Sulat Jim 1:1 - Udél Dwata: Gna Kesfasad ne Lomi Kesfasad

¹ Ou se Jim gónón gu lemwót nim sulat ni. Ou se sotu tóbóng lówó Dwata ne yóm gónó tekuy mogot Jisas Krays. Smulate ebè yóm kdéen tau Dwata deng sekla bè klamangen benwu.

Sulat Jim 1:1 Referans Kwoze

1 Pitér 1:1

Ou Pitér gónón lemwót nim sulat ni. Ou sotu bè yó kem gel hógów Jisas Krays. Smulate ebélê ye yu kem tau deng nélék Dwata deng gotu mlóy sekla ebè yó kem prubinsya boluy le Pontus ne Glasya ne Kapadusya ne bè Asya ne bè Bitinya.

Kun Snulat Jan 7:35

Ne stulón le són lu yó kem tau wen glalen bè yó kem Ju, mon le, “Tedu gónón e tô solu tau ni du ke là bud tô ton tekuy du? Déke mógów elem blóng tu kem dumu tekuy Ju sekla menwu lem blóng tu kem Grik. Déke mom tmolok bè tu kem Grik.

Kul Nmò 8:1

Wen se kem tau ngelem kehtahu le bè Dwata ne tilob klolò le yó kem hlau Musis, lu fen lembeng ke Stéfén ne tey klangag le du snéen. Okóm ke Sol kun, tey kehyu nawahen bè yóm khatay le ke Stéfén. Tódô kewóten bè yóm kdaw yó, sónmò le tendo hemsidek kul yó kem tau hemtahu bè Jisas bè Jirusalim. Gotu le sekla mlóy gu bè Jirusalim yó kem tau hemtahu bè Jisas, mlóy le etu bè klamangen prubinsya Judiya ne klamangen Samarya. Són yó kem sfolò lewu tehe nélék Jisas tagak bè Jirusalim.

Kul Nmò 26:7

Bud ni snéen gentud nawa tekuy kem Ju nim kmoen ni. Yó gónó tekuy tendo tmaba ebè Dwata, kemdaw ne kifu. Ni se, Datù, alì duón le dou yó kem dumuhu Ju.

Kul Nmò 15:23

Ne wen sulat hwit le kul etu. Yó monen lem yóm sulat, monen, “Nim sulat ni, lemwót bélê me kem tau tehe nélék Jisas, ne bélê me kem tuha gel malak bè ni, hono kem kuy dumu setwoli. Hwit me ebélê ye yu kem tau là Ju le bè syudad Antyok ne bè prubinsya Sirya ne Silisya, deng tekuy baling setwoli lemwót bè kehtahu tekuy.

Taytus 1:1

Ou Pol gónón lemwót nim sulat ni, sotu tau tóbóng lówó Dwata, ne yóm fen gel hógów Jisas Krays. Deng néléken ou mò hógówen anì metnù kehtahu yó kem tau deng kun nélék Dwata, ne anì tngón le ktahuhen yóm deng hentahu tekuy.

Glasya 2:9

Yó kem tau fen gel malak bè yó, le Jim ne Pitér ne Jan, dilô le se kul yóm deng kwen sigang Dwata tahu. Omin le mkem lem hólól me lewu me Barnabas mò ilô yóm deng kessotu me bè yóm kmò me nmò bè Krays. Ne deng gotu senkotuk me snéen yóm kehlós me tmolok lem blóng yó kem là Ju le lewu me Barnabas, ne lu se fen tmolok lem blóng yó kem Ju.

Kul Nmò 15:13

Kogol yóm kudél le, omin Jim mudél se kun, monen, “Kem dumuhu setwoli, hnungol ye yóm dou tulón kuy.

Dwata 28:64

Angat gotu senkla Dwata yu elem blóng yóm kdê but tau bè klamangen benwu talak tonok. Ne bè yóm knô ye bè yó, angat ye tmaba ebè yó kem dwata kéng nmò le bè koyu ne bè botu, yó kem dwata là deng kuy hnikót tnaba du dalang se yó kem tehe fù ye.

Sulat Pol Ebè Yó Kem Tau Hemtahu Bè Rom 1:1

Ou se Pol yóm smulat ebélê ye ni, yóm sotu tau gel tóbóng lówó Krays Jisas. Deng nélék Dwata ou, ne deng tnabahen o mò gel hógówen mit yóm Tulón Hyu lemwót gu béléen.

Kul Nmò 21:18

Hayahen bè yó, mung kum Pol nan e stulón ke Jim. Gotu le nô bè yó snéen yó kem dumu tuha gel malak yó kem tau hemtahu bè yó.

Kun Snulat Jan 12:26

Yóm tau móyô mimón do,” mon Jisas, “là kô gbeken du ke là loloen do. Balù kihu gónóhu nô, yó se bud kun gónó nô. Angat tey kadat Mà du yóm tau ke nimónen o.”

Matyu 19:28

Mon Jisas se mò kul, “Tódô tulónu kuy ktahuhen, ke deng kól yóm lomi benwu, ne ke deng bangen myón bè yóm gónóhen myón kmamal yóm Ngà Tau, wen snéen gónó ye myón kmamal bè yó, yu kem sfolò lewu gel lemolò do ni. Angat ye fen mogot kukum bè yó kem sfolò lewu bung tau semfu gu bè yóm tehe Israél.

Sulat Jud 1:1

Ou se Jud gónón lemwót nim sulat ni. Ou se yóm sotu tau mò tóbóng lówó Jisas Krays, ne ou se yóm twoli Jim. Smulate ebélê ye yu kem tau deng tehe tnaba Dwata. Tey kbong nawahen kuy Dwata, yóm Mà tekuy bè longit, ne tey gel kofinen kuy Jisas Krays.

2 Pitér 1:1

Bud ou se Simun Pitér gónón lemwót nim sulat ni, yóm sotu gel tóbóng lówó Jisas Krays, yóm gel hógówen. Bude smulat ebélê ye yu kem tau deng hemtahu bè Jisas Krays, yóm Dwata tekuy, yóm deng lemwà tekuy gu lem hatay. Lemwót bè yóm ktedeng nawahen, yó gónón hembaling kuy tau hemtahu béléen hol lómón yóm tehe kehbalingen kum tau hemtahu béléen.

Flipay 1:1

Ou se Pol gónóhen lemwót nim sulat ni, lewu me Timuti, tau me gel tóbóng lówó Krays Jisas. Smulat me ebélê ye yu kem kun tau Dwata bè yó bè syudad Flipay, yóm kdê ye deng baling ssotu bè Krays Jisas. Homong me lemen snéen yó kem tau fen gel malak kuy bè sembahan ye kkólen bè yó kem tau fen tmóbóng kul.

Glasya 2:12

Bè yóm tanay kkólen bè yó, tódô segduf mken bè yó kem tau là Ju le. Timbow sut yó kem tau Ju hógów Jim, hlós là dogen bud hegbool mken bélê le Pitér yó kem tau là Ju le, abay se likò yó kem kun dumu Ju alì megenek klolò le du yó kem hlau Musis.

Glasya 1:19

Laen dù dumu tau tehe hógów Jisas ke tonu bè yó, tek són Jim, twoli yóm gónó tekuy mogot.

Kul Nmò 15:21

Yakà ni du se yó kem hlau Musis tendo gel senfala le bè ket benwu lemwót bè kbuten efet nim kmoen ni. Tódô ket kestifun le bè Kdaw Kehegnô, sal gel wen tmolok du ni kem hlau monu ni.”

Kul Nmò 1:13

Timbow le kól bè Jirusalim, tódô le hlós ebè yóm dfél tofi ta bè yóm gónô gónó le gel mefet. Yó kwen le, Pitér, Jan, Jim, Andru, Filip, Tumas, Bartulumyu ne Matyu. Mung Jim ngà Alfiyus, ne yóm Simun tehe gel mung mofin yóm kul benwu, ne yóm Judas, ngà yóm sotu Jim.

Matyu 13:55

Igoen se du ngà yóm tau gel mò gónô. Ne igò sem Midi du yóm yéen. Ne du se twogu le Jim ne Jusif ne Simun ne Judas.

1 Bok Kem Tau Hol Geta 18:31

Wen sfolò lewu botu nwahen, hningónen yó kem sfolò lewu ngà Jakub logi yóm tau tehe gónó Dwata e mudél, monen mò du, “Israél bud boluyem.”

Dwata 30:3

ominen yó he bud mulék koduhen kuy yóm sana Dwata hol gónó mogot. Angat niten yu mulék gu bè yó kem benwu gónón deng e semkla kuy ne bud huléken ebélê ye yóm kehyu klowil ye.

Kul Nmò 12:17

Omin Pitér mwel sigelen ebélê le anì là kat le hebnes. Ominen gotu tmulón du kul yóm kmò kehewà Dwata du lem blanggù. “Hol tulón ye ke Jim,” mon Pitér, “ne yó kem dumu tekuy hemtahu nim deng kegewau ni.” Ominen tmagak kul bè yó, hlós ebè dumu benwu.

Isra 6:17

Bè yóm kehfun le du ebè Dwata yóm Gónóen, tey kedsù le. Yó kwen safì tudu dsù le, botong lematu ne lewu latu se ubiha logihen ne fat latu ngà ubihahen. Ne sfolò lewu kambing logi dsù le mò hkó salà, ket sotu kambing bè ket ból ngà Israél.

Dwata 4:27

Ke là mimón ye, angat gotu senkla Dwata yu ebè yó kem tólóng benwu ne là holen wen bélê ye bud mowil bè yó kem benwu gónó Dwata e mlo kuy.

Kehewà 24:4

Gotu snulat Musis yó kem kdê hlau Dwata. Hol hlafus hayahen bè yó, wen botu sensodoen mò gónó le demsù ebè Dwata bè yó bè but yóm bulul. Bud wen sfolò lewu botu tmahà hdaen hilolen, ket sotu botu bè ket ból yóm sfolò lewu kem ngà logi yóm tehe Israél.

Deng Hegfan 7:4

Ominen yó tmulón du dou deng wen lematu bud fat folò fat libuhen yóm kwen le yó kem tau deng wen ilô nmò le lem uyó le, hono kem tau semfu gu bè yóm tehe sfolò lewu ngà Israél.

Kul Nmò 2:5

Bè yóm kdaw yó, tey dê kem tau Ju nô bè Jirusalim, hono tau gulit klolò le yó kem hlau Dwata. Tódô kdéen benwu talak tonok gónó le gu lemwót.

Kun Snulat Luk 22:30

Ke deng kól bè yóm dou kogot tau, angat ye seyón dou mken, ne angat ye gotu mogot kukum bè yó kem sfolò lewu but tau semfu gu bè tehe fù tekuy Israél.”

Matyu 10:3

Omin le Filip ne Bartulumyu, ne Tumas, ne Matyu yóm tau gel mtuk bwis. Ne yóm sotu Jim ngà Elfiyus, ne Tediyus,

Istér 3:8

Omin Haman stulón bè yóm tau hol geta, monen, “Wen sotu but tau deng sekla lem nim benwu knamalem ne tódô ket prubinsya gónóm mton kul. Yóm kul lolò là kóen mkél bè kul lolò yó kem dumu tau. Ne sotuhen, là kô nimón le du yó kem udin lem yóm benwu knamalem ni. Yó gónóm mon, là kóen hyu ke tódô bayaem kul nim ni.

2 Timuti 4:21

Holi hgéhél dou edini nim gu laanen là deng bud sidek kdaw. Tey gel kólóm le kuy snéen kul le Yubulus ne Pudin ne Linus ne Klawdya, dalang se kdê yó kem dumu tau hemtahu bè ni.

Kul Nmò 23:26

“Ou Klodyus Lisiyas smulat du nim sulat ni mò hwitu ebéléem, Gubérnor Filik.

Kun Snulat Luk 6:15

Matyu ne Tumas, ne yóm sotu Jim (ngà Alfiyus) ne bud yóm sotu Simun (yóm tau tehe mung mofin yóm kul benwu),

Mark 3:18

Ne Andru ne Filip ne Bartulumyu ne Matyu ne Tumas ne yóm sotu Jim ngà Alfiyus ne Tadiyus ne yóm sotu Simun, yóm tau tehe mung mofin yóm kul benwu

Dwata 32:26

Yó tô hendemu gotu sulék genlau lu anì laen dù bud hemtulón nawa kul.