Sulat Jim 1:6 - Udél Dwata: Gna Kesfasad ne Lomi Kesfasad

⁶ Syan ke hol hentahuhem yóm kbalà Dwata du yóm hnihem yó, béem abay hegewu nawam. Ke gel megewu nawahen yóm tau, hol lómón yóm lewók mohin, tódô gel gmung glulid bè lenos.

Sulat Jim 1:6 Referans Kwoze

Hibru 11:6

Ke là hemtahuhen yóm tau, là kô gbeken hefligal ke Dwata. Ke wen tau tô hloni ebéléen, là gbeken du ke là hentahuhen du yóm kwen Dwata, ne yóm kwen ofol blayen bè yó kem tau hloni ebéléen.

Ifisus 4:14

Ke deng tekuy gulit, là bud tekuy mkél bè knawa ngà ne, gel le mahil gmung. Lemwót bè kgulit tekuy, là mahil tekuy gmung bè yó kem tau tmolok sekban. Gel nit le hetlas yó kem tau lemwót bè yóm khulung le smukat.

Hibru 10:23

Hol bê tekuy abay tnagaw nawa yóm hendón nefet nawa tekuy, yakà deng tehe fasad Dwata du nim ni, ne là kô tenlesen du hendemen.

Hibru 13:9

Bê ye abay gmung bè yó kem tolok sekban, kô niten yu hetlas bè yóm tahu lan. Laen kô dumu hembegel du yóm kehtahu tekuy, tek són yóm kun tóbóng Dwata. Là kóen lemwót bè yóm dê hlii le tekuy bè ken. Yó kem tau lemolò du yóm yó, balù udì ke wen tóbóngen kul bè yóm kehtahu le.

1 Timuti 2:8

Sok ye gel stifun bè simbahan, kóyóu ke logi yóm fen mni, syan ke logi deng hogoten ke Dwata klowilen, ne laen dù tlek lenbuten, ne laen dù gónón seglius bè kem dumuhen.

2 Pitér 2:17

Yó kem tau tmolok sekban yó, hol le mkél bè yóm kokol deng kti, duhen ke yóm lobun mung hfolis bè lenos, bà setlek él ke hebtangen. Deng wen ne yóm alì gónón kmifu deng eles hetfing Dwata bélê le.

Tekang Kbuten 49:4

Okóm hol lómón ke uu yóm dunuk là gbek hemseng du. Là budi lemyu senta yó kem twolihem lemwót bè yóm kugetem yóm sotu libun nmuhu, deng mom henyakem maem.

Matyu 14:28

Hebkó se ke Pitér, monen, “Ó Sér, ke tahu uu se yó, hógówem o edyó kun ta él.”

Kul Nmò 10:20

Mnauli ebélê le, ne béem hegewu nawam mung kul, yakà ou du yóm hógów kul edini.”

Sulat Jim 1:7

Ke lómón yó yóm tau, ke gel megewu kehedemen, ne ke mahil mili nawahen, lugihen tô hemdem du ke bnalà yóm gónón mogot yóm hnihen.

Sulat Jim 5:15

Ke hol snalig le Dwata bè yóm kni le béléen yó, mkó se yóm desen ne bud hfulék Dwata yóm kehyu klówóhen. Ke deng wen salà tehe nmoen, hnifót Dwata.