Sulat Jim 3:8 - Udél Dwata: Gna Kesfasad ne Lomi Kesfasad

⁸ Okóm laen deng tau he ke gbeken mafas ksumóngen. Tey sidek yóm sumóng tau, laen dù gembek mafas du. Tey sidek kalasen.

Sulat Jim 3:8 Referans Kwoze

Sulat Pol Ebè Yó Kem Tau Hemtahu Bè Rom 3:13

Hono sidek yóm gel kebkó le, hol lómón ke boo bolok lemwót gu lem lebeng. Yóm gel kudél le hono kéng. Tey malas kudél le, lómón kalas yó kem ulal.

Kem Lingón 140:3

Tey des yóm udél gel btang bè sumóng le, hol lómón ékét ulal, ne tey des kudél le, hol lómón alas sedof.

Sulat Jim 3:6

Ne yóm gel ksumóng tau, hol mkél bè ofi. Hol gónón smala kentihen sidek nmò tau. Bud lemwót bè ksumóng tekuy gónón sidek kehedem tekuy ne ksidek yóm nmò tekuy, ngangen ne efet laen dù gónón e kól ktau tekuy. Abay se yóm ksidek kbak tau, hol lómón yóm ofi lemwót bè lanaw ofi.

Kem Lingón 55:21

Tey lendey udélen, okóm lem but blututen hono utó nawa. Tey hyu udélen anì monem ktelem sudeng.

Kem Lingón 57:4

Tódô snibut le ou yó kem hohonu, hol lómó kmò le, lómón yó kem liyun alì bitil móyô msék tau. Yóm ktelem yó kem nihi le, hol lómón ktelem yó kem buyus ne yó kem hanak. Tey telem kudél le, hol lómón ktelem yó kem sudeng sbalà bak.

Kem Lingón 59:7

Hnungol ye dé yóm udél le hemnê ne udél le móló hmatay. Yóm udél le yó, hol lómón ke sudeng sbalà bak. Yó hendem le, “Laen kô dù tau gmungol kum.”

Kem Lingón 58:4

Wen tey alas le lómón alas ulal. Mkél le bè sedof, là kô le móyô hmungol.

Dwata 32:33

Mkél le bè yóm tifas wen alas ulal nô lemen.

Deng Hegfan 12:9

Tódô tudà le etalak tonok yóm swaga hulô yó, yóm tehe ulal là kna lemwót bè kbuten, duhen Seitan, yóm alì hulung dmelem, yóm alì hulung smukat yó kem tau bè klamangen benwu. Tódô tudà le etalak tonok, mung du yó kem gel hógówen.

Kem Udél Hlalak Tehe Selumun 17:20

Yóm tau sigol kehedemen là kóen hyu klowilen ne yóm tau seblékê kestulónen sal wen glumfaken.

Sulat Jim 3:7

Yóm tau gbeken hnalam yó kem ógóf lem bnes, ne yó kem onuk koyu, ne yó kem utón nô lem mohin. Balù yó kem ulal, gbeken hnalam kul.