Sulat Jim 1:10 - Udél Dwata: Gna Kesfasad ne Lomi Kesfasad

¹⁰ Ne yó kem tau hemtahu bè Jisas bong kendengen le, yake hol le hligal, yakà deng heglaan Dwata kul. Abay se yóm klowil le yó kem tau wen kendengen le yó, là kóen té, lómón yóm bulók lem bnes, là kóen legen ktonem du.

Sulat Jim 1:10 Referans Kwoze

1 Pitér 1:24

Lómón se yóm monen bè Sulat Dwata, yóm monen, “Là kóen té kun yóm klowil tau, hol lómón ke bnes. Ne yóm któtól yóm tau, lómón ke bulók lem bnes. Mahil menes yóm bnes, ne mahil mifù yóm bulók.

1 Jan 2:17

Wen sónen nim benwu ni, dalang se yóm kdéen kenbeyen nawa nô lemen. Yóm tau gel mò yóm kun kóyô Dwata, laen kô dù tul sónen yóm kun klowil.

Job 14:2

Mahil me lemnok ne mahil me se matay lómón yó kem bulók, mahil le menes. Mahil me lana lómón yóm klahil klana yóm olung lobun.

1 Timuti 6:17

Hol hgefetem ebè yó kem tau wen kendengen le, bê le abay hton salù, ne bê le gentud nawa yóm kendengen le, abay se là tngón le du ke gfu. Dwata dé gentud nawa le, yakà béléen du gónón lemwót yóm kdéen, ne sal gel mtungan yóm blayen tekuy mò gónó tekuy hligal.

Matyu 5:3

“Tey kehyuhen bélê le kul yó kem tau ke dilô le yóm kwen gónó le élél bè kehtahu le, abay se deng le sana gmung ne bè yó kem tau nogot Dwata.

1 Kurin 7:31

Béen són bè yóm gutahen lem benwu ni gónón nô nawan yóm tau, abay se angat gesón nim benwu ni, mung du yóm kdéen nô tahen.

Kem Lingón 103:15

Yóm klowil tekuy te tonok, mkél bè yó kem bnes. Ne lómón yó kem bulók lem bnes tek likot le mowil sana le matay.

Sulat Jim 4:14

Hatan monem he ke deng tonem. Yakem eles tngónem yóm elem haya. Le hilu he kegenen mowil tau. Lómón ke kebel, tek likóten mbel, sana bud tódô kmanas.

Matyu 6:30

Là kóen tahà se kul klowil yó kem bulók, olo le sut nim kdaw ni, ne bud le menes elem haya, ne tódô bot lu elem ofi. Ke minggel kmò Dwata kul yó kem bulók balù yóm tey kukol klowil le, mom milud he knesen kuy. Tey udì kehtahu ye nim yu.

Isaya 66:2

Ou se deng mò du yóm longit ne tonok ne kdéen ton. Okóm tey kehyu nawahu bélê le yó kem tau heglaan béléu ne hegsel bè salà le, yó kem tau wen klikò le do ne mimón do.” Là gomongen bè nili yóm bérs 3 efet kól bè 24. Htulón Dwata ke Isaya yóm tey kehyuhen bè yó kem tau mimón yó kem udélen. Okóm bè yó kem tau là mimón du, yó udél Dwata gbak ebélê le bè bérs 4, monen, “Angat wen tey hlayam hwitu ebélê le, duhen kdê yó kem gel knikò le. Abay se bè yóm ktabahu, là tnimul le do. Soke mudél, là hnungol le do. Tey kmò le salà igou temngel kul. Deng mom nmò le yó kem deng tngón le alì kenbéu.” Duhen yó, bè yóm kdaw kehgulék Dwata klowil yó kem tauhen ne yóm tonoken, tódô segeng bè yóm kdaw khéét kkukumen yó kem tau là hemtahuhen ne yó kem tau là mimón du bè klamang benwu. Kesok kól yóm kdaw bud kehgulék Dwata yóm benwu Jirusalim ne yóm nan e bud kwit kul mulék yó kem tauhen mò nô bè yó, tódô mekto yóm kmoen du ne wen tilob ofol blayen kul. Gotu hógów Dwata yó kem kun tau ebè yó kem benwu là deng gmungol du yóm kun boluy, yó kem là deng mton yóm kun keklóón. Mon Dwata bè bérs 19, “Gotu hetngón le yóm dou keklóón ebè kdê but tau.” Bè són nim tsapter ni tulónen yóm fasad Dwata bè yó kem kun tau. Monen bè bérs 22, “Yóm klaen tul sónen yóm lomi longit ne tonok, lómón yó se klaen dù sónen yóm ktauhu kuy, ne là se kóen lana yóm kuy boluy.”

Isaya 40:6

Bud wen tmaba, yó utóm tum tabahen, monen, “Hol heglalagem dé.” Monu se, “Tedu de heglalagu?” Monen se, “Yó heglalagem, là kóen té yóm klowil tau, hol lómón ke bnes mahil le menes. Ne hol lómón ke bulók lem bnes, mahil le mifù.

Flipay 3:8

Là sónen du yóm monu yó koni yóm tebelu. Deng gotu tebelu snéen yóm kentihen tehe gel lolou anì gutahu yóm alì bong muhen senta le, duhen yóm ketngónu ke Krays Jisas yóm gónóhu mogot. Lemwót bè yóm ketngónu du, tódô gotu tebelu ne yóm gna lolou, hol lómón ke desenfól kehedemu kul anì duhe kóm, hol tngónu Krays,

Isaya 57:15

Ou se yóm Dwata hol geta yóm Dwata laen dù belenen yóm hlós mowil laen kô dù tul sónen. Nóe bè yóm hol gónón geta ne hol gónón mólós. Okóm bude nô bè yó kem tau heglaan le knô le ne gel hen-gsel le salà le anì bud huléku ebélê le yóm kgel nawa le do ne anì wen nefet nawa le elem hulin kdaw.

Kem Lingón 102:11

Yóm klowilu, hol lómón ke yóm olung móyón kifu mahil lana, mkéle bè yóm bnes deng menes.

Kem Lingón 37:2

Là kóen tahà klowil le yó kem tau yó. Mkél le bè bnes, mahil le menes. Lómón kenes le yóm hulu laen dù élen, hlós le matay.

Kem Lingón 39:6

Yóm igoen mowil te tonok yóm tau, hol lómón ke yóm olung. Tey kmoen nmò yóm tau, laen sem gónón e kól. Tey kendengen gel sentifunen, bede là tngónen du yóm tau angat mamà du.

Isaya 40:7

Mahil menes yóm bnes ne mahil mifù yó kem bulók ke wen lenos hayuf Dwata ebélê le. Hol lómón yó se yóm klowil tau, là kóen té.