Sulat Jim 2:1 - Udél Dwata: Gna Kesfasad ne Lomi Kesfasad

¹ Ó kem dumuhu setwoli, ke deng ye hemtahu bè yóm gónó tekuy mogot Jisas Krays, yóm gónó mogot hol geta bè kdéen, yake béen abay mtukul tau gel hnódó ye.

Sulat Jim 2:1 Referans Kwoze

Kem Udél Hlalak Tehe Selumun 24:23

Yó kem tau hulung hedem mon du ni kem ni: Là kóen hyu yóm tau kmukum ke mtukul nfihen.

Sulat Jim 2:9

Okóm ke kmihu ye lemwót bè yóm gel ton ta, salà se yó. Ne lemwót bè kulé ye du yóm hlau yó koni, yó se gónó ye megtuled.

Hlolò 19:15

Ke wen knukum ye, hol nfi ye yóm tahu ne yóm tedeng. Bê ye nfi yóm tau élél ke là tahuhen yóm ndaen. Ne bê ye abay nfi se yóm tau wen boluyen ke là tahuhen se yóm kun ndà.

Kem Udél Hlalak Tehe Selumun 28:21

Là kóen hyu yóm tau kmukum ke mtukul nfihen, okóm wen se tau mahil kmoen du yóm là tedengen baluen ke olon udì blay du.

2 Tutul Israél 19:7

Dwata dé hol knikò ye, ne hol ten-gama ye yóm nmò ye, abay se bè Dwata kun yóm Dwata hol gónó tekuy mogot, là kóen móyô du yóm kukum là tedengen, ne ke wen nfi ye, ne ke wen gel nwa ye mò wa nawa ye.”

Sulat Jim 3:17

Okóm yóm tau ke lemwót bè Dwata yóm ketngónen, laen kô dù belenen. Gel nmoen yóm gónón menek bè kem dumuhen, lelen ganag nawahen ne wen khulungen mit swè. Tey gel knoduhen kem dumuhen ne lelen hyu kmoen ebélê le. Là kô ton tekuy du béléen yóm nawa kmihu ne laen se kô lafinen yóm nawahen.

Sulat Jim 2:3

Ke yó henlom hnódó ye yóm tau tilob nesen, ne mon ye mò du, “Myóni bè ni kóm bè gónón hyu.” Okóm fen mon ye mò yóm tau élél, “Tódói mdà bè yó nii kóm, duhen ke myóni bè nii bè seel klohok tihu.”

Sulat Jud 1:16

Yó kem tau tmolok sekban yó koni, sónmò le semlón, sónmò le dmuón kem dumu tau. Kihu knóyô lówó le, tódô nmò le. Gel le hton salù. Ne ke wen knóyô le, tey le hulung mudél anì guta le.

1 Timuti 5:21

Gungol Dwata ni kem monu mò kóm ni, ne gungol Krays Jisas se kun, dalang se yó kem hógów Dwata nô bè longit. Hol nulitem ni kem hlolou kóm ni, ne béen mtukul henlom nawam.

Matyu 22:16

Yó nmò le, wen tau dók le ebéléen, hono kem tau gel lemolò kul, ne wen se bélê le kem kun tau Hirod. Timbow le kól bè Jisas, mon le mò du, “Ó Sér, tódô tngón me sal gel tahu yóm gel tulónem bè yóm kun kóyô Dwata bè tau. Ne laen dù klikoem tmulón du, abay se laen dù tau mtukul henlom nawahem.

1 Kurin 2:8

Nim ketngón Dwata ni, là kô glileb le du kul yó kem tau mogot benwu nim kmoen ni. Ke deng glileb le, là kô htutuk le du bè kros yóm gónó tekuy mogot tehe lemwót gu bè longit.

Deng Hegfan 14:12

Yó gónóm mon, yake hol le hfulung hbala yó kem tau Dwata. Lu se yó kem tau mimón du yó kem kun hlau Dwata, ne teneb le bè Jisas.

Taytus 2:13

Ni se hol nmò tekuy yóm igò tekuy semsangat du yóm kdaw hendón nefet nawa te, duhen yóm kdaw kesfuléken edini Jisas Krays, yóm Dwata tekuy, yóm deng lemwà tekuy gu lem hatay. Angat hol gfan bè yóm kdaw yó yóm alì kegetahen.

Kul Nmò 20:21

Yó gel monu mò yó kem Ju dalang se yó kem tau là Ju le, monu, ‘Hol ye hegsel ne knogol ye ne yó kem sidek gel nmò ye, beklil ye ebè Dwata ne, ne hemtahu ye bè Jisas, yóm hol gónó mogot.’

2 Pitér 1:1

Bud ou se Simun Pitér gónón lemwót nim sulat ni, yóm sotu gel tóbóng lówó Jisas Krays, yóm gel hógówen. Bude smulat ebélê ye yu kem tau deng hemtahu bè Jisas Krays, yóm Dwata tekuy, yóm deng lemwà tekuy gu lem hatay. Lemwót bè yóm ktedeng nawahen, yó gónón hembaling kuy tau hemtahu béléen hol lómón yóm tehe kehbalingen kum tau hemtahu béléen.

Taytus 1:1

Ou Pol gónón lemwót nim sulat ni, sotu tau tóbóng lówó Dwata, ne yóm fen gel hógów Jisas Krays. Deng néléken ou mò hógówen anì metnù kehtahu yó kem tau deng kun nélék Dwata, ne anì tngón le ktahuhen yóm deng hentahu tekuy.

1 Timuti 1:19

Hol hgemelem kehtahuhem, ne béem abay nmò blóngem ebè Dwata. Nim monu ni, deng wen se kem tau gmafang du, ne yó gónón hlós lana kehtahu le.

Kulasi 1:4

Yakà deng gungol me yóm kehtahu ye bè Krays Jisas ne yóm kbong nawa ye yó kem kun tau Dwata.

Hibru 1:3

Yóm kun kegeta Dwata, deng hol tódô tahu gfan bè yóm Ngaen yó. Yóm kun kmò Dwata, yó se kun kmò yóm Ngaen. Du fen mkem du yóm kdê nmoen hlanen bè yóm udélen alì mfasang. Timbow kogol yóm tehe kkóhen salà kdéen tau, tódô mulék ebè longit, ne myón fi bè kwanan yóm Dwata alì mfasang bè kdéen.

Sulat Pol Ebè Yó Kem Tau Hemtahu Bè Rom 1:11

Tey kóyóu tô hol ston kuy anì wen lanu temgel kuy anì lemnok ye bè kehtahu ye.

Kul Nmò 24:24

Sotu kdaw bè yó, bud mógów ebè yó Gubérnor Filik, mung du tuha libunen boluyen Jusila. Libun Ju se kun nim Jusila ni. Omin Filik hangay ke Pol anì hnungol le yóm tulónen bè yóm kehtahu bè Krays Jisas.

Kul Nmò 7:2

Omin Stéfén malà du, monen, “Yu kem dumuhu setwoli ne kem mau, hol hnungol ye nim tulónu kuy ni. Yóm hanà tehe yu he ekni, tódô hegfan ebè yóm fù tekuy Abraham yóm Dwata hol geta bè kdéen. Bè yóm kudél Dwata ebéléen yó, tolo nô bè Misuputamya he Abraham, là dengen mili ebè Haran.

Kul Nmò 10:34

Ne mon Pitér se, “Tey, ni he hol kdengen ketngónu du yóm Dwata, laen kô dù knihuhen.

Hibru 12:2

Bê tekuy kó mata dé yóm Jisas. Du se hol lewóten yóm kehtahu tekuy, ne bud du se hol nefeten. Tódô henbalahen yóm tehe ktutuk le du bè kros. Bè ktahuhen, lemwót bè yóm kligal hendón nangaten, là dog suen du bè nawahen yóm tey kyaken bè yóm katayen yó. Ne nim kmoen ni, fen myón fi bè kwanan Dwata ditu bè longit.

Sulat Jim 1:16

Yó gónóm mon, hol bê ye abay hegtondo knô, kem dumuhu sogot nawa, là kô snindilen kem tau kun yóm Dwata.

Sulat Jim 1:19

Ni mò hendem ye, kem dumuhu sogot nawa. Yake hol ye hulung hmungol, yóm ket kuy na sotu. Bê ye tódô fà mudél, ne bê ye gel mahil lembut.