Sulat Jim 1:15 - Udél Dwata: Gna Kesfasad ne Lomi Kesfasad

¹⁵ Ngangen hembeyen du efet gmoen, ne yó gónón baling salà. Ne ke henlelen mò salà yóm tau, yó se mit du elem hatay laen dù sónen.

Sulat Jim 1:15 Referans Kwoze

Kem Lingón 7:14

Yó kem tau mò sidek, deng eles natul le yóm sidek nmò le. Natul le yóm kmò kesbeweg le tau, ne són smukat nmò le.

Tekang Kbuten 2:17

Okóm béem abay ken yóm bungu koyu gónóm temngón du yóm hyu ne yóm sidek. Ke sok kenem yóm bunguhen tódói matay.”

Isaya 59:4

Gel ye skukum, okóm là kô ndà ye du yóm kukum tedeng mom snalig ye yóm kéng anì gemmò ye. Tey mahil bélê ye mò du bè kem dumu tau yóm sidek gel natul ye.

Tekang Kbuten 3:6

Timbow henklol hnunu yóm libun yóm koyu yó, tey minggel ktonen du ne hendemen dô hyu mken du bunguhen, lelen hemdem du tey hyu ke baling temngón. Yó gónón wen nwahen bè yó kem bunguhen ne kenen. Ominen wen blayen ke tuha logihen ne kenen se kun.

Matyu 26:14

Kogolen bè yó, lemwót Judas Iskariyut, sotu bè yó kem sfolò lewu gel lemolò ke Jisas, tódô mógów etu bè tu kem geta bè yó kem gel demsù ebè Dwata.

Kem Lingón 9:17

Angat le mógów elem hatay yóm kdê tau mò sidek, yó kem tau bè dumu benwu deng kembê ke Dwata.

2 Samwél 11:4

Omin Dabid mdók kem tau anì na le e nangay. Tahu se, mung kul, ne sentungô Dabid. (Blaem lomi hólós Batsiba knóen, abay se lomi wen hen-gifaten.) Ominen mulék.

Kem Udél Hlalak Tehe Selumun 11:19

Tahà ktauhen yóm tau sal gel nmoen yóm ktedengen, okóm yóm tau són moen mò sidek hukolen ktauhen.

Isaya 33:11

Yóm kdê gel natul ye ne kdê yó kem gel nmò ye, hono laen dù gónón e kól. Yóm dou Tulus, hol lómón ke ofi mò gemlà kuy.

Matyu 5:28

Okóm ni dou tulón kuy, balù bè olo ketngelem ebè yóm libun ke wen óyóem du gu lem, deng timbang snamukem ne, abay se deng deng bè yóm kehedemem du.

Sulat Jim 1:14

Okóm yó gónón gsindil yóm tau ke henbeyenen yóm kun knóyô là hyuhen.

Sulat Jim 1:18

Deng tódô lemwót bè kun kóyô yóm kehbalingen tekuy kem kun ngà mlan bè kdilô tekuy du yóm ktahu yóm kun udél. Henbalingen tekuy kem ngaen anì lemyu tekuy senta yó kem dumu tehe dlimunen.