Sulat Jim 2:3 - Udél Dwata: Gna Kesfasad ne Lomi Kesfasad

³ Ke yó henlom hnódó ye yóm tau tilob nesen, ne mon ye mò du, “Myóni bè ni kóm bè gónón hyu.” Okóm fen mon ye mò yóm tau élél, “Tódói mdà bè yó nii kóm, duhen ke myóni bè nii bè seel klohok tihu.”

Sulat Jim 2:3 Referans Kwoze

2 Kurin 8:9

Deng tngón ye se yóm alì nawahen tekuy yóm gónó tekuy mogot Jisas Krays. Gloken gemtagak yóm tey kun kendengen bè longit na a baling tau élél te tonok. Yó gónón mò du yóm yó anì baling wen kendengen tekuy mlan béléen.

Sulat Jim 2:6

Okóm kuy, là kô nadat ye kul. Fen hegeta ye yóm tau wen kendengenen. Okóm tau du se fen gel hemgnok kuy? Tau du se gel mit kuy ebè yó kem dyad? Hono yó kem tau wen kendengen le.

Sulat Jud 1:16

Yó kem tau tmolok sekban yó koni, sónmò le semlón, sónmò le dmuón kem dumu tau. Kihu knóyô lówó le, tódô nmò le. Gel le hton salù. Ne ke wen knóyô le, tey le hulung mudél anì guta le.

Isaya 65:5

Ne yó mon le mò yó kem dumu tau, ‘Hol bê ye hloni ebélê me abay se wen tulus me, là hyuhen ke getdol ye mi.’ Ya tey sidek kekbéu kul yó kem tau lómón yó. Yóm kebutu kul, hol lómón yóm ofi laen dù tul katayen.” Là gomongen bè nili yóm bérs 6 kól bè bérs 16. Yó tulónen bè ni yóm ktafak Dwata yó kem tau là mimón du. Tey ktabahen kul anì mni le tóbóng béléen okóm là, deng mom hebut le Dwata. Okóm yó kem tau Israél lemwót bè ból Juda ne kem sfu le, angat tey kuyag Dwata kul ne gfun le yóm tonok blayen kul.

Kem Udél Hlalak Tehe Selumun 18:23

Yóm tau élél sal gel mudél hkodu, okóm yóm tau wen kendengenen mom heskong ke malà.

Kun Snulat Luk 23:11

Yó nmò Hirod ne yó kem sendaluhen, mom senflowon le Jisas, lel le hemnê du. Hesek le du yóm nes gel lesek yóm tau hol geta, ne bud heted Hirod Jisas ebè Paylét.

Sulat Jim 2:2

Mò kmoen ke husek lem simbahan ye yóm tau wen kendengenen, tmising blówón, lelen tilob nesen. Ne ke bud wen tau élél husek, laen dù gónón ma, lelen sidek nesen.