Sulat Jim 2:2 - Udél Dwata: Gna Kesfasad ne Lomi Kesfasad

² Mò kmoen ke husek lem simbahan ye yóm tau wen kendengenen, tmising blówón, lelen tilob nesen. Ne ke bud wen tau élél husek, laen dù gónón ma, lelen sidek nesen.

Sulat Jim 2:2 Referans Kwoze

Kun Snulat Luk 15:22

Okóm yóm maen, tódô kendel tnabahen yó kem tau mò nmò béléen, ne monen mò kul, ‘Hetlasik géhél nit ye dou edini yóm nes alì tilob mò lesek nim ngau. Ma ye do tising mò suu bè tdoken, ne tlumfaen.

Istér 8:2

Tódô nlus yóm tau hol geta bè tdoken yóm tisingen, yóm wen ilóen nô du, (yóm tising deng bud nwahen bè Haman) ne oguhen ke Murdikay. Ne ke Istér kun, bud hogoten ke Murdikay se yóm kdê tehe nfun Haman.

Istér 3:10

Tahu se, knotuk yóm tau hol geta yóm atul Haman. Ominen mlus yóm tisingen hdanaen ta yóm udin nmò le mò ilô yóm deng kkotuken du. Ne blayen ke Haman yóm ngà Hamidata, yóm tau semfu gu bè yóm tehe Agag yóm tau alì hohon yó kem Ju.

Tekang Kbuten 27:15

Omin yéen ma yóm nes Iso, yóm nesen alì hyu gel henyuhen bè gónô ne heseken ke Jakub.

Isaya 64:6

Tódô kdê me gotu gemsalà. Igoen se tey hyu yóm gel nmò me ekni, moen se ni du ke mom tles nmò me yóm sidek? Lemwót bè yó kem salà me, hol lómón ke doun mékéng mung holis bè lenos yóm kmò me.

Kun Snulat Luk 23:11

Yó nmò Hirod ne yó kem sendaluhen, mom senflowon le Jisas, lel le hemnê du. Hesek le du yóm nes gel lesek yóm tau hol geta, ne bud heted Hirod Jisas ebè Paylét.

Sulat Jim 2:3

Ke yó henlom hnódó ye yóm tau tilob nesen, ne mon ye mò du, “Myóni bè ni kóm bè gónón hyu.” Okóm fen mon ye mò yóm tau élél, “Tódói mdà bè yó nii kóm, duhen ke myóni bè nii bè seel klohok tihu.”