Sulat Jim 1:27 - Udél Dwata: Gna Kesfasad ne Lomi Kesfasad

²⁷ Yóm tahu kehtahu hol kun henmóyô Dwata, yóm Mà tekuy, duhen yóm hol któbóng yó kem ngà hikit ne yó kem libun bolu bè yóm gónó le glayam. Ne ke gel tensuhen yó kem sidek gel nmò tau lem benwu.

Sulat Jim 1:27 Referans Kwoze

Sulat Pol Ebè Yó Kem Tau Hemtahu Bè Rom 12:2

Bê ye abay lolò kul kmò yó kem tau là hemtahu le lem nim benwu ni. Hesfili ye ke Dwata yóm kehedem ye anì gtukul ye ke tedu yóm kun kóyô bélê ye, ne ke tedu yóm hyu ne yóm tedeng ne yóm mò gónón hligal.

Sulat Jim 4:4

Tey tau mili nawa yóm yu. Là tngón ye du kô, ke són nô bè nawa tau yóm kenbeyen nawa talak tonok, deng baling hohon Dwata ne? Ke són yó se nóyóen, mom hnohonen Dwata.

1 Timuti 5:4

Bede ke wen ngà le duhen ke bé le, yó se mò temdof kul, mò towok liteg yê le kul ne bé le. Ni se sotu hol hlolò Dwata yó kem tau deng hemtahu béléen. Ke ni se gel nmò le, tey bong hyu kegnóm Dwata du.

Kem Lingón 119:1

Hligal le kul yó kem tau laen dù belen le, yó kem tau lemolò du yóm hlau Dwata.

1 Timuti 1:5

Yó hol muhen nim hlolou kóm ni anì wen yóm kesbong le nawa lemwót bè yóm klaen dù belenen yóm nawa le, ne yóm klaen dù blóng le ebè Dwata, ne hol tahu duhen yóm kehtahu le.

Kun Snulat Luk 1:6

Tey tedeng kton Dwata kul yóm lewu le, ne tey gulit klolò le du yó kem hlau Dwata.

Kem Lingón 68:5

Du se mà yó kem ngà hikit, ne du se gel mofin yó kem libun bolu. Yó se yóm kun kmò Dwata, tey mólós yóm gónóhen nô.

Matyu 5:8

Tey kehyuhen bélê le kul yó kem tau ke laen dù belenen yóm kehedem le, abay se angat ton le Dwata.

Isaya 1:23

Yó kem tau malak kóm hono tau kmogol ke Dwata, swè le bè yó kem tau mnagaw. Sal gel henmóyô le yóm filak gel blay le kul mò wa nawa le dalang se yó kem dumu gel blay le kul. Ke wen senkukum le, là kô nfi le kul yó kem ngà hikit ne là kô hnungol le du ke wen klamo yó kem libun bolu.

1 Jan 5:18

Deng tngón tekuy se ke deng baling ngà Dwata yóm tau, là kô senflósen du mò salà, abay se yóm Ngà Dwata fen tendo kemlung du, ne laen dù bud gmò Seitan béléen.

Sulat Jim 3:17

Okóm yóm tau ke lemwót bè Dwata yóm ketngónen, laen kô dù belenen. Gel nmoen yóm gónón menek bè kem dumuhen, lelen ganag nawahen ne wen khulungen mit swè. Tey gel knoduhen kem dumuhen ne lelen hyu kmoen ebélê le. Là kô ton tekuy du béléen yóm nawa kmihu ne laen se kô lafinen yóm nawahen.

Glasya 6:14

Okóm béléu dou, tek sotu yóm saluu, són yóm katay Jisas Krays bè kros yóm gónó tekuy mogot. Lemwót bè yóm katayen yó, là kô bud gwiten dou ne yóm dê kenbeyen talak tonok ne là kóe bud gfét du snéen.

Glasya 1:4

Yóm Krays, deng tódô hamaen yóm kun klowil bè salà tekuy anì wen lan tekuy gewà gu lem yó kem sidek gel nmò yó kem tau là hemtahuhen ni kmoen ni. Bè yóm katayen yó, tódô nmungen yóm kun kóyô Dwata, yóm Mà tekuy.

Glasya 5:6

Ke deng me ssotu bè Krays Jisas, laen kô muhen bélê me kum yóm htulì. Senged se ke wen, duhen ke là. Yó dé bong muhen bè Dwata, ke deng hol gfan bè yóm kesbong me nawa yóm kehtahu me.

Kem Lingón 146:9

Bud nofinen lu snéen yó kem tólóng tau menwu lem blóng tekuy. Tendo tnóbóngen yó kem libun bolu ne yó kem ngà hikit. Okóm yó kem tau gel mò sidek, fen hensideken kógów klowil le.

Matyu 12:32

Ne hnifót Dwata yóm tau ke sidek kbaken ebè yóm Ngà Tau. Okóm là kô hnifóten du ke sidek kbaken ebè yóm Tulus Dwata. Ke yó nmò yóm tau, laen kô tul kkóhen tahen yóm salaen yó.”

Sulat Pol Ebè Yó Kem Tau Hemtahu Bè Rom 2:13

Là kô bè ketngón tau yóm hlau gónón tedeng kton Dwata kul, okóm bè kimón le du gónón tedeng ktonen kul.

Glasya 3:11

Deng hónô tngón tekuy, balù sotu bè yó kem tau lemolò yóm hlau Musis ke tedeng kton Dwata kul, abay se deng monen bè Sulat Dwata, monen, “Tek sotu gónón tedeng kton Dwata du yóm tau, són bè kehtahuhen. Bud bè yó snéen gónón gmuta du yóm klowil laen dù sónen.”Là kô bè kehtahu du yóm klolò tau du yóm hlau Musis. Lómón se yóm monen bè Sulat Dwata, “Song gutahen yóm klowil laen dù sónen yóm tau, ke tódô gotu loloen kdéen nô lem yóm hlau Musis.”

Ifisus 2:2

Bè yóm kdaw yó, tódô lolò ye yóm sidek kul gel nmò yó kem tau là hemtahuhen bè Dwata. Tódô nimón ye Seitan, yóm gónó le kmulu yóm kdéen mtulus gu talak kmawang. Bud du se yóm gel malak yó kem tau là mimón ke Dwata.

Taytus 2:12

Lemwót bè yóm tey nawahen yó, bê kuy bud nmò yóm kun kenbê bélê tekuy. Bê te abay geskét du yó kem gel kenbeyen nawa lem nim benwu ni. Hfulung te mit yóm kut ktau, hebtol te knawa te, ne nmò te yóm gónó te gulit ebè Dwata.

Sulat Jim 3:9

Bè sumóng tekuy gónón lemwót yóm kdóyón tekuy yóm gónó tekuy mogot, yóm Mà tekuy. Ne bud bè sumóng se gónón lemwót yóm gel kehtolo tekuy kem dumu tau, igò Dwata deng mò du yóm tau, ne heskélen bè kun knô.

2 Pitér 1:4

Ni se gónón dohò yóm tehe fasaden tekuy, duhen yóm kun tóbóng alì hyu. Ne lemwót bè yóm kun tóbóng yó, gónó tekuy gewà du yó kem dê sidek knóyô tau te tonok, yóm gbeken hemsidek ktau tekuy. Ne bud lemwót bè kun tóbóng, yó gónó tekuy gomong bè yóm kun kehyu kmò Dwata.

2 Pitér 2:20

Wen se kem tau deng tebel le yó kem tehe nmò le sidek lan le temngón yóm gónó tekuy mogot Jisas Krays, yóm deng lemwà tekuy gu lem hatay. Okóm sentahen bè yó, mom bud senfulék le yóm sidek tehe gónó le gfét. Ke yó nmò le, milud he yóm kegfét le du. Deng mom ni ne yóm ksideken senta yóm là deng kehtahu le.

2 Pitér 3:14

Ke ni se yóm sensangat tekuy yu kem weu, hol tilów ye són gel ye mkó du ke wen belenen yóm gel nmò ye anì laen dù duón Dwata kuy sok kól, ne anì wen kenek nawa ye.