Sulat Jim 3:4 - Udél Dwata: Gna Kesfasad ne Lomi Kesfasad

⁴ Senged se bè yóm kafal, bà tennga se kbongen, ne bà tennga tô kgis yóm lenos, ewenem sana kloloen yóm kun kóyô gónó e hlan du yóm tau mit du, balù yóm tey kudì yóm gónó hmilóy du.

Sulat Jim 3:4 Referans Kwoze

Matyu 8:24

Bè yóm igò le mówóng talak lanaw, tódô mbel yóm tey lenos bong, ne botong tô glimun lewók yóm ówóng le. Okóm ke Jisas kun, deng mom fen tungô.

Juna 1:4

Okóm yó nmò Dwata, hbelen yóm tey lenos bong te mohin ne tey lewók setbulù, deng tô gbà yóm kafal le.

Matyu 11:27

Omin Jisas bud mudél ebè yó kem gel lemolò du, monen, “Deng gotu hkem Mà do yóm kdéen. Laen kô tau temngón du yóm Ngà Dwata, tek són yóm Maen. Ne là kô wen tau temngón du yóm Maen, tek són yóm Ngaen, ne tek són yó kem tau deng néléken mò gónóhen hetngón du.

Kul Nmò 27:11

Okóm là dog hnungolen ke Pol yóm kfitan mentey kul. Mom yó hnungolen yóm tau mit kafal ne yóm tau funen.

Sulat Jim 3:3

Lómón yóm kudà, gel knakang tekuy anì mimón, anì gbek tekuy mit du bè yóm gónó tekuy e móyô hlan du.

Sulat Jim 3:5

Lómón se yó ne yóm ksumóng tau. Balù yóm là kbongen, ewenem sana kegbeken tmulón du yóm tey dê mò gónón hton salù. Hendem ye dé yóm ngà dilóf ofi, botong gbeken mken du yóm tey dlag lamang.