Sulat Jim 2:7 - Udél Dwata: Gna Kesfasad ne Lomi Kesfasad

⁷ Ne bud lu snéen yóm gel mudél sidek ebè boluy yóm gónó tekuy mogot.

Sulat Jim 2:7 Referans Kwoze

1 Timuti 1:13

Anam yó ne ekni, tey gel sidek kebkóhu ebéléen, ne gel hensideku yó kem gel lemolò du, ne tey gel kehnéu du. Ewenem yó, sana tey kkoduhen dou Dwata, abay se monem tolo là denge hemtahu he ekni, ne tódô óyóu gel mò kul yó kem tehe gel nmou.

Kul Nmò 11:26

Timbow tonen, nwiten ebè Antyok. Botong sfalay le nô bè yó na a tmolok bè yó kem tau deng hemtahu bè yó. Bè Antyok se tanay gónó le moluy kul Kristyan yó kem tau hemtahu.

Kem Lingón 111:9

Deng hol tahu nsoken yó kem tauhen. Laen dù tul sónen yóm fasaden kul. Laen dù belenen yóm kun boluy, botong wen klikò te du.

Deng Hegfan 19:16

Wen boluy snulat bè yóm nesen ne bè hahahen snéen, monen, “Yóm Hol Geta bè kdéen tau hol geta ne yóm hol gónó le mogot yó kem kdéen mogot.”

Deng Hegfan 19:13

Yóm nes leseken, tódô tfeng litô. Ne yó boluy le du, “Udél Dwata.”

Ifisus 3:15

Du se gónó le menmà yóm kdéen tau hemtahu deng nô bè longit dalang se yó kem tolo nô te tonok.

Kul Nmò 26:11

Tey deng dê duléku ne hemsidek kul lem yó kem kul gónó gel stifun yó kem Ju. Yó hol kóyóu ke tebel le yóm kul kehtahu bè Jisas. Lemwót bè yóm alì kebutu kul gloku mebel kul ebè dumu benwu.”

Kul Nmò 4:12

Duhen yó,” mon Pitér, “Tek són Jisas gembek lemwà tekuy gu lem hatay. Laen kô dù dumu tau talak tonok ke gónó Dwata hlan du yóm kegewà tekuy, tek són Jisas.”

Matyu 12:24

Timbow gungol yó kem Farisi nim mon le ni, mom mon le, “Là kô yó du. Kaem Seitan yóm htulus du yó, yakà són du Seitan kul ogot yó kem tulus sidek.”

Matyu 1:23

“Angat wen sawang libun tódô mlutut, ne mngà logi, ne boluy le du Imanyuwél (yó lanen yóm boluyen yó, tendo nô bélê tekuy Dwata).”

Jirimaya 23:6

Bè yóm angat kogoten benwu, angat le gotu gewà yó kem tau bè Juda ne laen kô dù hemen le yó kem tau Israél. Yó angat taba le du, ‘Yóm Dwata mit kut tedeng.’

Isaya 7:14

Duhen yó, Dwata ne tódô mò béléem ilô. Yó ilô nmoen, wen sotu sawang libun angat mlutut ne angat mngà logi ne angat boluyen du Imanyuwél.

Matyu 27:63

Mon le mò du, “Ó Sér, gtulón bè nawa me yóm tehe monen tum tau mò kéng tu yóm kegenen tolo mowil, ‘Bè getluhen kdaw, bud hlowil Dwata ou.’

Isaya 43:7

Lu se yó kem hol dou tau. Deng nmou lu mò gónóhu hol megdóyón.”

Kul Nmò 15:17

Angat gotu hnebel le ou snéen kdê yó kem dumu tau te tonok, yó kem tau là Ju le, abay se deng tnabahu lu se kul mò dou tau.

1 Pitér 4:16

Bede ke wen hmayam kuy lemwót bè yóm deng kehtahu ye ke Krays, bê ye abay kenyak. Hol dóyón ye Dwata dé, abay se yu mit du yóm kun boluy Krays.