Sikaraya 8:9 - Udél Dwata: Gna Kesfasad ne Lomi Kesfasad

⁹ Ni se bud udél yóm Dwata laen dù là gbeken du, monen, Hol ye hekgis mò nmò anì deng yóm dou Gónô. Deng hónô gungol ye udél le ebélê ye yó kem tugodu bè yóm tehe kmò ye yóm mò hembegel yóm dou Gónô.

Sikaraya 8:9 Referans Kwoze

Isaya 35:4

Hol mon ye bè yó kem tau wen kensidek nawa le, “Hgel ye nawa ye dé, bê ye abay bud hlikò. Móyónen kól ne Dwata nan e lenwà yu ne gotu tnafaken yó kem hohon ye.”

Hagay 2:21

ebè Sirubabél yóm gubérnor bè Juda. Yó udél hwiten, monen, “Móyón kninsigu longit ne tonok.

1 Tutul Israél 22:13

Abay se ke hol loloem yó kem hlau Dwata ne yó kem hloloen yó kem tau Israél tehe hlanen bè Musis, angat wen uléken yóm kdê nmoem. Holi hbegel, ne hol hfólem nawam. Béi abay hlikò, ne béem hegdódól nawam.

2 Timuti 2:1

Ó Ngau, Timuti, hol hgelem nawam bè yóm gel któbóng Krays Jisas kut lemwót bè yóm deng kessotu te béléen.

Ifisus 6:10

Ni se mò sónen yóm udélu ebélê ye. Hol hgel ye nawa ye lemwót bè yóm deng kessotu ye bè yóm gónó tekuy mogot, ne lemwót bè yóm tey kegbeken bélê ye.

Sikaraya 8:18

Yó bud udélen ebéléu yóm Dwata laen dù là gbeken du, monen,

Sikaraya 8:13

Ó kem tau bè Juda ne kem tau bè Israél, bè kton le kuy yó kem tau bè tólóng benwu, yu se yó kem tau deng henmulà Dwata. Okóm ni, là ne. Lenwau yu ne hlanu bélê ye yóm któbóngu yó kem dumu tau. Yó gónóm mon, bê ye abay hlikò, hol hgel ye nawa ye, henlel ye mò du yóm dou Gónô.

Hagay 1:12

Duhen yó, lemwót Sirubabél ne Juswa ne kdê yó kem tau deng mulék gu bè Babilun yóm benwu tehe megef kul, tódô gotu nimón le yóm dók Dwata kul. Tey klikò le, ne nimón le yóm udél Dwata ebélê le hlanen bè Hagay yóm tugoden.

Hagay 1:1

Tehe yu ekni, wen tau hol geta kmamal bè Pérsya boluyen Daryus. Bè yóm hol tanay kdaw bè gnemen bulón bè yóm gewuhen halay kmamal bè yóm benwu yó, wen udél Dwata hlanen bè yóm sotu tugoden boluyen Hagay. Yóm udélen yó, hwiten ebè yóm gubérnor bè prubinsya Juda boluyen Sirubabél yóm ngà Syaltil logi ne ebè yóm geta bè yó kem gel demsù ebè Dwata boluyen Juswa ngà Jihusadak.

1 Tutul Israél 28:20

Yó bud udél Dabid ebè yóm ngaen Selumun, monen, “Hol hotuhem gelem, ne hfólem nawam, hol nmoem yóm hmò Dwata kóm. Béi abay hlikò, ne béi se abay htakas balù yóm tey kbong yóm hmò Dwata kóm. Abay se yóm Dwata yóm sana Dwata hol dou gónó mogot, tendo nô béléem. Là kô bayaen kóm, ne là se kô tnagaken kóm efet gotu gdengem yóm kdê wen muhen bè yóm ktaba ye ebè Dwata lem yóm Gónô Dwata hefdaem.

Juswa 1:8

Hol gel senfalahem yóm bok gónón nô yó kem hlauhu kuy. Eles tendo suem bè nawam senflósen kdaw ne kifu ne hol nimón ye yóm kdê snulat lemen. Sónen bè yó se gónón hyu kógów klowilem ne gónóm gembek mò du yóm hmou kóm.

Juswa 1:6

Hol hotuhem gelem ne hol hfólem nawam, yakà uu du malak kul ni kem tau ni eta yóm tonok tehe fasadu yó kem tehe fù ye.

Isra 6:14

Ne yó kem tau gónó le gel galak yó kem Ju, tey wen gendeng le bè yóm kehdà le yóm Gónô Dwata lemwót bè yóm tey kegduf le kul yóm lewu kem tugod Dwata Hagay ne Sikaraya. Botong deng yóm Gónô Dwata tehe hmoen kul yóm kul Dwata yó kem tau Israél, dalang se yó kem tau hol geta bè Pérsya le Sirus ne Daryus ne Artasérksis.

Hagay 2:18

Nim kemdaw ni,” mon Dwata, “gewuhen folò fat kdaw bè yóm gesyómen bulón, kdaw kehdeng ye du yóm gónón mteg yó kem hehek yóm dou Gónô. Lenwóten ni, nénég ye yóm kmò kógów klowil ye.

2 Tutul Israél 15:7

Okóm ni, kem logi bè benwu Juda hol ye hbegel, ne hfól ye nawa ye, abay se wen ofol ye du yó kem nmò ye.”

Isaya 35:3

Hol ten-gel ye yó kem sigel deng sidek kliteg le ne yó kem bukol deng kenkel là bud le mgel.