tekuy mogot fen tmóbóng du.

Sulat Pol Ebè Yó Kem Tau Hemtahu Bè Rom 2:1

Béem tódô gel tendok kun kmò kem dumum. Laen dù lasunem mò du, balù sentnga se yóm kóm ktau. Ke wen tendokem bè dumum, ne ke bud gel nmoem se kóm, ten-geedem hegtuled knóem.

Matyu 10:28

Bê ye abay likò bè tau. Gbek le hmatay lówó ye, okóm yóm lóyóf ye, là kô gbek le hmatay du. Dwata dé hol tahu knikò ye, abay se gbeken hmatay lówó ye, ne gbeken se tmudà lóyóf ye elem lanaw ofi.

Isaya 33:22

Ke wen bud mlan bè yó, gotu sidek yó kem htegen, baling laen dù bud muhen. Là bud gbek le mból du yó kem layalen. Yóm kdê kendengen yó kem hohon bè yóm kafal yó, gotu nwa tekuy. Ya tey kwenen, balù yóm tau tugô sana kwen kun nwa. Dwata se yóm hol geta bélê tekuy. Du se hol mogot tekuy ne mofin tekuy.

Sulat Jim 5:9

Sotuhen, kem dumuhu setwoli, bê ye abay gel sduón anì là angat tnafak Dwata kuy. Ngem deng mdà snolu aut ne yóm angat kmukum tekuy, són kotunen duen.

Hibru 7:25

Duhen yó, ke hlan tekuy béléen yóm kehloni tekuy ebè Dwata, nô kihu kdaw tekuy tô mò du, hol là gbeken du ke là lenwaen tekuy gu lem hatay. Lemwót bè yóm kun là katay, yó gónón là skó yóm knihen tóbóng bè Dwata bélê tekuy.

Sulat Pol Ebè Yó Kem Tau Hemtahu Bè Rom 14:13

Duhen yó, hol bê tekuy abay bud gel setdok. Yó dé hol sen-galu tekuy ke laen dù nmò tekuy mò gónó le tlokob yó kem dumu tekuy hemtahu.

Sulat Pol Ebè Yó Kem Tau Hemtahu Bè Rom 9:20

Ni se balau du yóm monem yó, “Tmau kóm de tô gembek smabà ke Dwata? Là gbek yóm kuleng tonok smabà yóm tau mifil du, ke monen ‘Moen ke lómón ni kifilem do?’ ”

Kun Snulat Luk 12:5

Tódô tulónu kuy yóm mò hol knikò ye,” monen. “Hol knikò ye Dwata, abay se ke deng hnatayen lówó ye, wen kwalisen tmudà kuy elem lanaw ofi. Du dé yóm hol tahu knikò ye.

Job 38:2

“Tmau kóm de mudél laen dù lem, tô smólók yóm dou khulung hedem?

1 Samwél 25:10

Okóm yó balà Nabal yó kem tau dók Dabid, monen, “Tau du de nim Dabid ni? Tmau du de nim ngà Jisi ni? Ni kmoen ni tey dê tau dók henlóy le ogot le.