Sikaraya 9:11 - Udél Dwata: Gna Kesfasad ne Lomi Kesfasad

¹¹ Lemwót bè yóm deng tehe fasadu kuy bè yóm tehe kesfasad tekuy ne lemwót bè yóm litô yóm dsù ye fen hemget du, angat gotu hewau yó kem tau bélê ye deng negef le, lómón kmoen bélê le lómón ke nô le lem tum sol laen dù élen.

Sikaraya 9:11 Referans Kwoze

Kehewà 24:8

Omin Musis ma yóm litô nô lem yó kem tukung ne hetsiken ebè yó kem tau. Yó monen, “Ni se yóm litô mò hemget du yóm deng kesfasad ye Dwata bè yóm deng keblayen du kuy yóm kdê hlauhen kuy.”

Isaya 42:7

Angat htonem yó kem butô ne angat hewaem yó kem tau geblanggù lem yóm gónón kmifu.

1 Kurin 11:25

Timbow deng kken le, ominen ma yóm tgayan gónón nô yóm ninum le, ne monen mò kul, “Nim ninum ni, hol hnigaden yóm lomi fasad nmò Dwata mò lan ye ebéléen, dou litô mò hemget du. Bè ket kinum ye du nim ni, hol gel hentulón ye ou nawa.”

Matyu 26:28

Ni se dou litô mò hemget du yóm deng fasad Dwata bè kem kun tau. Ne tey dê tau gónón gamà nim litóu ni mò lan Dwata hmifót salà le.

Hibru 10:29

Milud he kegtafaken yóm tau ke deng kenbéen yóm Ngà Dwata, ne ke deng kenféen yóm litóen tehe hamaen béléen mò hkó salaen, ne ke sendekaen yóm Tulus Dwata, yóm tmóbóng du. Wen hol mdengen duón Dwata du yóm tau yó, ne tey sidek ktafaken du.

Isaya 61:1

Yóm Dwata hol dandónen geta gónóhu mogot, deng suen béléu yóm Tulusen. Deng néléken ou ne hógówen ou mò mit yóm tulón hyu bè yó kem tau élél ne mò hemyu nawa yó kem tau deng lebà nawa le ne mò fen heglalag du bè yó kem tau negef ne bè yó kem tau blanggù yóm kegewà le.

Isaya 49:9

Yó udélu ebè yó kem tau geblanggù, monu mò kul, ‘Hewà ye ne.’ Ne yó kem tau nô bè gónón kmifu, yó bud monu mò kul, ‘Hewà ye ebè layag ne.’ Kehlingónu kul bè yóm deng kegewà le, lómón ke ubiha mótób bè talak bilil.

Kem Lingón 69:33

Yóm Dwata, gel hnungolen yó kem tau élél gel htóbóng béléen, ne là kô klifóten kul yó kem kun tau deng geblanggù.

Kem Lingón 40:2

Ktengen ou lem yóm tey sidek gónóhu gebeng, lómón ke denge geblos elem yóm helek lebu. Yó nmoen béléu, lómón ke nkayen ou eta yóm tey botu bong, ominen yó he mgel kegnómu du.

Mark 14:24

Yó monen, “Ni se dou litô mò hemget du yóm fasad nmò Dwata mò lan tau mógów ebéléen. Ne tey tau wen gónóhen gamà nim litóu ni.

Kun Snulat Luk 22:20

Timbow deng kken le, ominen bud ma yóm ninum le, monen mò kul, “Nim bud hinumu kuy ni, hnigaden yóm lomi fasad nmò Dwata bélê ye. Yó hemget du, duhen yóm dou litô angat gamà bélê ye.

Isaya 58:12

Angat yu bud hemdà kul yó kem deng tehe gbà gna, bud hdà ye ta yó kem tehe mò begelen. Yó angat boluy le kuy, kem tau bud hemgulék hemdà yó kem beng syudad deng tehe gbà ne bud hemgulék hemdà yó kem gónô tehe gbà.”

Kem Lingón 30:3

anì là hlóse elem lebeng. Deng bud hlowilem ou, Dwata, anì là hlóse elem hatay.

Dwata 5:31

Okóm kóm, budi mulék ebéléu bè ni, naw na gotu tulón kóm yóm kdê hlauhu kul ne yó kem hlolou kul. Tolokem yóm kdéen tau Israél anì yó, nimón le sok le nô ta yóm tonok blayu kul.’ Tu se,” mon Musis, “yóm tehe udél Dwata ebéléu.

Hibru 13:20

Deng hlowil Dwata yóm gónó tekuy mogot Jisas. Lemwót bè yóm katayen bélê tekuy yó, hol lómón ke du yóm hol geta bè yó kem semgyok ubiha, ne tekuy se yóm hol sen-gyoken. Yóm litô hamaen bélê tekuy, yó se hol hemget du yóm lomi lan nmò Dwata mò lan tau ebéléen, ne laen kô sónen yóm lan nmoen yó. Yó hem Dwata gónón lemwót yóm kenek nawa tekuy hol tmóbóng kuy anì gbek ye mò du yóm kun kóyô. Ne bud du se hembaling tekuy kem tau mò hol hefligal du hlanen bè Jisas Krays. Hol bê tekuy abay nmò sónen yóm kdóyón tekuy ke Krays.

Kun Snulat Luk 4:18

“Deng nô béléu yóm kun Tulus Dwata, abay se deng néléken o mò fen hetngón du bè yó kem tau élél yóm Tulón Hyu lemwót gu béléen. Deng hógówen ou ebè yó kem tau deng nfét mò fen hetngón du kul yóm lan le gewà. Hógówen o ebè yó kem tau butô anì bud le mton, ne ebè yó kem tau hen-gnok anì gewà le.

Isaya 42:22

Okóm ni, deng wen tau megef kul yó kem kun tau, gotu nwa le kimu le. Wen se bélê le deng knukub le lem sol nelem, wen se bélê le bnos le gónó le kmukub kul. Gotu negef le kimu le ne laen kô dù tau tmóbóng kul.

Jirimaya 38:6

Tahu se, nwa le Jirimaya ne omin le mfét du, hloyol le elem yóm sol tehe hokol Malkiya mò gónó le hemyu él. Nim Malkiya ni sotu ngà yóm tau hol geta bélê le. Yóm sol yó, nô talak lósól gónô bong yóm tau hol geta bélê le bè yóm gónóhen nô yóm tau gel mentey bè yó. Laen dù élen tódô hono hitok, botong gebeng lemen Jirimaya.

Deng Hegfan 20:3

ne tódô tudaen elem tum sol leyóng. Ominen yó bud tmikeb du ne kendaduhen, ne wen ilô nmoen tahen anì là gekà le du. Yó gónóhen bmanggù ke Seitan anì là bud gsukaten kul yó kem tau bè klamangen benwu efet kdeng yóm lemibu halay. Okóm kogol yóm lemibu halay yó, na le bud hliwà likót.

Danyél 2:29

Bè yóm igoem hlilil, yó hendemem yóm kmò yóm sut elem hulin kdaw ne yóm Dwata hulung hegfan du yóm gebnos, hegfanen béléem yóm angat msut elem hulin kdaw.

2 Tutul Israél 7:17

Ke béléem kóm, ke hol loloem ou lómón yóm tehe kun klolò dou maem, ne ke tendo nimónem yó kem dou hlau ne yó kem dumu dou hlolò kóm,

2 Samwél 13:13

Tedu se uyó tô bud hegfanu bè kem tau du? Lemwót kóm angat tnaba le uu hol nungel bong bè klamang Israél. Yake stulóni bè tau hol geta anì hyehenen uu béléu.”

Kun Snulat Luk 16:24

Ne tmaba ebè Abraham yóm tau tehe wen kendengenen yó, monen, ‘Ó Fù Abraham, hol knoduhem ou. Dókem do edini Lasarus anì nan e hentdak dou él lem baku, bà mon se tey keglayamu bè nim ofi gónóhu nô ni.’

Hibru 10:2

Ke deng mimot mkó ta le yó kem salà le lemwót bè yóm gel kedsù le, là kô wen bud hendeen dsù le elem hulin kdaw ne, abay se laen dù salà bud hemblat kul.

Job 33:30

Sal gel lenwaen lu bè benwu yó kem tau deng matay ne bud gel hlayagen klowil le.