Sulat Jim 3:9 - Udél Dwata: Gna Kesfasad ne Lomi Kesfasad

⁹ Bè sumóng tekuy gónón lemwót yóm kdóyón tekuy yóm gónó tekuy mogot, yóm Mà tekuy. Ne bud bè sumóng se gónón lemwót yóm gel kehtolo tekuy kem dumu tau, igò Dwata deng mò du yóm tau, ne heskélen bè kun knô.

Sulat Jim 3:9 Referans Kwoze

Kem Lingón 10:7

Yóm gel btang bè sumóng le, hono udél hemmulà, udél mò kéng, ne udél mifis. Mahil bélê le mudél sidek ne mudél hemsidek kem dumu le.

Kem Lingón 62:4

Yó atul le tô tenklé le ou bè yóm deng kegeta glalu. Sónmò le mò tulón lenbù etahu. Swè le béléu ke ssolu me, okóm lem but blutut le, henmulà le ou.

Kem Lingón 59:12

Lemwót bè yó kem udél le alì sidek gel btang gu lem bak le, yó se gónó le gekfô mlan bè yóm alì kehegmón le, ne bè kehedwata le bak, ne bè alì kmò le kéng.

Tekang Kbuten 9:6

Abay se bè yóm kmou tau heskélu béléu. Yó gónóm mon, ke wen tau bnonoken ke dumun, yó se bud kun des bnonok.

Kul Nmò 2:26

Ne yó gónón tendo maan nawahu, ne sal gel dilô bè kudélu yóm kligalu. Anien ke mataye, wen hendónu sentuhen,

2 Samwél 19:21

Yó mon Abisay ngà Siruwaya, “Yake hnatay Simi lemwót bè yóm deng kehmulaen yóm tau hol geta deng kun nélék Dwata.”

Tekang Kbuten 5:1

Ni se tutul yó kem kun ból Adam. Bè yóm tehe kifil Dwata kem tau, heskélen lu béléen.

1 Kurin 11:7

Okóm bè logi kun, ke gel mni bè Dwata, là hyuhen ke wen sukuben bè kuluhen, abay se bè yóm kmò Dwata yóm logi, heskélen bè kun knô ne bè kun kmò. Okóm yó dum libun bè yóm kmò Dwata du, heskélen bè kun kmò yóm logi.

Sulat Pol Ebè Yó Kem Tau Hemtahu Bè Rom 3:14

Tey gel kehlagi le kem dumu le.

Matyu 26:74

Tódô smafà Pitér lem blóng le, monen, “Hol tnafak Dwata se o ne ke kéngu yóm tulónu kuy. Là kô tngónu du dou yóm tau yó.” Ne tódô sen-gengen se kmóót onuk.

Matyu 5:44

Okóm ni dou tulón kuy, kenbong nawa te yó kem hmohon tekuy ne hni te lu bè Dwata yó kem hemsidek tekuy,

Kem Lingón 108:1

Ó Dwata, són uu snaligu. Hotuhu nawahu lemingón yóm lingón dmóyón kóm. Géhéli btik, lóyóf.

Kem Lingón 71:24

Snilefu kdaw tendo tmulón du yóm tey ktedeng yó kem gel nmoem, yakà deng le gotu mulék myak ne slaf yó kem tau tô malu hmatay dou.

Kem Lingón 63:4

Klawihu mowil, sónmou tendo bemlay slamat béléem. Hdau eta sigelu bè yóm gel knihu ebéléem.

Kem Lingón 57:8

Yó hendemu, btike dé anì nunihu yó kem gel kenbitu. Naw bentik kdaw mlan bè lingón.

Kem Lingón 51:14

Ó Dwata yóm gel lemwà dou, hol hnifótem ou bè yóm tey litô deng hdanagu. Ke yó se nmou, hligale mutóm du bè sngal yóm kehlifótem salà.

Kem Lingón 35:28

Ominu yó tmulón du bè kdéen tau yóm tey ktedeng kkukumem ne yóm tey kehyuhem, ne snilefu kdaw tendo dmóyón kóm.

Kem Lingón 34:1

Là kô senkóhu du yóm tendo gel keslamatu bè Dwata. Là kô tenfloku du yóm kdóyónu du.

Kem Lingón 30:12

Yó se gónóhu semgal yóm sngal dmóyón kóm, ne là kóe tódô yem. Ó Dwata, yóm Dwata hol gónó mogot, ne laen kô dù tul sónen yóm kdóyónu kóm yó.

Kem Lingón 16:9

Duhen yó, tey keslamatu béléem, Dwata, ne tey kehyu nawahu. Tódô gnómu yóm kgel nawahu,

1 Tutul Israél 29:20

Omin Dabid mudél ebè kdê yó kem tau deng stifun, monen, “Hol dóyón ye yóm sana kuy Dwata hol gónó mogot.” Tahu se, ya tey kdóyón le ke Dwata yóm kdê le deng stifun bè yó, dóyón le yóm Dwata yó kem tehe fù le. Gotu le kudung, tud le bukol le bè solu Dwata ne bè solu yóm tau hol geta bélê le.

1 Tutul Israél 29:10

Omin Dabid dmóyón ke Dwata lem blóng yó kem tau deng stifun ebè yó, yó monen, “Ó Dwata yóm Dwata yóm fù me Israél, hol laen dù tul sónen he yóm tendo kdóyón me kóm.

2 Samwél 16:5

Timbow le gefet bè Bahurim le Dabid, wen tau hewà bè yóm ngà benwu yó lemwót bè fes lówó Sol boluyen Simi ngà Gira. Yó nmoen bè yóm kehewaen, henmulaen Dabid.

Ifisus 1:3

Hol tendo gel dóyón tekuy dé Dwata. Du se kun Dwata ne kun Mà yóm gónó tekuy mogot Jisas Krays. Lemwót bè yóm deng kessotu tekuy bè Krays, yó gónón alì tmóbóng tekuy, botong blayen tekuy kdê yó kem hyu lemwót gu bè longit.

Kem Lingón 145:21

Senflósu dou gel dmóyón ke Dwata. Yó kem kdê deng dlimunen, yake bê le abay nmò sónen yóm kdóyón le du yóm kun boluy.

Kem Lingón 145:1

Angat gel heglalagu yóm tey kegetahem, Dwata, yakà uu du yóm dou Dwata ne yóm dou gónó kmulu. Laen kô dù sónen yóm keslamatu béléem.

1 Pitér 1:3

Hol dóyón tekuy dé Dwata. Du se kun Dwata yóm gónó tekuy mogot Jisas Krays, ne bud Maen snéen. Tódô lemwót bè yóm tey kkodu Dwata tekuy, wen yóm lomi klowil blayen tekuy hlanen bè yóm tehe klowilen ke Jisas Krays gu lem hatay. Ne yó se yóm hendón tekuy yóm klowilen tekuy hulin kdaw snéen.

Sulat Jim 1:27

Yóm tahu kehtahu hol kun henmóyô Dwata, yóm Mà tekuy, duhen yóm hol któbóng yó kem ngà hikit ne yó kem libun bolu bè yóm gónó le glayam. Ne ke gel tensuhen yó kem sidek gel nmò tau lem benwu.

Sulat Jim 3:10

Tek sotu sumóng se gónón mlan yóm udél dmóyón ke Dwata ne yóm udél hemtolo dumu tau. Là kóen hyu yóm yó, kem dumuhu setwoli.