Sulat Jim 2:8 - Udél Dwata: Gna Kesfasad ne Lomi Kesfasad

⁸ Tey hyu ke nimón ye yóm hlolò Dwata yó kem tau nogoten, duhen yóm sotu hlau nô lem Sulaten, yóm monen, “Kenbong nawahem kem dumum lómón kbong nawam yóm kóm knô.”Okóm ke kmihu ye lemwót bè yóm gel ton ta, salà se yó. Ne lemwót bè kulé ye du yóm hlau yó koni, yó se gónó ye megtuled.

Sulat Jim 2:8 Referans Kwoze

Hlolò 19:18

Bê ye bneles yóm tau mò sidek bélê ye duhen ke henlós ye kmutó du nawa. Yó dé nmò ye, kenbong nawa ye kem dumu ye lómón kbong nawa ye yóm kuy knô. Ou se yóm hol gónó mogot.

Glasya 5:14

Abay se yóm kdê hlau Musis yó, kaem gotu glolò tekuy lu ke lolò tekuy yóm sotuhen, yóm monen, “Hol kenbong nawahem kem dumuhem tau lómón kbong nawahem yóm kóm knô.”Okóm ke lómón knawa ógóf lem bnes yóm tendo nô bélê ye, ke sónmò ye sfatay ne sefdes, hol ten-gama ye, déke gotu ye seglà.

Sulat Jim 2:12

Yó gónóm mon, hegfan ye bè kestulón ye ne bè kekdol ye yóm kimón ye du yóm hlau lemwà kuy gu lem salà. Angat knukum Dwata yu hlanen bè yóm hlau bè kesbong nawa.

Matyu 22:39

Ne gewuhen yóm alì bong muhen skél du, duhen yóm monen, ‘Kenbong nawahem kem dumuhem lómón yóm kbong nawahem yóm kóm knô.’

Glasya 6:2

Hol tnóbóng ye kem dumu ye ke wen alì blat bélê le se kul. Ke yó se nmò ye, deng glolò ye ne yóm kun hlau Krays.

Hlolò 19:34

Hol lómón kmò ye kul lómón ke kuy dumu Israél, ne hol kenbong nawa ye lu lómón kbong nawa ye yóm kuy knô. Hol hentulón nawa ye yóm tehe któlóng ye tau bè Idyip se kuy. Ou se yóm sana kuy Dwata hol gónó mogot.

1 Pitér 2:9

Okóm yu kem tau deng hemtahu béléen, deng nélék Dwata yu mò hol kun tau. Yu se yóm henged demsù ebéléen. Yu se kem tau hol kun nogot, kem tau hol nfunen. Deng néléken yu anì hol heglalag ye bè klamangen yóm tey hyu deng nmoen bélê ye. Deng tnabahen yu igò ye tolo nô lem gónón kmifu anì mili ye ebéléen bè tum gónón alì lemayag.

Sulat Jim 1:25

Okóm yóm tau sónmoen gel hemnagì du yóm hlau Dwata, yóm hlau mò hegewà du, ne kesok nimónen ne là klifóten du yóm deng gungolen, tey któbóng Dwata du yóm tau yó bè ket nmoen.

Juna 4:4

Ne yó balà Dwata ke Juna, monen, “Hyu kô, Juna, yóm alì kebutem yó?”

2 Bok Kem Tau Hol Geta 7:9

Omin le stulón, mon le, “Là hyuhen nim nmò tekuy ni. Wen tey hyu tulón tekuy kemdaw ni, ne ke là géhél tulón tekuy du bè kem dumu tekuy efet hlafus, ngem kà tnafak le tekuy. Yó ne, géhél tekuy mulék, tnulón tekuy tu kem tau bè gónô bong yóm tau hol geta.”

1 Tisalunika 4:9

Bong bè yó dum kesbong nawa ye bè yó kem dumu ye deng hemtahu, baluen ke là bud snulatu du bélê ye ne, abay se deng tolok Dwata kuy ne yóm kmò kesbong nawa.

Flipay 4:14

Okóm tey hyu se yóm kwen hwit ye ebéléu bè yóm igou glayam.

Matyu 25:23

Ne bud monen se mò du yóm gónón mogot, ‘Wóyón dé. Tey hyu nim uu, teyi gulit. Lemwót bè yóm kgulitem bè yóm udì hogotu kóm, bong ne sigangu tahem. Yó ne, holi mung dou dé anì gmungi lemen yóm dou kligal.’

Juna 4:9

Okóm yó bud mon Dwata mò du, “Hyu kô, Juna, yóm alì kebutem du yóm kenes yóm hulu yó?” Bnalà Juna se, monen, “Wen se buten nim kebutu ni. Tumù nawaw tódô kem matay ne.”

1 Bok Kem Tau Hol Geta 8:18

Okóm yó mon Dwata mò du, ‘Tey hyu se yóm tô óyóem hemdà du yóm Gónô mò mit yóm dou boluy,

Sulat Jim 2:19

Maya mon kehtahuhem du du tek sotu se Dwata. Hyu se yó. Okóm balù se yó kem busaw, sana kehtahu le du se kul. Botong le gel kenkel lemwót bè klikò le du.

Matyu 25:21

Ne monen se mò du yóm gónóhen mogot, ‘Wóyón dé. Tey hyu nim uu, teyi gulit. Lemwót bè yóm kgulitem bè yóm udì hogotu kóm, bong ne sigangu tahem. Yó ne, holi mung dou dé anì gmungi lemen yóm dou kligal.’

Matyu 7:12

Yó se nóyô ye nmò tau bélê ye, yó se kuy nmò bélê le. Ni se hol lemen yóm tehe hlau Musis dalang se yóm kul tolok yó kem gna tugod Dwata ekni.”

Sulat Pol Ebè Yó Kem Tau Hemtahu Bè Rom 13:10

Abay se ke bong nawa ye kem dumu ye, là kô gbek ye hemsidek kul. Yó gónóm mon, ke bong nawa ye kem dumu ye, deng gotu glolò ye ne yóm kdê hlau Dwata.

Sulat Jim 4:11

Ó kem dumuhu setwoli, bê ye abay gel sentulón kem dumu ye. Ke gel sentulón ye kem dumu ye hemtahu, duhen ke tódô gel hendeng ye kul kmò, hol lómón ke senlón ye ne hen-gnok ye yóm hlau Dwata. Ke ni se nmò ye, sélét mom tô lolò ye ne yóm hlau Dwata. Kéng tô yu mom baling geta senta Dwata.