Sikaraya 8:7 - Udél Dwata: Gna Kesfasad ne Lomi Kesfasad

⁷ Bud ni se udél yóm Dwata laen dù là gbeken du, monen, Tahu dohò se yóm angat kehewau kul yó kem dou tau deng negef le ebè yó kem benwu fi dmata kdaw ne ebè yó kem benwu fi desdef.

Sikaraya 8:7 Referans Kwoze

Malakay 1:11

“Okóm yó kem tólóng tau bè dumu benwu, tódô lenwóten bè yó kem benwu fi dmata kdaw kól bè yó kem benwu fi desdef, tey kadat le du yóm dou boluy. Tódô keten benwu wen gel hboo le ebéléu yóm alì tilob boohen ne dsù le ebéléu yóm dsù alì knóón béléu,” udél yóm Dwata laen dù là gbeken du.

Jirimaya 31:8

Tahu se,” mon Dwata, “angat bud nwitu lu semfulék lemwót gu tebwak ne bud sentifunu lu lemwót ditu bè són tonok. Angat le bud mung se kul yó kem tau butô ne yó kem tau tugô. Dalang se yó kem libun tolo mlutut ne yó kem libun móyón kmuleng blutut le. Angat tey kwen le bè yóm bud kesfulék le.

Isaya 49:12

Tey mayuk gónó le gu lemwót. Lemwót le gu fi debwak ne fi desdef ne lemwót le gu bè benwu Aswan yó kem dumu, benwu hol fi leged.

Isaya 59:19

Lemwót bè yó kem benwu fi dmata kdaw kól bè yó kem benwu fi desdef, gotu le likò du. Knikò le yóm alì kfasangen. Yó kmoen kul bè yóm kógówen elem blóng le, hol lómón ke dunuk yóm tey él bong, duhen ke mbel yóm hol yéen lenos bong.

Kem Lingón 50:1

Mudél yóm Dwata laen dù là gbeken du yóm sana Dwata hol gónó mogot. Tinoken yóm kdéen tau talak tonok lenwóten fi dmata kdaw kól desdef.

Kem Lingón 113:3

Yóm klamangen benwu lenwóten fi dmata kdaw kól desdef, hol dóyón tekuy yóm boluy Dwata.

Isikél 36:33

Ni se udél yóm sana Dwata hol dandónen geta, yó monen, Ke deng gotu kóhu bélê ye yó kem salà ye, angat bud hnóu yu bè yó kem syudad ye ne angat bud hetlobu kuy yó kem deng gbà.

Sikaraya 10:6

Yó kem tau Juda, angat ten-gelu lu, ne lenwau yó kem tau Israél. Lemwót bè yóm kkoduhu kul, bud hen-guléku klowil le, hol lómón ke tehe là kenbéu kul. Yakà ou du yóm sana kul Dwata hol gónó mogot, angat bnalau yó kem hni le.

Dwata 30:3

ominen yó he bud mulék koduhen kuy yóm sana Dwata hol gónó mogot. Angat niten yu mulék gu bè yó kem benwu gónón deng e semkla kuy ne bud huléken ebélê ye yóm kehyu klowil ye.

Nihimaya 1:9

Okóm ke bud ye semfulék ebéléu ne nimón ye yó kem deng hlauhu kuy, bud nwitu yu semfulék ebè yóm benwu deng néléku mò gónó ye tmaba ebéléu. Baluen he ke deng negef le yu ebè tu kem benwu són tonok, kaem bud nwitu yu mulék he.’

Kem Lingón 147:2

Bud hefdà Dwata Jirusalim, ne bud niten lu semfulék ebè benwu Israél yó kem tau deng tehe negef.