Sikaraya 8:8 - Udél Dwata: Gna Kesfasad ne Lomi Kesfasad

⁸ Bud nwitu lu semfulék anì nô le bè ni bè Jirusalim. Lu se yó kem dou tau ne ou se kul Dwata. Là kóen na a monol yóm nawahu ebélê le ne angat hono tedeng yóm nmou bélê le.

Sikaraya 8:8 Referans Kwoze

Isikél 36:28

Ne angat ye nô bè Israél, yóm benwu tehe blayu yó kem tehe fù ye ekni. Angat ye baling mò dou tau ne ou se baling Dwata ye.

Deng Hegfan 21:3

Ne tódô gungolu se yóm mudél lemwót bè yóm bangkù gónón myón yóm fen kmamal, hgelen udélen, monen, “Ngem yóm kun gónó nô Dwata, deng eles nô lem blóng kem tau ne. Angat tódô hlós nô bélê le, ne lu se baling kem kun tau. Là kóen na a bud skó bélê le ne, yakà du se kul Dwata.

Jirimaya 31:33

Okóm ke deng kól yóm kdawen, ni se yóm lomi senfasad me yó kem tau Israél. Angat suu lem nawa le yó kem hlolou kul ne snulatu lem hendem le. Angat bud ou se mò kul Dwata ne lu se mò dou tau.

Jirimaya 4:2

ne ke tek són bè dou boluy gónó ye hlan du ke wen safà ye ne ke nbut ye mò du yóm hyu, là mò ye kéng ne ndà ye yóm kukum tedeng, ke yó se nmò ye, yu se gónóhu hlan du yóm któbóngu yóm kdéen tau bè klamangen benwu ne angat le mógów ebéléu yó kem tau yó na le e dóyón yóm dou boluy.”

Deng Hegfan 21:7

Yóm tau gel matù bè yó kem sidek gel sut, ou se baling kun Dwata, ne du se baling dou ngà.

Sikaraya 13:9

Yóm dù mowil yó, angat lómó kmou kul lómón yóm tau tmógó tahu blówón ne blówón bukay bè ofi, gotu kóhen ke wen boolen. Omin le yó tmaba bè boluyu ne angat bnalau lu, monu, ‘Lu se yó kem dou tau’ ne yó mon le se kul, ‘Dwata se yóm sana kum Dwata hol gónó mogot.’ ”

Isikél 37:27

Tódóe nô lem blóng le. Ou se mò kul Dwata ne lu se mò dou tau.

Isikél 37:25

Angat le nô bè benwu Israél, yóm benwu tehe gónó le nô yó kem tehe fù le, yóm benwu tehe blayu ke Jakub, yóm sotu tau tóbóng lówóhu. Laen kô dù sónen yóm knô le bè yó, dalang se yó kem ngà le kkólen bè yó kem angat lugod le elem hulin kdaw. Ne Dabid yóm tau tóbóng lówóhu, angat laen kô dù sónen yóm kegetahen bélê le.

Sikaraya 2:11

Bè yóm kdaw kkólu, angat tey dê tólóng tau lemwót bè dumu benwu mung do ne baling le mò dou tau. Nóe lem blóng ye ne bè yó gónó ye temngón du yóm khógówen do yóm Dwata laen dù là gbeken du.

Juwél 3:20

Okóm yóm benwu Juda kun, angat tendo wen tauhen dalang se yóm benwu Jirusalim, nan hol dê he lugod tauhen laen dù tul sónen.

Jirimaya 30:22

Bè yóm kdaw yó, yu se mò dou tau ne ou se mò kuy Dwata.”

Sikaraya 10:10

Huléku lu gu ditu bè Idyip ne gu ditu bè Asirya, nwitu lu mulék ebè yóm kul benwu bè Gilyad ne bè Libanun. Angat tey kwen le ta yóm kul tonok, botong là kóyówen bélê le.

Jirimaya 32:41

Angat tey kligalu mò du bélê le yóm hyu ne hol lemwót lem but blututu yóm bud khuluhu kul ta nim tonok ni.

Jirimaya 31:1

Yó udél Dwata, monen, “Angat kól yóm kdawen bud ou se Dwata nulék yóm kdéen sfu Israél ne lu se yó kem dou tau.

Jirimaya 23:8

Mom yó angat mon le, ‘Smafà me ebè yóm Dwata laen dù tul katayen, yóm deng mit kul semfulék yó kem tau Israél ebè yóm kul benwu, gu le bè yóm benwu fi bwak ne gu bè yóm kdê dumu benwu deng tehe gónón e hegef kul.’ Omin le yó he henek bè yóm hol kul benwu.”

Jirimaya 11:4

Yó tehe senfasad me yó kem tehe fù ye bè yóm kwitu kul hewà gu bè Idyip, yóm benwu gónó le ghesek,’ monu, ‘Ke nimón ye ou ne ke gotu lolò ye yóm kdê hlolou kuy, baling ye mò dou tau ne ou se mò Dwata ye.

Jirimaya 24:7

Angat wen nawa hyu blayu kul anì hol dilô le ou yóm sana kul Dwata hol gónó mogot. Angat bud lu se dou tau ne bud ou se kul Dwata, abay se hol lemwót bè nawa le yóm bud kesfulék le ebéléu.

Isikél 36:33

Ni se udél yóm sana Dwata hol dandónen geta, yó monen, Ke deng gotu kóhu bélê ye yó kem salà ye, angat bud hnóu yu bè yó kem syudad ye ne angat bud hetlobu kuy yó kem deng gbà.

Sikaraya 10:6

Yó kem tau Juda, angat ten-gelu lu, ne lenwau yó kem tau Israél. Lemwót bè yóm kkoduhu kul, bud hen-guléku klowil le, hol lómón ke tehe là kenbéu kul. Yakà ou du yóm sana kul Dwata hol gónó mogot, angat bnalau yó kem hni le.

Tekang Kbuten 17:8

Nim tonok hanà tolo gónóm milo ni, blayu kóm ne bè yó kem sfuhem. Nim klamangen benwu Kanan ni, yó kem sfuhem funen ne laen kô dù sónen yóm kfun le du. Ne bud ou se hol kul Dwata.”

Husiya 11:11

Tey kehlóng le mulék lemwót gu bè Idyip, lómón kehlóng yó kem onuk koyu móyóng. Bud le mulék se kul yó kem tau tehe nô bè Asirya lómón kehlóng le kóyóng obun. Ne bud nwitu lu mulék ebè yóm hol tahu kul benwu. Ou se yóm sana kul Dwata hol gónó mogot nim mudél ni.”