Sulat Jim 1:9 - Udél Dwata: Gna Kesfasad ne Lomi Kesfasad

⁹ Yóm tau élél hemtahu bè Jisas yake hol hligal, yakà deng hegeta Dwata du.

Sulat Jim 1:9 Referans Kwoze

Kem Udél Hlalak Tehe Selumun 19:1

Mom hyu he yóm tau élél laen dù kéngen senta yóm tau book ne gel mò kéng.

2 Kurin 6:10

Baluen ke wen gónón gel blat nawa me, sal gel wen gónó me hligal snéen. Tey me élél se kum, okóm lemwót bè yóm ktolok me tey dê tau gemwa du yóm kendengen laen dù tul sónen. Laen dù kwa me se kum, okóm tódô gotu gfun me kdéen.

Deng Hegfan 2:9

“Deng tngónu se yóm alì keglayam ye lemwót bè yóm klolò ye do. Ne tngónu se yóm tey kélél ye, okóm lemwót bè kehtahu ye, wen tey kendengen ye. Ne tngónu se yóm alì gel ksidek kbak le ebélê ye yó kem tau snalig le yóm ktau le Ju. Okóm sundu kem dou tau du yó kem tau yó, hono kem tau nfun Seitan.

Kun Snulat Luk 1:52

Gotu kóhen glal yó kem tau hol geta mogot benwu, ne tles hegetahen yó kem tau glaan.

Kem Udél Hlalak Tehe Selumun 17:5

Yóm tau sendekaen yóm tau élél, tnondohen yóm Dwata deng tehe mò kul ne yóm tau hnigalen yóm glumfak sut bè dumun tau, là kô lugun Dwata du là tnafak.

Kem Lingón 62:9

Kewóten bè yóm tau hol geta kól bè yóm tau hol glaan, laen kô dù mu le. Ke tnimbangem lu, mo le mom maan senta nawa.

Flipay 3:14

Yó gónóm mon, tódô henktengu yóm dou klóy efet gutahu yóm ofol blay Dwata do, duhen yóm klowil bè longit, yóm tehe tabahen dou hlanen bè Krays Jisas.

Flipay 3:3

Bè ktahuhen, tekuy se yóm tau wen tahu ilóen, là kô lu du. Abay se tekuy se yó kem tau gel hloni bè Dwata hlanen bè Tulusen. Tekuy se yóm alì hligal lemwót bè yóm deng kessotu tekuy bè Krays Jisas. Là bud snalig tekuy du ne yó kem gel hlolò tau mò lan tekuy gewà gu lem hatay.

Sulat Pol Ebè Yó Kem Tau Hemtahu Bè Rom 8:17

Lemwót bè yóm deng kngaen tekuy yó, yó se gónó tekuy gmuta du yó kem hyu angat blayen bè yó kem ngaen. Angat tekuy gomong bè yó kem hyu angat blayen ke Krays snéen. Ke wen gónó tekuy glayam ni kmoen ni lemwót bè klolò tekuy ke Krays, angat tekuy bud mung béléen snéen bè yóm tey kegetahen hulin kdaw.

Kun Snulat Luk 10:20

Okóm,” monen, “bê ye mom kat alì hnigal se yóm deng kimón le kuy yó kem busaw. Yó dé hol hnigal ye, yóm boluy ye deng snulat Dwata bè longit.”

Kun Snulat Luk 9:48

ne monen mò kul, “Ke wen tau hmódó nim ngà nii mlan bè dou boluy, lómón ke ou yóm hnódóhen. Ne yóm hmódó do, lómón ke hnódóhen snéen tum hógów do. Yakà yóm alì heglaan bélê ye, yó se yóm hol geta.”

1 Samwél 2:8

Nkayen gu lem kfung yó kem tau élél, nwahen lu gu desenfól yó kem tau laen dù kwa le. Suen lu bè gónó le myón yó kem ngà tau hol geta, bè yóm gónó le myón yó kem tau nadat. Yakà ke Dwata du funen yó kem tud blóngón tonok ne tahen gónón hyón du yóm klamang benwu.

1 Pitér 2:9

Okóm yu kem tau deng hemtahu béléen, deng nélék Dwata yu mò hol kun tau. Yu se yóm henged demsù ebéléen. Yu se kem tau hol kun nogot, kem tau hol nfunen. Deng néléken yu anì hol heglalag ye bè klamangen yóm tey hyu deng nmoen bélê ye. Deng tnabahen yu igò ye tolo nô lem gónón kmifu anì mili ye ebéléen bè tum gónón alì lemayag.

Kun Snulat Luk 14:11

Yó se tau hegetahen knóen, angat heglaan Dwata. Okóm yóm tau heglaanen knóen, angat hegeta Dwata.”