Sulat Jim 2:16 - Udél Dwata: Gna Kesfasad ne Lomi Kesfasad

¹⁶ tedu se gónón e kól du ke olo ye mon du mò kul, “Kodu ye. Hol lesek ye yóm nes mfól anì là tnaw ye, ne hol ye mken.” Tedu se bang nefeten du yóm mon ye yó ke là dog benlay ye kul yóm wen mu le du?

Sulat Jim 2:16 Referans Kwoze

Sulat Pol Ebè Yó Kem Tau Hemtahu Bè Rom 12:9

Béen olo són te kulit yóm kbong nawa ye kem dumu ye. Hol hegfan ye yóm hol tahu kesbong nawa. Hol knogol ye kdéen sidek. Hol lolò ye yóm hyu.

2 Kurin 8:8

Sundu mon dé ke dóku yu bemlay. Okóm yó dé gónóhu tmulón du kuy yóm kul kegduf bemlay yó kem dumu tau anì wen lan ye hegfan du se kuy ke tahu duhen yóm kuy kbong nawa.

Matyu 15:32

Omin Jisas tmaba ebè yó kem gel lemolò du, ne monen mò kul, “Tey klayuk nawahu kul ni kem tau ni. Deng tlu kdaw le ni ne nô béléu bè ni, laen kô dù bud ken le. Ne là se móyóe tódô hulék kul là mken, kô lenmek le gu bè lan.”

Matyu 25:35

Abay se bè yóm tehe kbitilu, tódô henken ye ou. Ne bè yóm tehe kleengu, tódô hinum ye ou. Ne bè yóm tehe kilohu, tey khódó ye do.

Matyu 25:36

Bè yóm tehe klaen dù nesu, wen blay ye do mò nesu. Ne bè yóm tehe kwen desu, tey gel kesgifà ye do. Ne bè yóm tehe knóu lem blanggù, tódô gel nauy ye ou.’

Mark 5:34

Mon Jisas se mò du, “Yó ne, Lenibun, bè yóm kehtahuhem béléu, yó se gónón mkó yóm desem. Tu ne, muléki. Dwata he henek nawahem. Laen dù bud sfuhen ne yóm desem.”