Sulat Jim 1:26 - Udél Dwata: Gna Kesfasad ne Lomi Kesfasad

²⁶ Ke wen tau hemdem du deng tey bong kun kehtahu bè Dwata, okóm ke là gafasen du ksumóngen, laen dù muhen yóm tô kehtahuhen yó, olon tmondo knóen.

Sulat Jim 1:26 Referans Kwoze

Ifisus 4:29

Béen sidek kbak tekuy. Són yó dé olo mon tekuy yóm hyu, són yóm udél wen gónón gemtóbóng kem dumu tekuy, yóm udél hol gemduf kul, mò gónó le dmalang. Yó dé olo benkó tekuy yóm udél wen muhen bè yó kem tau hmungol tekuy.

Kem Lingón 141:3

Hol bnenteyem kmò kudélu, Dwata, ne nafasem do ksumóngu.

1 Pitér 3:10

Hol lómón yóm monen bè Sulat Dwata, yóm monen, “Yóm tau ke nóyóen yóm kehyu klowilen ne yóm kwen kligalen, yake nafasen ksumóngen, ne béen abay tmulón kéng.

Ifisus 5:4

Ne là kóen knóón bè kun tau Dwata ke là mólós ksumóngen. Bê tekuy nmò yóm kudél là madat, ne yóm hlowon sidek. Yake yóm udél gónón megdóyón Dwata yóm gel btang bè sumóng tekuy.

Kem Udél Hlalak Tehe Selumun 19:1

Mom hyu he yóm tau élél laen dù kéngen senta yóm tau book ne gel mò kéng.

Kem Lingón 34:13

Ke yó se sen-galu nawa ye, hol béen sidek kebkó ye, ne bê ye abay tmulón kéng.

Kem Udél Hlalak Tehe Selumun 10:31

Yóm kudél yóm tau tedeng kmoen gónón gfan yóm khulungen hedem, okóm yóm tau mò tulón seblékê heglaen knóen.

Kem Udél Hlalak Tehe Selumun 10:19

Là gbeken du ke laen salà du yóm alì kwenen yóm udél, okóm yóm tau hulung hedem là katen mudél.

Kulasi 4:6

Hol gel hninggel ye kmò kestulón ye bélê le anì wen gónó le beyen hmungol kuy. Hol tekuy hfulung malà kul ke wen snólók le.

Sulat Jim 1:22

Bê ye abay olo hmungol du yóm Udél Dwata, yake hol nimón ye. Kesok là nimón ye du olo ye tmondo knô ye.

Sulat Jim 1:19

Ni mò hendem ye, kem dumuhu sogot nawa. Yake hol ye hulung hmungol, yóm ket kuy na sotu. Bê ye tódô fà mudél, ne bê ye gel mahil lembut.

Kem Udél Hlalak Tehe Selumun 16:25

Wen se atul lómón tô tedeng bè kehedem tau du, okóm yó sónen hatay.

Kun Snulat Luk 8:18

Yó gónóm mon, hol ten-gama ye dé kmò khungol ye. Abay se yóm tau deng wen gwahen, angat tendo bud gel tennù Dwata béléen yóm gwahen yó. Okóm yóm tau là suen du lem hendemen yóm deng gungolen, balù yóm udì deng tehe gna tngónen, angat tódô bud kó Dwata béléen. Ofo kun hemdem du ke deng wen gwahen, okóm laen duen.”

Glasya 6:3

Ke yó hendem yóm sotu tau hono hyu yóm gel nmoen, olohen mom tmundug knóen yóm tau yó.

Kem Udél Hlalak Tehe Selumun 14:12

Wen se atul lómón ke tedeng bè kehedem tau du okóm yó sónen hatay.

Glasya 2:6

Timbow gungol yó kem tau gel malak bè yó, bà udì ke wen tnù le du. Uma kóm yó kem tau yó, laen kô dù gónón stólóng béléu ke tau malak duhen ke là, abay se yóm Dwata, là knukumen du yóm olon gfan ta.

Mark 7:7

Laen dù muhen yóm ktaba le ebéléu, abay se yóm hlau tolok le, tódô lenbù nmò tau, okóm yóm ktolok le du, hol lómón ke dou hlau.’

Isaya 44:20

Yóm nmoen yóm tau yó, lómón ke mken kohù laen dù gónón mowil du. Ungel nmoen yóm yó, olon tmondo knóen. Laen dù lanem tmóbóng du yóm tau yó. Là kô dilóen du yóm koyu lennged nogoten, sundu tahu dwata du.

Kem Udél Hlalak Tehe Selumun 21:26

Yóm tau lemfu són ófô yóm tendo nô bè nawahen, okóm yóm tau tedeng kmoen là kóen segafas keblayen.

1 Kurin 15:2

Bè ni sem Tulón Hyu deng hetngónu kuy gónó ye gewà gu lem hatay ke hol mbegel yóm kehtahu ye. Okóm ke hnuda ye, olon dô nô te kulit yóm kehtahu ye du bè kbuten.

Matyu 15:9

Laen kô dù muhen yóm gel ktaba le ebéléu, abay se són hlau lenbù nmò tau yóm gel tolok le, okóm bè ktolok le du, hol lómón ke hlau lemwót béléu.’ ”

Malakay 3:14

“Yó sidek gel mon ye, ‘Laen dù muhen yóm lemolò ke Dwata. Tedu de bang guta tekuy du yóm gel kimón tekuy yó kem kun hlau tekuy? Tedu de bang guta tekuy du se yóm kehegfan tekuy du béléen yóm ksidek kegnóm tekuy du bè yóm kegsalà tekuy?

Isaya 1:13

Laen kô dù ofol ye du yó kem gel nwit ye ebéléu yó. Tey keklitu du yóm insinsu gel ntem ye gel hboo ye ebéléu. Ne tey kekbéu du snéen yóm gel kestifun ye tmaba ebéléu bè ksut yóm Lomi Bulón ne bè yó kem Kdaw Kehegnô ne bè yó kem dumu kdaw ye gel stifun tmaba ebéléu. Yó gónóhu kembê du yóm kdéen ni abay se là kô tenflok ye du yóm kmò ye sidek.

1 Kurin 15:15

Là olohen yó du, ilóem dô hono kéng yóm gel tolok me kuy lemwót bè Dwata, abay se gel mon me deng hlowil Dwata yóm Krays. Okóm ke tahu se yóm gel mon le yó yóm là klowil Dwata du yó kem tau matay, ilóem là deng hlowilen ke Krays he kun.

Kem Udél Hlalak Tehe Selumun 16:10

Lemwót bè Dwata yóm kun kudél yóm tau hol geta ne laen kô salà du yóm kun kkukum.

Kem Udél Hlalak Tehe Selumun 15:2

Lemwót bè yóm kun kudél yóm tau hulung hedem gónón lemwót mahil dmalang du yóm ketngón, okóm yóm tau book laen kô muhen yóm kun udél legas.

Kem Lingón 32:9

Béi hungel mkél bè kudà, song mimón benklil ke wen kakangen.”

Sulat Jim 2:20

Nungeli. Kéng yóm kehtahuhen ke là gfanen bè yóm gel któbóngen kem dumuhen.

Glasya 3:4

Yóm kdê deng gel glan ye lemwót bè yóm deng kehtahu ye, laen dù bud muhen bélê ye ne kô? Kaem wen.

Glasya 2:9

Yó kem tau fen gel malak bè yó, le Jim ne Pitér ne Jan, dilô le se kul yóm deng kwen sigang Dwata tahu. Omin le mkem lem hólól me lewu me Barnabas mò ilô yóm deng kessotu me bè yóm kmò me nmò bè Krays. Ne deng gotu senkotuk me snéen yóm kehlós me tmolok lem blóng yó kem là Ju le lewu me Barnabas, ne lu se fen tmolok lem blóng yó kem Ju.

1 Kurin 3:18

Bê ye tnondo knô ye. Laen kô gónón e kól yóm tau snaligen yóm kun ketngón. Ke wen sotu bélê ye hendemen tey bong tngónen bè yóm ketngón tau te tonok, hol béen abay tódô dò yóm ketngónen yó. Mom hyu he yóm tau ke laen dù tngónen anì là gsengen ebéléen yóm tahu ketngón lemwót bè Dwata.