Sikaraya 8:4 - Udél Dwata: Gna Kesfasad ne Lomi Kesfasad

⁴ Yó bud udél yóm Dwata laen dù là gbeken du, monen, Yó kem tuha deng tmuged, angat le bud mlan bè yó kem lan bè Jirusalim ne bud le seyón bè yó kem plasahen.

Sikaraya 8:4 Referans Kwoze

Hibru 12:22

Okóm bélê tekuy, tey tólóng yóm kehloni tekuy ebè Dwata nim kmoen ni. Laen dù bang gónó tekuy likò. Lómón ke deng tekuy hloni ebè yóm bulul Sayun, ne yóm hol benwu bong gónóhen nô Dwata, yóm Dwata laen dù tul katayen. Yóm benwu yó, yó se yóm Jirusalim bè longit, gónóhen hol nô yó kem hilu libu hógów Dwata.

Job 42:17

Ne song matay deng tey tuha ne deng tey gsengel klowilen.

Job 5:26

Angat tey ktahà klowilem. Hol lómón yóm halay, là kô nuta le du efet tilob khulóen.

1 Samwél 2:31

Nmou són le yó kem fes lówóhem anì là bud le tau blóng ebéléu. Tódô kdê yó kem logi lomi lemnok bè fes lówóhem angat le gotu tódô matay bè yóm hanà klomi le tau ne laen dù bélê le kól tuha.

1 Samwél 2:32

Angat tey sidek kegnómem du yóm igoem mton yóm angat tey kehyu klowil blayu yó kem tau Israél. Okóm laen dù logi bè yó kem fes lówóhem angat tahà ktauhen.

Jirimaya 31:13

Omin le yó gotu madal yó kem sawang libun, tey kligal le. Dalang se yó kem logi, kem ngà logi kólen bè kem tuha gotu le hligal se kul. Wen kligal blayu kul mò tles yóm klangag le ne wen klaan nawa blayu kul mò tles yóm keblat nawa le.

Jirimaya 31:24

Gotu le bud hligal nô bè Juda yó kem tauhen, yó kem tau mò hulu ne yó kem tau semgyok ógóf ne yó kem tau nô bè syudaden.

Sikaraya 2:4

ne yó monen mò du yóm mógów ebéléen yó, “Hetlasiki, tulónem tum tau mit btes tu koni, monem mò du, ‘Lemwót bè yóm angat bud alì kwen tau lem yóm syudad Jirusalim, botong là kóyów le lemen. Lemwót yó kem dumu, tódô le nô bè lewà ne yó kem ógóf le ne laen se kô dù hemen le bè yó.