Sulat Jim 1:19 - Udél Dwata: Gna Kesfasad ne Lomi Kesfasad

¹⁹ Ni mò hendem ye, kem dumuhu sogot nawa. Yake hol ye hulung hmungol, yóm ket kuy na sotu. Bê ye tódô fà mudél, ne bê ye gel mahil lembut.

Sulat Jim 1:19 Referans Kwoze

Kem Udél Hlalak Tehe Selumun 17:27

Yóm tau temngón hulung mafas kudélen ne yóm tau là mahilen lembut wen khulungen temnef.

Kem Udél Hlalak Tehe Selumun 21:23

Yóm tau eles gel nabungen kudélen yó se hlayuk du bè yó kem gfà.

Kem Udél Hlalak Tehe Selumun 14:29

Yóm tau là mahilen lembut tey hulung temnef, okóm yóm tau sunget mahil gemsalà.

Kem Udél Hlalak Tehe Selumun 10:19

Là gbeken du ke laen salà du yóm alì kwenen yóm udél, okóm yóm tau hulung hedem là katen mudél.

Kem Udél Hlalak Tehe Selumun 18:13

Yóm tau là nan na hmungol ne kendel gel semlok yó se kmò yóm tau book ne henyaken kun knô.

Kem Udél Hlalak Tehe Selumun 13:3

Nabungen klowilen yóm tau eles hendemen kudélen ne yóm tau tódô óyóen bemkó yóm udél sidek hensideken knóen.

Kem Udél Hlalak Tehe Selumun 16:32

Mom hyu he yóm tau là mahilen lembut senta yóm tau hulung mit sfatay ne hyu he yóm tau hulung mafas nawa senta yóm tau mled benwu bong.

Ifisus 4:26

Ke wen lenbut ye, ten-gama ye anì là gwiten kuy mò salà. Bê ye hkól bè kesdef kdaw yóm kebut ye,

Kem Udél Hlalak Tehe Selumun 15:18

Yóm tau sunget són moen mit sbólów bè kem dumu tau, okóm yóm tau là mahilen lembut fen gel senfyuhen yó kem tau sbólów.

Kulasi 3:8

Okóm ni, gotu kó tekuy kdéen sidek. Kó tekuy ne yóm kesefebut ne yóm ksunget ne yóm ksutó nawa. Hol bê tekuy abay hebtang bè sumóng te yóm udél semdekà, ne yóm udél là mólósen.

Ifisus 4:31

Gotu kó ye yóm ksidek knawa ye bè kem dumu ye, ne yóm sidek knóyô lówó, ne yóm ksukeg nawa. Hol bê ye abay bud gel sefetê ne semdekà. Kó ye lem hendem ye yóm kessutó nawa.

Kem Udél Hlalak Tehe Selumun 18:21

Wen se udél tau gónó mowil ne wen se udél gónó matay ne bud gutahen se bungu yóm udélen.

Kulasi 3:15

Wen yóm kenek nawa deng blay Krays. Nim kenek nawa ni mò gónó tekuy milô du yóm kun kóyô bélê tekuy Dwata. Yakà ni du gónón tmaba kut anì wen kenek nawa tekuy yóm kdê tekuy mò lówóhen. Ne hol gel dóyón tekuy dé Dwata.

Kem Udél Hlalak Tehe Selumun 19:11

Yóm khulung tau hedem bemlay du kanay nawa, ke gemsalà le béléen yó kem dumu tau tódô hnifóten, yó se gónón megdóyón.

Kem Udél Hlalak Tehe Selumun 15:2

Lemwót bè yóm kun kudél yóm tau hulung hedem gónón lemwót mahil dmalang du yóm ketngón, okóm yóm tau book laen kô muhen yóm kun udél legas.

Kem Udél Hlalak Tehe Selumun 25:28

Yóm tau là gbeken mafas nawan laen dù gmoen, lómón ke yóm benwu bong laen dù labat hilolen tódô mngal bè hohonen.

Kem Udél Hlalak Tehe Selumun 14:17

Yóm tau sunget tey mahil kmoen ungel ne yóm tau hulung matul mò du yóm sidek knutó nawa kem dumun.

Matyu 5:22

Okóm ni dou tulón kuy, yóm tau ke lenbuten kem dumuhen, angat nwit le bè kukum. Yóm tau ke monen bè yóm dumuhen, ‘Laen dù muhem tau kóm,’ angat nwit le ebè yóm tau gel hemdeng knukum yóm tau yó. Ne yóm tau ke monen bè yóm dumun, ‘Nungeli. Laen dù muhem tau,’ deng golu elem lanaw ofi ne yóm tau mudél yó.

Kem Udél Hlalak Tehe Selumun 17:14

Yóm kbut yóm kesbólów hol lómón ke gónón msut yóm busung él, yó gónóm mon eles nseng anì là lembéten.

Sulat Jim 1:26

Ke wen tau hemdem du deng tey bong kun kehtahu bè Dwata, okóm ke là gafasen du ksumóngen, laen dù muhen yóm tô kehtahuhen yó, olon tmondo knóen.

1 Tisalunika 2:13

Bud sotu gónó me tendo gel dmóyón ke Dwata snéen. Bè yóm tehe kwit me ebélê ye yóm tulón lemwót bè Dwata, bè yóm kungol ye du tódô kendel henmóyô ye, ne tódô dilô ye hol tahu kun udél Dwata, là kô olo udél tau du. Ne tahu se yó. Ne lemwót bè udélen wen gel nmò Dwata bélê ye yu kem tau deng hemtahu.

Nihimaya 9:17

Là móyô le hmungol, gotu klifót le yó kem dê hentaw ton deng tehe nmoem lem blóng le. Deng kenbê le uu, deng le mom mélék tau mò malak kul mulék ghesek bè Idyip. Okóm uu se yóm Dwata hulung hmifót, tey minggel nawam ne tey bong nawam yó kem tauhem, là kói mahil lembut. Tey kkoduhem kul yó kem tauhem, là kô nam e tódô bayà kul.

Kul Nmò 17:11

Tey le móyô dmalang yó kem tau bè yó bè Beriya senta yó kem tau bè Tisalunika. Tey tilob khungol le du yóm tulón Pol, ne gel hennagì le yóm Udél Dwata ket kdaw anì ton le ke tahu yóm gel tulón Pol kul.

Kun Snulat Luk 19:48

Okóm laen dù lan le gemhatay du, bà mon se yóm tey tau wen gel hmungol yóm ktoloken, ne tey kehteneb le hemklingu du yóm gel tulónen.

Mark 2:2

Ya tey dê tau bud stifun ebéléen, tódô hnok lem gónô efet laen dog dù gónó le nô yó kem dumu, balù bè lewaen. Ne ominen tmolok kul yóm Udél Dwata.

Kem Udél Hlalak Tehe Selumun 19:19

Yóm tau sunget yake tódô du mayad salaen abay se ke fen bnayadem béléen tenmónen mò du.

Kul Nmò 10:33

Yó gónón wen tau kendel hógówu edyó,” mon Kurnilyus, “mò na a mangay kóm, ne tey hyu nim ksutem dini ni. Ne ton Dwata se yóm kestifun me mangat kóm ni anì hnungol me yóm tulón hwiten kóm elem blóng me.”

Kul Nmò 2:42

Tódô nbuten bè yó, sónmò le gel htolok bè yó kem hógów Jisas. Tódô le gotu segbót bè yó kem dumu le hemtahu, ne gotu le slomong snéen bè yóm kmò le du yóm ken hemtulón nawa yóm katay Jisas. Dalang se bè yóm gel kni le bè Dwata, gotu le segmung.

Kun Snulat Luk 15:1

Sotu kdaw bè yó, tey dê tau gel mtuk bwis ne yó kem dumu tau gemsalà sembung ke Jisas na a hmungol yóm ktoloken.

Nihimaya 9:3

Wen dô tlu udas kegen le mdà bè yó ne wen fen semfala du lem blóng le yóm hlau Dwata yóm sana kul Dwata hol gónó mogot. Ne bud tlu uras le se kegen le bemkas du yó kem salà le ne sbol dóyón le Dwata yóm sana kul Dwata hol gónó mogot.

1 Jan 2:21

Sundu mon dé ke yó gónóhu smulat ebélê ye ke là deng tngón ye du yóm ktahuhen. Okóm yó gónóhu smulat, abay se deng tngón ye, ne deng tngón ye snéen laen kô dù kéng ke tmowok gu bè yóm tahu.

Kul Nmò 13:48

Timbow gungol yó kem tau là Ju le yóm tulón le Pol yó, ya tey kehligal le, ne tey kdóyón le ke Dwata bè yóm udélen. Ne kdê yó kem tau tehe olu Dwata eta le yóm klowil laen dù sónen, gotu le hemtahu.

Mark 12:37

Yóm Misaya myón bè kwanan Dwata yó, yó kboluy Dabid du ‘Gónóhu mogot.’ Tedu se tô kmò klanen du ke mom du yóm bud semfu gu bè Dabid?” Ya tey kbeyen le hmungol ke Jisas yó kem tey tau wen deng sbung bè yó.

Nihimaya 8:18

Tódô lemwót bè yóm tanay kdaw kmò le du yóm kehligal le yó efet kól bè kdengen, tódô ket kdaw Isra tendo semfala du lem blóng le yóm Hlau Dwata. Hitu kdaw le kegen le mò du yóm kehligal le yó. Ne bè yóm gwoluhen kdaw bud le stifun mò sónen, tódô lolò le yóm monen lem yóm Hlau Dwata.

Lista 22:27

Bè yóm bud kton yóm asnu du yóm hógów Dwata yó, tódô lemfen bè tonok. Botong là bud gafas Balaam du nawan ne yó gónón bud mfes du tuged yóm asnuhen yó.

Kem Udél Hlalak Tehe Selumun 29:20

Mom hyu he yóm tau book senta yóm tau tódô faen mudél là nan hendem du.

Kul Nmò 1:15

Bud sotu kdaw bè yó, gotu le stifun yó kem tau hemtahu, wen dô lematu bud lewu folò kwen le.

Sulat Jim 1:2

Ó kem dumuhu setwoli, ke sok sut yó kem mgel bè klowil ye, tódô ye kem hligal du ne.

Sulat Jim 1:16

Yó gónóm mon, hol bê ye abay hegtondo knô, kem dumuhu sogot nawa, là kô snindilen kem tau kun yóm Dwata.

Sulat Jim 2:1

Ó kem dumuhu setwoli, ke deng ye hemtahu bè yóm gónó tekuy mogot Jisas Krays, yóm gónó mogot hol geta bè kdéen, yake béen abay mtukul tau gel hnódó ye.

Sulat Jim 2:5

Ni hol hnungol ye, kem dumuhu sogot nawa. Mom monem yó ne kem tau élél lem nim benwu ni yóm nélék Dwata mò baling mdengen bè kehtahu le, ne gmung le bè yó kem tau nogoten, yakà yó du yóm deng tehe fasaden bè yó kem tau kembong nawa du.

Sulat Jim 3:10

Tek sotu sumóng se gónón mlan yóm udél dmóyón ke Dwata ne yóm udél hemtolo dumu tau. Là kóen hyu yóm yó, kem dumuhu setwoli.

Sulat Jim 4:11

Ó kem dumuhu setwoli, bê ye abay gel sentulón kem dumu ye. Ke gel sentulón ye kem dumu ye hemtahu, duhen ke tódô gel hendeng ye kul kmò, hol lómón ke senlón ye ne hen-gnok ye yóm hlau Dwata. Ke ni se nmò ye, sélét mom tô lolò ye ne yóm hlau Dwata. Kéng tô yu mom baling geta senta Dwata.

Sulat Jim 5:12

Nim sotu hlolou kuy ni, tey bong muhen bè kdéen, kem dumuhu setwoli. Ke wen senfasad ye, bê ye gel safà longit duhen ke tonok ne ke wen dumu gónó ye smafà. Ke tahu se, tódô monem tahu. Ne ke là tahuhen, tódô monem là. Ke ni se nmò ye, là kô tnafak Dwata kuy.

Sulat Jim 5:19

Kem dumuhu setwoli, ke wen bélê ye deng hetlas bè yóm tahu tolok, tey hyu ke wen dumu tau bud tmóbóng du semfulék ebè Dwata.

Job 32:16

Tódóe mangat ne kô igò le là bud mudél se kul? Ngem tódô le mdà bè yó laen dù bud udél le.