Sulat Jim 3:5 - Udél Dwata: Gna Kesfasad ne Lomi Kesfasad

⁵ Lómón se yó ne yóm ksumóng tau. Balù yóm là kbongen, ewenem sana kegbeken tmulón du yóm tey dê mò gónón hton salù. Hendem ye dé yóm ngà dilóf ofi, botong gbeken mken du yóm tey dlag lamang.

Sulat Jim 3:5 Referans Kwoze

Kem Udél Hlalak Tehe Selumun 18:21

Wen se udél tau gónó mowil ne wen se udél gónó matay ne bud gutahen se bungu yóm udélen.

Kem Udél Hlalak Tehe Selumun 12:18

Yóm tau gel sidek kebkóhen tey gbeng lem dumu tau du, okóm yóm kun udél yóm tau hulung hedem, hemyu nawa.

Kem Udél Hlalak Tehe Selumun 15:2

Lemwót bè yóm kun kudél yóm tau hulung hedem gónón lemwót mahil dmalang du yóm ketngón, okóm yóm tau book laen kô muhen yóm kun udél legas.

Kem Lingón 17:10

Laen kô dù keskodu bélê le. Hnungolem dé yóm tey udél le heklabak.

Sulat Jud 1:16

Yó kem tau tmolok sekban yó koni, sónmò le semlón, sónmò le dmuón kem dumu tau. Kihu knóyô lówó le, tódô nmò le. Gel le hton salù. Ne ke wen knóyô le, tey le hulung mudél anì guta le.

Jirimaya 18:18

Ne yó udél yó kem tau, mon le, “Yake mebel tekuy lan anì teflok yóm gel tulón Jirimaya. Laen kô dù mu tekuy du yóm gel tulónen. Deng wen kut tau blóng ebè Dwata nô bélê tekuy ne wen se kem kut tau temngón ne wen se kem kut tugod ebè Dwata nô bè ni. Laen kô mu tekuy du yóm toloken tekuy ne ke hnauhen tekuy ne ke tô wen tulónen tekuy. Mò tekuy tulón gbak etahen, bê tekuy abay kenmón yó kem gel monen.”

Kem Lingón 10:3

Yó kem tau mò sidek yó, tey henklabak le yóm sidek nô lem hendem le. Tey kdóyón le yó kem tau seglom, fen henmulà le uu, Dwata.

2 Pitér 2:18

Tey le hulung mudél, okóm laen dù lemen. Gel hegbóy le yó kem tau hanà lomi kmogol du yó kem knóyô lówó. Yóm kehegbóy le kul, hlan le bè yó kem sidek knóyô lówó le.

Danyél 4:30

Yóm igoen temngel eta yóm syudaden, yó udélen, monen, “Ngem dé nim tey syudad Babilun ni, ke là se lemwóten bè yóm tey kegbeku, là kóen na a mdà mò gónóhu nô ne mò gónóhu hegfan yóm tey kegetahu.”

Kehewà 15:9

Yó mon yóm hohon me, ‘Na ktes lu, na kenfô lu. Na nólól yóm kendengen le ne gotu nwahu yóm kdê nóyóu. Nsoku tóku ne nwahu yóm kdê nô bélê le.’

Danyél 3:15

Okóm ni, benlayu yu sulék duen. Ke bud gungol ye yóm tey uni féw sguyun mung du yóm kdê dumu huni le ne ke mtud ye uyó bè tonok, laen kô dù gfà ye. Okóm ke là mimón ye, tódô henmung tudà le yu elem tey dilóf ofi tuu. Ke lómón yó, dwata du de tô gembek lemwà kuy lem hólólu?”

Kehewà 5:2

Yó udél Faro, monen, “Dwata du de myó? Moen du ke tô hnungolu ne ke tô hlusu lu lemwót yó kem tau Israél? Là kô tngónu du dou yóm Dwata yó ne là kô hlusu kul.”

Kem Lingón 39:1

Yó mon nawaw, “Ten-gamahu yó kem gel nmou ne ksubaku anì là gemsalae. Yóm igò le nô klohoku yó kem hohonu, là kóe mudél.”

Kem Udél Hlalak Tehe Selumun 26:20

Matay yóm ofi ke laen dù snuken lómón se yó yóm keteflok yóm kesbólów ke laen dù tau lemnek ksumóngen.

Sulat Jim 3:4

Senged se bè yóm kafal, bà tennga se kbongen, ne bà tennga tô kgis yóm lenos, ewenem sana kloloen yóm kun kóyô gónó e hlan du yóm tau mit du, balù yóm tey kudì yóm gónó hmilóy du.