Sulat Jim 2:4 - Udél Dwata: Gna Kesfasad ne Lomi Kesfasad

⁴ Ke lómón yó nmò ye, deng knihu ye kem dumu ye ne. Ilóem kmon ye bong muhen bè Dwata yóm tau wen kendengenen senta yóm tau élél. Deng salà ne kehedem ye bè kem dumu ye ke yó se nmò ye.

Sulat Jim 2:4 Referans Kwoze

Kun Snulat Jan 7:24

Bê ye tódô kendel hendeng kun kmò yóm sotu tau ke là deng hol hennagì ye du. Na ye hol hnénég dé yóm kmoen anì tedeng kmò kehedem ye du.”

Sulat Jim 4:11

Ó kem dumuhu setwoli, bê ye abay gel sentulón kem dumu ye. Ke gel sentulón ye kem dumu ye hemtahu, duhen ke tódô gel hendeng ye kul kmò, hol lómón ke senlón ye ne hen-gnok ye yóm hlau Dwata. Ke ni se nmò ye, sélét mom tô lolò ye ne yóm hlau Dwata. Kéng tô yu mom baling geta senta Dwata.

Malakay 2:9

“Duhen yó, lemwót bè nim deng nmò ye ni, angat heglaanu yu bè solu yóm kdéen tau Israél ne angat kenhisik le yu lemwót bè yóm là kimón ye yóm dou kóyô. Ke gel ye kmukum là tedengen, sal wen nfi ye,” udél Dwata ebè yó kem tau mò blóng tau ebéléen.

Kem Lingón 82:2

Yó udélen ebélê le, monen, “Kmò kegenen de yóm là ktedeng kukum ye. Kmò kegenen de yóm tendo kfi ye yó kem tau gel mò sidek?

Kem Lingón 58:1

Yu kem tau mogot benwu, tedeng kô yóm kkukum ye? Laen dù mtukul nfi ye kô bè yóm gel kkukum ye tau?

Kem Lingón 109:31

Yakà du gel mfi du yóm tau laen dù gónóhen htóbóng mò lemwà du lem hólól yó kem tau tô hmatay du.

Kun Snulat Luk 18:6

Ne bud mon Jisas mò kul, “Hol hendem ye udélen yóm tau hemdeng knukum là tedeng kogoten kukum yó.

Sulat Jim 3:17

Okóm yóm tau ke lemwót bè Dwata yóm ketngónen, laen kô dù belenen. Gel nmoen yóm gónón menek bè kem dumuhen, lelen ganag nawahen ne wen khulungen mit swè. Tey gel knoduhen kem dumuhen ne lelen hyu kmoen ebélê le. Là kô ton tekuy du béléen yóm nawa kmihu ne laen se kô lafinen yóm nawahen.