Sulat Jim 1:11 - Udél Dwata: Gna Kesfasad ne Lomi Kesfasad

¹¹ Ke mékét etahen nóng kdaw, deng sana menes, ne tódô tbó bulóken, là bud tonem du ne ktiloben. Lómón se yó ne kmò yó kem tau wen kendengen le, kendel le matay igò le tolo tô mebel mò tnuen yóm kendengen le.

Sulat Jim 1:11 Referans Kwoze

Mark 4:6

Timbow sut kdaw bè yóm deng ktowoken, tódô kendel menes, abay se là holen ngelem dolilen.

Matyu 13:6

Okóm timbow sut kdaw bè yóm deng ktowoken, tódô kendel menes, abay se monem là holen ngelem dolilen.

1 Pitér 5:4

Ne ke bud semfulék edini Jisas, yóm semgyok ubiha hol geta bè kdéen, wen tey ofol blayen kuy, yóm ofol là kóen monol yóm alì kehyuhen.

1 Pitér 1:4

Bud nangat tekuy snéen yóm tey hyu fan Dwata bè yó kem kun tau ditu bè longit. Laen kô dù hemsidek du yóm fanen tekuy yó, ne laen se kô dù belenen sidek, ne là se monolen yóm tey kehyuhen.

1 Kurin 7:31

Béen són bè yóm gutahen lem benwu ni gónón nô nawan yóm tau, abay se angat gesón nim benwu ni, mung du yóm kdéen nô tahen.

Kem Lingón 102:4

Hol lómó kegnómu du, lómón yóm bnes deng menes, là kóen bud mnóm nawahu mken.

Isaya 49:10

Laen dù bud angat gónó le bitil ne laen kô dù bud gónó le meeng. Balù yóm alì sidek kkinien bè yóm benwu là hyu menwu du, là kô gehsideken kul abay se eles nalaken lu yóm kembong nawa kul. Angat gel nalaken lu ebè yó kem tbul él.

Isaya 28:4

Yóm alì któtól le, angat hlós menes efet là bud tngónem du. Hol lómón yóm bungu koyu gna mélél, wen gna ma du mò ken ne là bud tngónem du ne.

Isaya 28:1

Tey kamaen yóm benwu Israél, deng golu elem hatay ne. Deng menes ne yóm któtólen lómón kenes yóm bulók gel suub le bè kulu yóm tau gel malak kul, yó kem tau sónmò le gel hlengel. Tey keheklabak le. Wen tey tilob hboo gel sù le bè kulu le, okóm tódô le kem masà bè yó tey sidek klengel le, là bud le temngón.

Kem Lingón 102:11

Yóm klowilu, hol lómón ke yóm olung móyón kifu mahil lana, mkéle bè yóm bnes deng menes.

Kem Lingón 37:2

Là kóen tahà klowil le yó kem tau yó. Mkél le bè bnes, mahil le menes. Lómón kenes le yóm hulu laen dù élen, hlós le matay.

Kem Lingón 39:6

Yóm igoen mowil te tonok yóm tau, hol lómón ke yóm olung. Tey kmoen nmò yóm tau, laen sem gónón e kól. Tey kendengen gel sentifunen, bede là tngónen du yóm tau angat mamà du.

Kem Lingón 90:6

tilob ktowoken hyu wen bulóken. Timbow kifu bè yó deng sana menes.

Kem Lingón 103:15

Yóm klowil tekuy te tonok, mkél bè yó kem bnes. Ne lómón yó kem bulók lem bnes tek likot le mowil sana le matay.

Matyu 6:30

Là kóen tahà se kul klowil yó kem bulók, olo le sut nim kdaw ni, ne bud le menes elem haya, ne tódô bot lu elem ofi. Ke minggel kmò Dwata kul yó kem bulók balù yóm tey kukol klowil le, mom milud he knesen kuy. Tey udì kehtahu ye nim yu.

Matyu 20:12

mon le mò du, ‘Yó kem tau huli sut yó, là dengen legen he yóm kul kmò nmò, hanà tek sotu uras le. Blaem nim kum, deng sendaw me ni ne htanggas bè nóng kdaw, tódô kóem gotu hsengedem sukéy me.’

2 Samwél 22:46

Balù udì ke wen bud klóbô le, tódô setbol kkel le igò le hewà bè yóm gónó le gel heklung.