Sulat Jim 2:6 - Udél Dwata: Gna Kesfasad ne Lomi Kesfasad

⁶ Okóm kuy, là kô nadat ye kul. Fen hegeta ye yóm tau wen kendengenen. Okóm tau du se fen gel hemgnok kuy? Tau du se gel mit kuy ebè yó kem dyad? Hono yó kem tau wen kendengen le.

Sulat Jim 2:6 Referans Kwoze

Kem Udél Hlalak Tehe Selumun 17:5

Yóm tau sendekaen yóm tau élél, tnondohen yóm Dwata deng tehe mò kul ne yóm tau hnigalen yóm glumfak sut bè dumun tau, là kô lugun Dwata du là tnafak.

1 Kurin 11:22

Yu kem tau alì mò du yóm yó, mò ye là tódô eles hemdengen mken lemwót du? Tey laen kô dog adat ye yó kem dumu ye hemtahu bè Dwata, ne deng mom tey sidek kehyak ye yó kem tau laen dù gónó le ma. Ofo kuy mon du kô ke dóyónu yu bè yóm nmò ye yó? Là kô naw dóyón kuy.

Kem Udél Hlalak Tehe Selumun 14:31

Yóm tau hen-gnoken yóm tau élél, tnondohen yóm Dwata deng tehe mò du, okóm yóm tau knoduhen yóm tau élél, megdóyón béléen Dwata.

Kem Lingón 14:6

Yó kem tau sidek gel nmò le yó, sónmò le gel hemseng atul yóm tau hulung heglaan, okóm tey gel kofin Dwata du.

Sulat Jim 5:4

Ngem yó kem sukéy tehe là hsut ye du bè yó kem tau mò nmò bélê ye, yó se yóm fen kmamo kuy bè Dwata. Hnungol ye dé yóm keslón le kuy yó kem tau mò nmò bélê ye. Deng gefet bè Dwata, yóm gónó mogot hol mfasang bè kdéen yóm ktaba le ebéléen.

Sulat Jim 2:3

Ke yó henlom hnódó ye yóm tau tilob nesen, ne mon ye mò du, “Myóni bè ni kóm bè gónón hyu.” Okóm fen mon ye mò yóm tau élél, “Tódói mdà bè yó nii kóm, duhen ke myóni bè nii bè seel klohok tihu.”

Kul Nmò 17:6

Okóm bè yóm kkól le ditu, là kô ton le kul. Tódô umuen Jasun senkfô le, ne wen kem dumu tau hemtahu gomong snéen. Nit le lu ebè yó kem tau mogot kukum. Tey khetê le, mon le, “Yó kem tau tô kenfô me yó, ket benwu lan le sónmò le tendo sembeweg yó kem tau. Ne ni deng le kól bè ni bè syudad tekuy,

Kul Nmò 13:50

Okóm tey keklit le kul le Pol yó kem Ju. Gotu nofong le yó kem tau wen glal le bè yóm syudad yó, dalang se yó kem libun boi là Juhen deng hemtahu bè Dwata anì kenbê le Pol ne Barnabas, ne hdó le lu bè yó.

Kul Nmò 8:3

Yó nmò Sol, sónmoen tendo tô gemlà yó kem tau hemtahu bè Jisas. Tódô keten gónô mebel kul yó kem tau hemtahu bè Jisas, libun duhen ke logi, gotu kenfóen lu, ne suen lu lem blanggù.

Sikaraya 7:10

Bê ye abay hen-gnok yó kem libun bolu ne yó kem ngà hikit, dalang se yó kem tau milo elem blóng ye ne yó kem tau élél. Hol bê ye abay mò atul sidek ebè kem dumu ye.

Amus 5:11

Gel ndà ye yó kem tau élél ne hennagaw ye yó kem ngà nuta le lemwót bè yóm dê hbayad ye kul. Yó gónóm mon là kô ye na a gnô lem yó kem gónô botu alì tilob deng hdà ye. Là se ginum ye du yóm tifas grép lemwót bè yó kem tey tilob gónó ye hmulu kul.

Kem Udél Hlalak Tehe Selumun 22:16

Yóm tau lenugihen yóm tau élél anì temnù kendengenen, baling élél. Senged se kbalingen élél ke bemlay bè yóm tau mdengen.

Kem Lingón 12:5

Yó balà Dwata kul, monen, “Deng tonu yóm alì klunog le yó kem tau laen dù gmò le. Deng gungolu dolong yó kem tau élél hnayam le. Duhen yó, lemwóte naw e lenwà lu, ni se yóm tendo hendeen le béléu.”

Kem Lingón 10:14

Okóm, Dwata, deng tonem se yóm alì kehlayam le tau ne yóm alì kehsidek le kul. Deng eles hendemem ne yóm ktafakem kul. Són uu snalig yó kem tau laen dù gmò le. Uu se gel tmóbóng yó kem ngà hikit.

Sulat Jim 5:6

Deng dnuón ye yó kem tau laen dù salaen bélê ye, ngangen efet ghatay ye lu. Tódô le kem hegbayà bélê ye.

Kul Nmò 18:12

Tikóng deng nmò le gubérnor bè yó bè yóm prubinsya Akiya yóm sotu tau Rom boluyen Galyu, yó nmò yó kem Ju, slomong le, na le e senkfô Pol anì nit le skukum bè yóm gubérnor yó.

Hbakuk 3:14

Kul suk se hatayem kul yó kem tau alì mebetik mundug kum. Yóm kebetik le, hol lómón ke lenos bong. Ofo kul mon du ke mahil gemwa kul yó kem tau Israél.

Amus 4:1

Ni mò hnungol ye, yu kem libun bè Samarya, kem libun alì mabù lómón tô safì alì metlomò bè benwu Basan. Yu se yó kem libun alì hemsidek yó kem tau wen gónó le élél ne hemgnok yó kem tau laen dù gónó le ma. Són yó nmò ye gel dók ye tuha logi ye, gel mon ye, “Budi mit ebélê me yóm mò ninum me.”

Isaya 53:3

Mom yó kmò me du, henwog me ne kenbê me. Tódô henbalahen yóm tey sidek kehlayam me du. Laen kô dù tau móyô temngel ebéléen, là kô dog kenmón me du. Hol lómón kmò me ebéléen lómón ke tau laen dù muhen.

Kem Lingón 10:10

Tódô hgasà yó kem tau laen dù gmò le efet là bud le gebtik. Yakà tey le kemgis yó kem tau mò sidek yó.

Kem Lingón 10:8

Bè yó kem benwu lemnek hmékét le bè lan, hnatay le yó kem tau laen dù salà le. Tendo hnebel mata le yóm tau laen dù gmò le.

Kem Lingón 10:2

Lemwót bè yóm keheklabak yó kem tau mò sidek, yó gónón alì sidek kehegnok le yó kem tau élél. Hol lu hebkóhem bè yóm sidek atul le eta yó kem dumu tau.

Kun Snulat Jan 8:49

Bnalà Jisas se lu, monen, “Laen kô busaw malak do. Tey kadatu ke Mà, okóm bélê ye kuy, balù udì ke nadat ye ou.

Kem Udél Hlalak Tehe Selumun 18:23

Yóm tau élél sal gel mudél hkodu, okóm yóm tau wen kendengenen mom heskong ke malà.

Kem Udél Hlalak Tehe Selumun 22:7

Yóm tau mdengen, knamalen yóm tau élél ne yóm tau mutóng hesek yóm tau hemdóm.