Sulat Jim 4:10 - Udél Dwata: Gna Kesfasad ne Lomi Kesfasad

¹⁰ Heglaan ye dé bè yóm gónó ye mogot, du he hegeta kuy.

Sulat Jim 4:10 Referans Kwoze

Kem Lingón 147:6

Gel tnóbóng Dwata yó kem tau hulung heglaan, okóm fen ndaen lem tonok yó kem tau gel mò sidek.

Matyu 23:12

Yó se tau hegetahen knóen, angat heglaan Dwata. Okóm yóm tau heglaanen knóen, angat hegeta Dwata.”

1 Pitér 5:6

Duhen yó, hol ye heglaan bè tum Dwata alì mfasang bè kdéen. Ke ni se nmò ye, tey kehegetahen kuy sok hto yóm kun buteng mò du.

Kun Snulat Luk 14:11

Yó se tau hegetahen knóen, angat heglaan Dwata. Okóm yóm tau heglaanen knóen, angat hegeta Dwata.”

Kem Lingón 113:7

ne nkayen gu lem kfung yó kem tau élél, ne nwahen gu desenfól yó kem tau laen dù gónó le ma.

Kun Snulat Luk 1:52

Gotu kóhen glal yó kem tau hol geta mogot benwu, ne tles hegetahen yó kem tau glaan.

Kun Snulat Luk 18:14

Tódô tulónu kuy ktahuhen,” mon Jisas, “bè yóm kuléken ebè gónóen nim tau gel mtuk bwis ni, deng baling tedeng kton Dwata du. Fen là kun yóm Farisi yó koni. Yó gónóm mon, yóm tau hegetahen knóen, angat heglaan Dwata. Okóm yóm tau heglaanen knóen, angat hegeta Dwata.”

Kem Lingón 27:6

Yó gónóhu gemmò bè yó kem hohonu hmilol dou. Ya tey kligalu, botonge mensag bè yóm kedsuu ebè Dwata bè Gónóen, lelu lemingón ebéléen lanu dmóyón du.

Kem Lingón 30:1

Tey kdóyónu kóm, Dwata, lemwót bè yóm deng kehewaem dou. Là kói móyô ke gemmò le béléu yó kem hohonu.

1 Samwél 2:9

Gel kenlungen yó kem tau mimón du, okóm yó kem tau mò sidek són le lem gónón kmifu. Laen dù gendeng tau ke mlan bè kun kgis.

Kem Lingón 28:9

Ó Dwata, hol hewaem yó kem kóm tau. Tnóbóngem yó kem tau Israél, kem tau deng kóm nfun. Nalakem lu lómón yóm tau semgyok ubiha, ne laen kô dù tul sónen yóm ksiwihem kul yó.

Kehewà 10:3

Tahu se, bud le mógów ebè Faro le Musis ne Aron, mon le mò du, “Yó udél yóm sana Dwata yó kem tau Hibru, yóm hol gónó mogot, monen, ‘Deng tey kegenen ne yóm là keheglaanem béléu. Hol hewótem lu ne yó kem dou tau anì na le e tmaba ebéléu.

1 Samwél 2:7

Bè Dwata se gónón lemwót yóm kélél ne bud du se gónón lemwót yóm kendengen. Wen se tau heglaanen, ne wen se hegetahen.

2 Tutul Israél 7:14

ke mni le béléu yó kem tau mit du yóm dou boluy, ne ke heglaan le béléu, ne ke hnebel le ou, ne ke knogol le yó kem sidek gel nmò le, hnungolu lu gu ditu bè longit, ne hnifótu yó kem salà le, bud hetbasu yóm tonok le.

Job 5:11

Gel hegetahen yó kem tau hulung heglaan ne bud hbegelen kdà yó kem langag.

Kem Udél Hlalak Tehe Selumun 29:23

Yóm keheklabak mit du genef yóm tau, okóm yóm tau heglaan gutahen kadat tau du.