Sulat Jim 2:12 - Udél Dwata: Gna Kesfasad ne Lomi Kesfasad

¹² Yó gónóm mon, hegfan ye bè kestulón ye ne bè kekdol ye yóm kimón ye du yóm hlau lemwà kuy gu lem salà. Angat knukum Dwata yu hlanen bè yóm hlau bè kesbong nawa.

Sulat Jim 2:12 Referans Kwoze

Sulat Jim 1:25

Okóm yóm tau sónmoen gel hemnagì du yóm hlau Dwata, yóm hlau mò hegewà du, ne kesok nimónen ne là klifóten du yóm deng gungolen, tey któbóng Dwata du yóm tau yó bè ket nmoen.

Sulat Jim 2:8

Tey hyu ke nimón ye yóm hlolò Dwata yó kem tau nogoten, duhen yóm sotu hlau nô lem Sulaten, yóm monen, “Kenbong nawahem kem dumum lómón kbong nawam yóm kóm knô.”Okóm ke kmihu ye lemwót bè yóm gel ton ta, salà se yó. Ne lemwót bè kulé ye du yóm hlau yó koni, yó se gónó ye megtuled.

Kulasi 3:17

Duhen yó, bè ket nmò ye duhen ket benkó ye, hol na ye na hlan bè boluy yóm gónó tekuy mogot Jisas. Bud béléen snéen gónó ye hlan du yóm kdóyón ye ke Dwata yóm Mà tekuy.

Flipay 4:8

Ni mò sónu du bélê ye, kem dumuhu setwoli. Yake hol sù ye lem hendem ye dé yóm hyu, ne yóm knóón bang dóyón. Tey hyu ke són gel hendem ye yóm tahu ne yóm tedeng ne yóm mólós, ne yóm minggel ne yóm knóón nadat.

Kun Snulat Luk 4:18

“Deng nô béléu yóm kun Tulus Dwata, abay se deng néléken o mò fen hetngón du bè yó kem tau élél yóm Tulón Hyu lemwót gu béléen. Deng hógówen ou ebè yó kem tau deng nfét mò fen hetngón du kul yóm lan le gewà. Hógówen o ebè yó kem tau butô anì bud le mton, ne ebè yó kem tau hen-gnok anì gewà le.

Kun Snulat Jan 8:32

Ne angat tngón ye se yóm ktahuhen. Ne yóm ktahuhen yó, yó se hewà kuy bè yóm gónó ye ghesek.”

Glasya 6:2

Hol tnóbóng ye kem dumu ye ke wen alì blat bélê le se kul. Ke yó se nmò ye, deng glolò ye ne yóm kun hlau Krays.